很多人都在用的 Carousell,竟然還沒有把賺錢放在首要目標

17/04/2017
1261 Views


Carousell 呢個拍賣 App,香港有唔少朋友用緊,貪佢夠方便影完上架就得,唔駛咩複雜手續。如果你有用過應該明白佢就好似最開初嘅 Yahoo 拍賣咁,影相寫簡介就搞掂,無咩難度,只係平台由電腦變成手機。

早輪 Carousell 老細由新加坡來香港轉個圈,石先生有幸食飯傾兩句。作為一個蚊型 Online Store 嘅負責人,問 Carousell 嘅第一個問題就係佢點賺錢。

Carousell 依家有好多買賣,但其實佢地無付款系統,買賣方可以選擇用銀行入數、現金交易或者 Paypal 俾錢。作為一個平台,因為 Carousell 無迫用戶用佢地嘅付款系統,佢無辦法係每單交易之中賺錢,而 Carousell 本身買賣上架結帳又唔駛錢,所以點賺錢真係一個幾奇妙嘅事。


 

賺錢仲未係首要目標

點賺錢呢?Carousell 話呢個問題暫時唔係重點,點賺錢唔係好重要,依家最主要係發展市場,依家主力其實係做好平台及發展更多市場,點賺錢,係咪要啲廣告費,係咪要做付款系統抽成,係咪要收買賣手續費都係後話。

Carousell 呢個情況同大部份嘅 Startup 真係好相似,最重要係活躍度、發展市場,係仲有投資者加持嘅情況下,點搵錢真係唔太重要。點搵錢呢個問題就留番遲下先想,所以用開 Carousell 嘅朋友暫時都唔駛太擔心,免費仍然會維持一段時間。

 

同 Carousell 傾完計,石先生覺得佢地始終都有野要改善。依家始終係電子付款嘅年代,Carousell 暫時可以唔理電子付款問題,但遲早都要面對,無可能下下都叫用戶 Bank Transfer 或者 Cash 交收。


Carousell 即使唔想收交易手續費或買賣登記費,怕影響用戶體驗,其實都可以發展類似 Paypal 或者支付寶嘅官方支付工具,提供俾買賣方使用,保障雙方安全。以新加坡對 Fintech 嘅積極態度,應該有銀行願意合作,由新加坡開始試再推廣到其他地區未嘗唔係一件好事。


Arlo Baby 嬰兒專用網絡鏡頭 - 哭鬧通知、雙向語音、空氣監測
詳情請點擊:http://netgear.anlander.com







此文章首發於 TechRitual;標題:很多人都在用的 Carousell,竟然還沒有把賺錢放在首要目標;內容贊助:NETGEAR orbi,Mesh WiFi 子母機設計打通村屋