MEIZU pro 7 對 Huawei Nova 2 Plus 對 Huawei Mate 9 評比：拍照篇

Meizu Pro 7 與 Huawei Nova 2 Plus 售價非常貼近, 而兩者均搭載雙鏡頭及主打景深拍攝, 係定位上可謂非常相似, 而在一眾中高階機當中以攝影為主重點功能既手機比較少見。

筆者今次就以最近減到 $3980 既 Huawei Mate 9 作比較, 評論呢兩部中高階機既攝影功能是名過於實還是名副其實?

Meizu Pro 7 拍攝短評:
– 自動對焦/ 追焦速度表現理想
– 夜拍表現不穩定, 雖然某些場景表現直迫 Mate 9, 但相片太光, 令相片雜訊量大增
– 感光敏感度不足, 轉換速度不算快
– 雙鏡頭虛化表現非常出色, 十分自然

Huawei Nova 2 Plus 拍攝短評:
– 相片顏色普遍偏黃
– 雙鏡頭虛化表現略假
– 夜拍影像質素不理想, 雜訊量大, 只達中階機至高階機水平

日拍比較

日拍方面, 放大 100% 能看到 Meizu Pro 7 所拍攝出來相片畫質較 Nova 2 Plus 理想, 另外筆者發現 Huawei Nova 2 Plus 既後製略為過火, 無論在對比度及色彩飽和度的調較也略為誇張, 反觀 Meizu Pro 7 的調較就偏向自然, 令兩者所拍攝出來影像有好大既對比!

以上這組相片可以看到兩者在調較上的分別, 如留意樓宇既光暗度就發現其實兩部手機既所拍攝出既光亮度大致相同, 但是 Nova 2 Plus 既對比度及色彩飽和度就明顯較 Meizu Pro 7 大!

其他日拍影像:

Huawei Nova 2 Plus 雙鏡頭2x 變焦表現:

基本表現合符預期!

雙鏡頭虛化表現

Meizu Pro 7 既虛化表現算是筆者試過咁多部手機當中表現最好, 最為自然, 如果有用過 iPhone 7 Plus 拍攝人像/景深模式, 都大約知道 iPhone 7 Plus 在這方面都有幾多限制, 如以同以雙鏡頭及虛化功能作主打既 Nova 2 Plus 作比較, Nova 2 Plus 既表現就明顯比下去!

在於光源較為複雜既場景, 兩部機均會出現運算錯誤既情況, 只係 Huawei Nova 2 Plus 既問題較大:

另外在測試途中就發現 Huawei Nova 2 Plus 雙鏡頭拍攝的影像(特別在影微距/近距離時) 會嚴重泛黃, 調較方面明顯較有 Leica 認證既 Mate 9/ P10 有頗大段距離!

夜拍表現

在極低光源既情況下, Huawei Nova 2 Plus 與 Meizu Pro 7 既表現均是不理想, 而筆者同步以 Huawei Mate 9 拍攝作為參考:

實際上我覺得 Meizu Pro 7 既畫質其實都可以話追得上 Mate 9 不過在雜訊既處理上就有頗大既進步空間, 在呢類環境拍攝下, Meizu Pro 7 所拍攝出來相片就有少少花! 而 Huawei Nova 2 Plus 就磨清雜訊, 但是其畫質表現就相對較差!

100% 放大:

前文都有提到 Nova 2 Plus 的調較有少少過火及偏黃, 以同一場景來比較就會發現 Mate 9 與 Nova 2 Plus 所拍攝出來的影像在色域方面就有好大既分別, 所以有沒有 Leica 認證既鏡頭其實是有非常大既影響!

總結:

綜合之前測試, Huawei Nova 2 Plus 現售 $3380, 雖說主打攝影, 但其這方面表現的確令筆者失望, 所以與其用呢個價錢入手 Huawei Nova 2 Plus, 不如加多 $600 買部 Huawei Mate 9 仲實際。

另外 Meizu Pro 7 有傳港版售價為 $3000 左右, 以呢個攝頭質量我覺得表現幾好, 雖然未能夠完全取代旗艦級別手機, 但以高階機去衡量, 其表現可謂出色!