【開箱評測】Samsung Galaxy XCover 5 :防水好用,但有高規格更好

香港三防機選擇不多,而且定價離地,不過 Samsung 最近推出了 Galaxy XCover 5,定價只是 HK$2,498,叫做一個合理價玩到三防機。部機有乜特別?好唔好用?都可以喺今次真心評測詳細了解。

Samsung Galaxy XCover 5 硬件規格

螢幕尺寸:5.3 吋 1480 x 720 解像度
機身體積:147.1 x 71.6 x 9.2mm
重量:172g
處理器:Exynos 850 CPU
儲存空間:4GB RAM /64GB ROM
系統:Android 11
主相機:1600 萬像素
前置相機:500 萬像素
電池容量:3000 mAh
防水:有,IP68
無線充電:無
5G:無
NFC:有
WiFi 6:無
其他:可換電、三防、藍牙 5.0、三卡槽設計
定價:HK$2,498

機面的 5.3 吋螢幕,屏佔比雖然唔高,但都可單手操作

拎出街用唔似托鐵

三防機一向比人印象都係大大舊,不過 Samsung Galaxy XCover 就係一部袖珍的三防機,機面的 5.3 吋螢幕,屏佔比雖然唔高,但都可單手操作,而且塑膠機身一點都不重,好難想像咁輕巧的手機,可以通過 MIL-STD-810H 軍規耐用度測試,同時獲得 IP68 抗水防塵認證。

前鏡為 500 萬像素,支援人臉識別功能

屏幕邊框都幾闊

採用塑膠機身

Samsung Galaxy XCover 側框佈滿像磚頭的方格,估計有一定防摔破作用,側框特別地加入 XCover 鍵,預設一按就是啟動 LED 燈,但 LED 燈明明有兩粒,點解開 LED 燈時只有一粒會亮起?

側框設音量與開關鍵

紅色長條為 XCover 鍵

LED 燈明明有兩粒

點解開 LED 燈時只有一粒會亮起?

Samsung Galaxy XCover 另一利害之處是 3.5mm 同埋 USB-C 插頭,都無防水蓋保護,不過它的可換電設計,用家如果打開機背電池殼換電時,無將機背蓋好,當跌入水內,機身就會即時入水而損壞,小編認為都係用內置電,對三防功能保護更有保障。

機頂加入 3.5mm 插頭

機底有 USB-C 充電位置

3000 mAh 電池可自行更換

三卡槽設計

新增 SOS 功能

Samsung Galaxy XCover 運行 One UI 3.1 系統,系統操作都跟一般 Samsung 手機大致相同,不過機身沒有指紋識別器,要使用生物認證功能,只能通過人臉解鎖。XCover 鍵亦可以按用家需要,設定短按與長鍵時所啟動的功能或應用。

主攻戶外運動客的 Samsung Galaxy XCover,都好像唔少三防機加入 SOS 功能,功能可設定按三下或四下啟動,當啟動後會將身處地點的 GPS 坐標、前後鏡頭所拍攝的畫面及一段 5 秒的錄音,以短訊形式傳送到指定的聯絡人。當啟動 SOS 功能時,亦會每隔 30 分鐘,將 GPS 坐標傳送到該聯絡人,從而希望聯絡人可以迅速找到用家提供支援。

加入 SOS 功能

跑分與使用時間都不高

Samsung Galaxy XCover 硬件規格配置 Exynos 850 CPU、4GB RAM 及 64GB ROM。Exynos 850 CPU 是 Samsung 開發的 8nm 晶片,CPU 採用 8 核 Cortex A55 架構,是一款入門級 CPU,從 Antutu 跑分都不過 15 萬分,就睇到 Samsung Galaxy XCover 效能十分低階。

而它 3000 mAh 的電量,在 PCMark 2.0 使用時間,成績亦只有 11 小時 28 分鐘,使用時間亦都唔長,幸好可以換電滿血彌補缺點。Samsung 如果用更高規格,例如用 Qualcomm Snapdragon 670 CPU,部機將會脫胎換骨。

單鏡不化表拍攝表現低劣

自從手機鏡頭的軍備競賽出現後,用家好像覺得手機愈多鏡頭,拍攝表現就會更高。不過 Samsung Galaxy XCover 話你知,只有一支 1600 萬像素 f/1.8 光圈 26mm 鏡頭都影到靚相。一張質素高的相片,最基本是色彩自然,白平衡與曝光不會偏離,Samsung Galaxy XCover 大致上都做到,而且鏡頭支援 10 倍數碼變焦,日光下都拍到清晰的遠距離景物。

總結:真心覺得好用,貪心地想有更高規格

Samsung Galaxy XCover 其實比想像好用,三防機身但一點都不重,而且仲可以單手操作。即使效能唔高,但用落都唔算慢,日常唔打機用都可以接受。想它可以規格更高,只是小編喜愛這機一廂情願的想法。

此文章發佈於 TechRitual 香港