作為格價王，除左每個月同大家更新一下手機價錢呢樣咁沉悶嘅工作，當然都要同大家玩下一啲特別野！今次就同大家格下電子鎖嘅價錢，第一次就梗係先睇款式唔算多，但近來好受市場歡迎嘅 Lockly 電子鎖。
今次格價嘅型號係 Lockly Secure Lux PGD829 電子鎖，根據介紹佢支援 活體指紋、智能卡、密碼、鎖匙藍牙、手機與 Alexa / Google 智能助理開關門功能。我地格價嘅範圍根據 Lockly 官網提供的零售夥伴。
最貴係 JEBSEN $6,980
第一間我地可以先睇嘅係最貴嘅 JEBSEN，佢地賣繄 $6,980，雖然包安裝，扣番一工當 $1,000 或者 $1,500 都仍然係好貴，因為唔計安裝都要 $5,480，相比以下嘅其他店舖選擇真係有啲貴！
查詢：jebsenconsumer.com
表面係 Mr.Locksmith $4,680 最平，但…
講完最貴，我地可以講下最吸引嘅係邊間。如果純睇價錢表面最平係 Mr.Locksmith，賣 $4,680，但最重要係「唔包安裝」，即係要另外再俾安裝費，以普通一工 $1,000-$1,500 計算，總計要 $5,680-$6,180… 所以呢！做人買野真係唔可以睇表面…
最吸引係 anlander.com $5,100 包裝再送 _ _
講完最貴，我地可以講下最吸引嘅係邊間。上面講左，唔包安裝最平要 $4,680，咁包埋安裝就以 anlander.com 最吸引，佢地都同其他一樣做繄 $5,100 包安裝，但佢地就再額外送 $100 智能家居優惠劵。
不過最吸引都未係呢個價錢，應該係佢地個個「套餐 C」- $5,200，因為佢除左包安裝外，仲有多額外兩張 NFC 門禁卡，就咁買一張都要 $100，有用嘅話真係算最抵。
查詢：anlander.com
平均價其他差唔多，安裝師傅原來有別
除左以上呢三間，其他店舖嘅定價都差唔多，都係 $5,100 – $5,390 左右，有啲包安裝，有啲唔包安裝，有啲加購 PGH200 平啲，去到 $390，有啲就要 $980，價格差距都好明顯。
至於安裝方面，唔同店舖都有標示安裝係木門，有啲寫安裝鐵門要額外加錢，有啲就無提，而有啲就有安裝配件揀，有啲就咩都無寫，大家買之前都係問下 CS 到底度門啱唔啱穩陣啲，始終一度門都唔平。
特別係本人格價王係測試幾間網店時發現，原來唔同舖頭嘅安裝服務都有別，有啲買嘅時候就話你知要唔要配件，寫明幾多錢，有啲要師傅上門先再決定，變相無得揀，而且問落有啲似乎安裝師傅係外判，唔係官方？或者唔係自家團隊？感覺都係到時先算咁款，大家問 CS 時，問佢係咩人裝會穩陣啲。
格價王今日同大家講住咁多先，希望今次呢種詳細啲嘅格價大家鐘意，下次再同大家格價。
