上次同大家盤點完 4 款最靚嘅 Router,今日我又左揾右問,搜集咗 4 款 2017 年最貴嘅 IP CAM,同大家一齊分析下佢貴係邊到啦!

第四位 – Withings Home
優點:木製,設計美
缺點:功能一般
官網:https://www.withings.com

價值 $1,500 嘅Withings Home 曾經比外媒評為最佳外型 IP CAM,以橢圓柱形木紋外殻包圍主機,配以純白色機底,外型的確唔錯。


功能上有兩大賣點,第一,非常方便安裝及使用,不論是 iOS 或 Android 手機,只需要簡單插線,下載 Withings Home app,再輸入 Wi-Fi 密碼就可以輕鬆以手機設定;第二,可一鍵將 24 小時的錄像製作成縮時版本,簡單監控一日家中動靜。

 

第三位 – MYFOX
優點:警示功能
缺點:安裝複雜
官網:http://getmyfox.com

MYFOX Security System 價值$ 1,800,價錢上值得一提嘅係,如果要添置其他延伸裝置就會好貴,分分鐘超越第一位。

佢除咗係一個 IP CAM,佢更加似一個保安系統,將佢直接裝喺門上面,當係預設時間內,當感應器感受到門上或窗口有異動(例如大力撞門),門上嘅感應器就會發出警示,嚇走可疑人仕,並通知屋主。雖然功能強大,而且有手機 Apps 輔助,但係安裝方面,就比較麻煩同複雜,一般人可能需要揾裝修師父幫手裝啦。


 

第二位 – Arlo Pro
優點:防水、警示功能
缺點:無線,內置鋰電池,每月需充電
官網:
http://anlander.com

價值 $2,080 嘅 NETGEAR Arlo Pro,流線形純白色嘅外殻,外型簡潔。價錢係貴價IP CAM入面算係較為中規中舉,外型簡單,價錢主要反映係功能之上。

NETGEAR Arlo Pro功能算是比較全面,佢有有四大賣點,第一,高清影像拍攝達720P 及 130度廣角,同時配備夜視功能。第二,防水防塵程度達 IP65,可安心放置戶外或室內。第三,配備磁石底座,簡單安裝而且無需拉線。第四,如果光學感應器,感應到周遭有可疑的動靜,就會自動通知屋主,同時發出100分貝警示,嚇走可疑人物。

 

第一位 – Piper NV Smart Camera
優點:無
缺點:價錢貴、功能普通、膠味濃
官網:不合理就不提供了

價值$2,720嘅Piper NV Smart Camera,大家係咪好期待佢有咩咁勁嘅功能可以貴到登上榜首呢,答案係:我都唔明點解佢可以標呢個價。。。


先講外型,佢嘅機身係橢圓柱形白色或黑色嘅普通膠,膠味都幾濃。可能貴不在外型,我地轉睇功能,佢嘅高清拍攝達1080P、180度魚眼廣角,可以額外添加門窗感應器以及光學感應器,同時配有有夜視功能。好似唔錯,但佢嘅功能大部分都可以喺上述幾款到揾到,而且價錢仲平啲添。

 



Arlo Pro 網絡攝錄鏡頭 - 防水、內置電池、無線
詳情請點擊:http://www.anlander.com


此文章首發於 TechRitual;標題:【整理】幾款最貴的網絡攝影機,原來貴喺呢到;內容贊助:NETGEAR orbi,Mesh WiFi 子母機設計打通村屋