好明顯已經無錢嘅樂視今次又有新危機，而且由大陸延伸到香港。今次問題唔係裁員呢啲內部問題，係直接影響用戶。
再次傳出財困的樂視，一直未有影響到香港業務，但樂視體育今日公佈，因節目調整，本週日(5月28日)凌晨在LeSports HK平台直播的英格蘭足總盃(FA Cup)決賽(阿仙奴對車路士)，將無法播出。LeSports HK對本次受影響的用戶鄭重致歉，將提供3個月超級體育組合作為補償。
來源：蘋果日報
睇到呢到大家有咩感覺，嘩！決賽喎！決賽喎！你播唔到送三個月組合就算，唔係以為咁就搞得掂啊！香港足總盃得你有得播，你唔播全香港人都無得睇。跟住睇外國 LINK 你仲話我侵權，咁點先？
先唔好講三個月超級體育組合值幾多錢，問題係你如果出年連英超轉播費都俾唔到，咁你個三個月超級體育組合咪又係垃圾，體育節目講新講即時，你播三個月舊比賽搵鬼睇啊！
更何況好多餐廳酒吧就係靠呢啲大型賽事去搵生意，車路士及阿仙奴 Fans 香港都唔少，你唔播呢班人唔去消費，對香港經濟影響幾大，酒吧少左幾多生意。人地做生意俾左咁多錢投資，都係想有回報，你依家一句「節目調整」就唔播，你地嘅投資點算呀？
