雖然 LG V30 經已發表，但 LG 一直未有正式公佈手機的零售價錢。不過日前，LG 舉行的一個活動中，就自行曝光了疑似 LG V30 的售價，接近 HKD$6,000，大家覺得這個價錢如何？
話說日前 LG 在 Twitter 上舉行送禮活動，幸運兒有機會得到一部 LG V30 手機，名額三個。不過在活動的細則中，官方就清楚列明獎品價值 $749.9 美金，即約 HKD$5,800 左右。如無意外的話，幾乎可以肯定這將是 LG V30 的零售價錢。
其實大家都知 LG 手機跌價快，就算開價真係 HK$6,000，開賣兩三個星期就會跌番落五千幾，再過多一個月左右就會到五千頭，再等多陣就會變四千尾，然後以三千幾清貨，仲有邊個會用六千幾買呀。
