Magic-Pro 繼上次好適合辦公室枱面用嘅 Q5 後,近來又有一件超正嘅產品,真係要同大家介紹下。因為佢係專設計俾一啲用 MacBook Pro 嘅朋友,真係超方便。

大家都知新版 MacBook Pro 開始用 USB-C 來充電,但 Apple 本身跟個個火牛又大又重,完全無左輕便嘅優勢,但市場上一般嘅 USB-C 充電器又充唔到 MacBook Pro,只有少數好似呢款 Q5PD 能夠做到。


係外觀上,Q5PD 同 Q5 真係無咩分別,但係 Q5PD 最左邊嘅插頭唔係 USB-A,改左係 USB-C,而呢個頭就夠駛電壓幫你部 MacBook Pro 充電啦!

當然,你可以用番本身 Apple 跟俾你個條 USB-C 線來插 Q5PD,但 Magic-Pro 本身都跟左一條俾你,所以你如果同石先生一樣係公司用、屋企又用嘅話,你就可以將 Apple 個組放哂係屋企,而公司就全用呢組 Q5PD + USB-C 來充電啦!

充電速度方便,其實部野本身都支援 Qualcomm QC3.0,如果你想快充手機也可以同時做到,一次過充幾樣野!

如果要講缺點嘅話,就係 Q5PD 跟個條 USB-C 線唔算超長,如果你部 MacBook Pro 放遠啲未必夠長,個時就要用番原廠個條了。Q5PD 好還好,但 Magic-Pro 同期出嘅 3TQC 仲正,遲下去到澳洲同大家慢慢分享。




此文章發佈於 TechRitual; 標題:Magic-Pro Q5PD 上手快測 – MacBook Pro 的朋友看過來; 內容贊助: VPN 翻牆機 - 出又得入又得,一個價錢搞掂哂; NETGEAR 台灣旗艦店Arlo Store 香港網上旗艦店

SHARE
Stone IP 目前是自由撰稿工作者 + 社群網站經營,曾經於 Engadget 中文版工作八年之久,職至高級編輯。文章撰寫以貼近生活為主,內容以科技網絡與旅遊紀錄較多。此博客瀏覽量已超越達到 1,300 萬。