室內保安鏡頭喺呢幾年間愈嚟愈受人重視,佢地嘅功能同智能都日新月異,由以前鬥高清耐用,到而家鬥高科技,出現唔少以動感偵測、雲端警報系統,呢啲以高科技為主打嘅嚟爭艷鬥麗。

今日我地搜羅中外媒體呼聲最高,喺四個範疇上,都非常突出嘅比大家參考。

功能最簡單


Logi Circle 可以話係集多功能於一身,除咗廣角鏡頭以及高清拍攝,佢嘅應用程式可以比你現場直播,播完仲可以有24小時免費嘅雲端備份,比你 Check 返同留低證據。佢仲可以為你整一個每日簡報,將一日所有活動整理成一個加速版嘅短片,你想下載比朋友、家人什至警察都非常方便。

佢仲兼有夜視功能,不過可惜經過我地反覆測試,發現如果現場環境唔夠黑,佢就唔會啓動夜視模式,只會有非常低清嘅彩色畫面,所以如果您想要清晰的夜景鏡頭,就要確保熄晒所有燈同光線。

Logitech Logi Circle
售價:約 HK$1500
購買:http://www.logitech.com/

最型設計


Canary 保安鏡頭有非常型格嘅暗黑色外殻(可選白色),配上鋼琴黑內圈,大概同手掌一樣大,非常容易打理。簡約嘅設計更加令佢比較似一個藝術品,除咗硬件之外,佢專用嘅應用程式亦非常簡約易用,絕對係潮人嘅首選。

功能方面,我比較欣賞佢內置警笛可以嚇走入侵者,而且圖像質量好,可惜佢缺少咗其他保安鏡頭上常見的功能,例如雙向對講功能、無線運作的備用電池等,而且要價相比同功能機款較為高,買之前都真係要諗清楚。

Canary All-in-One Home Security System
售價:約 HK$2,800
購買:香港無出

最實用抵玩啱香港

要數到最抵玩,一定唔可以唔提 NETGEAR 嘅 Arlo Pro,外形簡約時尚,有流線形純白色嘅外殻,非常容易打理。價錢係貴價 IP CAM 入面算係較為中規中舉,但係功能可以媲美,超越頂尖嘅保安鏡頭,明顯價錢主要反映係功能之上。


NETGEAR Arlo Pro 功能比較全面,IP65防水防塵,打風都唔驚,720P 及 130 度廣角嘅高清影像拍攝,以及夜視拍攝功能,而且有光學感應器。戒備狀態下,感應到動靜,就會自動通知屋主,同時發出100 分貝警笛,可以嚇走可疑人物。呢點我覺得做得相當細心,好過好多天價 IP CAM,安裝複雜,但佢用手機按幾下 NEXT 就得,而且無需拉線,師傅錢都慳返,計起上嚟真係最抵玩啦。

值得一提嘅係,Arlo Pro 有分 1 鏡2 鏡3 鏡4 鏡5 鏡套裝,潮媽建議大家可以買左抵玩啲嘅 2 鏡套裝先,用落啱用先再獨立加鏡頭都得,度哂位先再買,安心好多。

NETGEAR Arlo Pro
售價:HK$1,980
購買:NETGEAR 網上旗艦店

最強安裝最複雜


MYFOX Security System 除咗係一個IP CAM,佢更加似一個保安系統,將佢直接裝喺屋企嘅邊界上。係戒備狀態內,當感應器感受到門上或窗口有異動(例如大力撞門),門上嘅感應器就會發出警示,嚇走可疑人仕,並以手機Apps通知屋主。

雖然功能強大,但係安裝方面,就比較麻煩同複雜,一般人可能需要揾師父幫手裝啦。不過值得一提嘅係,如果要添置其他延伸裝置係每一個可能出入口上就會好貴,分分鐘會超晒Budget。

MYFOX Security System
售價:HK$1,800
購買:香港都係無出



Arlo Pro 網絡攝錄鏡頭 - 防水、內置電池、無線
詳情請點擊:http://www.anlander.com


此文章首發於 TechRitual;標題:【最新出爐】2017 年四大最強保安鏡頭一覽,高科技有動感偵測與雲端儲存;內容贊助:NETGEAR orbi,Mesh WiFi 子母機設計打通村屋