上年8月11日，國內一張姓消費者在京東購買了兩部 Mi 10 至尊紀念版手機。同月17日，張某在一部使用時間不足一日，另一部未拆封嘅情況下，發表兩條商品評價， 其一寫道「用了一個禮拜，死機了七八次，玩手機發燙起碼50℃，充電速度雖然很快，但是耗費的電量也很快，兩小時就沒有電了」，另一條為「手機質感一般般，續航不太好，用了一個禮拜了，發燙嚴重，很卡頓，拍照不清楚，充電慢，手機不防水」
張某嘅評論好快就被國內其他KOL瘋轉，而當時Mi 10至尊紀念版手機岩岩出無耐，部機亦同以往小米抵玩同平完全拉唔上關係，講緊人仔5299起跳，張某嘅評論對銷售應該帶嚟負面嘅影響。
於是小米就決定起訴張某。而上月10 日，南京雨花台區人民法院就對張某惡意差評小米10 至尊紀念版，侵犯其名譽權一案做出民事判決。經法庭宣判，張某侵犯小米公司名譽權，需賠償小米3萬元。除了賠償外，為了挽回小米的口碑，今日，這位給出惡意差評的用家在《法制日報》刊登了道歉聲明。
張某嘅評論或者當時係惡意負評，但小米手機過熱同埋效能消耗過大變相食電其實並唔係咩失實言論，周不時亦有小米手機或電池爆炸嘅新聞事件發生，張某錯就錯在太心急，如果佢等多幾日先咁寫，或者道歉果個就唔係佢。
