【電競向】用 Switch 取代 Router,用最低成本將屋企網絡效能極大化

08/07/2017
2147 Views


今日呢個 Post 比較遊戲向,各位電競人仕、Game Player 都可以留意番。

而家市面唔少遊戲都愈做愈出色,無論畫質同精緻度都相當高,但同時對網速嘅要求都愈嚟愈高,就算 Router 擺得又近又夠勁,Wi-Fi 訊號完全無問題,一打機始終都會 LAG 機,玩VR Game 個陣,問題就更加浮現,今日我就要教大家點用低成本,強化個 Router,還自己一個最高網速啦!

要明白點解 Wi-Fi 訊號係完全無問題,但網速依然追唔上,首先你要明白,影響住整個網絡嘅網速,Wi-Fi 訊號只係第一關,網絡頻道同 Router 嘅運算速度先係決勝嘅關鍵。


假設你嘅網絡供應商同 Router 質素唔差,一般而言,電腦上顯示收得好的話,應該都足夠應付一般文書同上網,但係點解打機仲係 LAG?好可能你嘅 Wi-Fi 王國,喺網絡頻道同 Router 嘅運算速度上表現強差人意啦。

 

Router 再勁,SWITCH 唔掂都無用

先講網絡頻道,按唔同價錢嘅 Router 多數會發出 1-3 條嘅 Wi-Fi 頻道,每條頻道就好似一條隧道,比來自互聯網嘅資料包通過,並去到你嘅電腦或電話,當所有頻道都有人用緊的話,就會開始共用,隧道自然會塞。

要解決呢個問題,一般會建議你加頻道,不過呢個係一個比較高成本嘅做法。我會建議使用一樣叫做 Switch 嘅物體,去有效分配 Wi-Fi 訊號嘅使用。由於 Router 對所有用戶都一視同仁,變相無需高效上網嘅用戶會出現「用剩」嘅情怳,反而需要高效上網嘅用家(例如電競)會唔夠用。


以而家最新出嘅 NETGEAR S8000 GAMING SWITCH 為例,佢可以預設某一個特定用戶可享優先使用權,咁就可以比流量高嘅資料包優先通過,從而完全使用整個 Router 及 Wi-Fi 網絡。

用 Switch 取代 Router 做運算

另外,Switch 網絡嘅核心,而一般嘅 Router 會兼任接收、分析、分拆資料包最後發放 Wi-Fi 訊號,所以如果遇上大流量嘅資料包嘅時候,需要花時間進行運算,從而影響速度。唔好睇少呢一個位呀,每個資料包分析一次,一多起上嚟就會好慢。

Switch 另一個作用,就係取代 Router 分析同分拆資料包部分,以岩岩個例子,由於佢無需兼任多項功能,佢可以集中運算,減輕 Router 負荷,令整個網絡可以功能極大化。

Switch價錢比唔算貴,以上面提到嘅 S8000為例,都係一千左右,比買過個高級多頻嘅新 Router 平得多,中意打機嘅你地真係可以考慮下。




Arlo Pro 網絡攝錄鏡頭 - 防水、內置電池、無線
詳情請點擊:http://www.anlander.com

此文章首發於 TechRitual;標題:【電競向】用 Switch 取代 Router,用最低成本將屋企網絡效能極大化;內容贊助:NETGEAR orbi,Mesh WiFi 子母機設計打通村屋