這次開箱的產品是 NETGEARArlo Go 家居安全鏡頭,這枚擁有 4G LTE 能力的 IP Cam 功能可說是一絕,其最大賣點是完全無線、完全無線、完全無線(好重要所以要講三之)。

點樣完全無線呢?因為呢個 Arlo Go 唔係行 LAN 線,唔係行 Wi-Fi,係直接行 4G LTE SIM 卡,由設定到用成程都唔需要連家居網絡,只要插入 SIM 卡,然後連手機就得,方便到盡頭。

望返包裝,今次嘅 Arlo Go 一樣有手機 App 連接,一樣有充電式鋰電池,一樣有室內外使用功能,一樣有防水防塵,同以往嘅 ArloArlo Pro 嘅配備差唔多。


打開個包裝,可以望到今次嘅 Arlo Go 明顯比 Arlo / Arlo Pro 要大,似乎係提供更強功能嘅情況下,體積無可避免都要上升先得。

打開埋盒下面嘅包裝,見到今次嘅原裝配件有啲分別,無左磁石底座,換來嘅係安裝支架,係用嘅時候要先上螺絲,然後再擰個鏡頭落去,用落無以前貼上去咁方便,但用過安裝支架嘅都明,呢隻 180 度覆蓋嘅雲台其實都好正,差別係擰落來個下要啲時間,唔係一貼上去就得。

另外,右邊個度個條充電線都有少少唔同,係直接電源插頭轉落去 microUSB,無左基座嘅 Arlo Go 也都唔係就咁一條線。至於體積變大嘅原因係見到電池後也都明白。之前 Arlo Pro 粒電池先得 2,440mAh,但今次嘅 Arlo Go 直頭有 3,660mAh,仲勁過唔少手機,難怪成個 Arlo Go 體積都要變大啦!始終大電襟用啲。

鏡頭下個個位,小編第一眼以為係屏幕,但原來係感應器,真係比以前嘅大左唔少,而下面嘅就係喇叭(係,一部有埋雙向語音及警報功能),至於最底就係螺絲頭啦!


打開底蓋,今次 Arlo Go一樣有防水,所以見到條防水膠邊,然後蓋後都係放電池嘅位,而拎走電池後就可以見到兩個卡槽。

左邊係 microSD 卡槽,右邊係 microSIM 卡槽,收埋哂係最底位置。望到呢到,你都大概明白,今次呢部 Arlo Go 係就係大左啲,但功能上都好齊全,有防水、有雙向語音,有 microSD 做機內儲存,有 4G LTE 做 Cloud Storage 及連接即時查閱,以往要基座先做到嘅野,今次一部搞掂哂。

小編本身想試埋落 Apps,但時間有限,今日講住咁多先,下次再同大家講呢部咁正嘅真無線 Arlo Go。部機依家已經係 anlander.com 發售 3,900 港元,免費送貨。



Arlo Pro 網絡攝錄鏡頭 - 防水、內置電池、無線
詳情請點擊:http://www.anlander.com


此文章首發於 TechRitual;標題:真 4G LTE IP Cam - NETGEAR Arlo Go 開箱文;內容贊助:NETGEAR orbi,Mesh WiFi 子母機設計打通村屋