作為香港最新嘅體育盛事地標,啟德體育園即將於3月正式開幕,迎接多項大型賽事及表演。為確保屆時活動順利進行,園區現正密集進行壓力測試,其中電訊商SmarTone早前已完成園區嘅流動網絡部署,並進行多次測試,結果顯示網絡表現穩定,可應付大量人流嘅網絡需求,讓觀眾安心睇show兼即時分享精彩時刻!
啟德體育園包括主場館、體藝館及青年運動場,最多可容納6.3萬名觀眾。除咗交通規劃,流動網絡部署同樣係重中之重。為滿足園區內大量人群同時上網嘅需求,SmarTone早前已完成網絡部署及資源調配,並派出專責團隊進行監測與數據收集,確保用家喺活動期間嘅網絡體驗保持流暢。喺早前進行嘅壓力測試中,無論係透過手機上網、使用WhatsApp通訊、掃描二維碼填寫問卷,或用社交平台即時分享現場情況,用戶嘅整體網絡體驗均表現理想。
SmarTone早前已於啟德體育園完成3.5GHz及4.9GHz頻段嘅「5G黃金頻譜」擴容工程,投入更多網絡資源應對高需求數據流量。此外,SmarTone亦有運用AI技術實時監控與分析網絡流量,針對賽事及表演期間嘅高人流區域,智能調配網絡資源,確保觀眾實時連接至最佳發射站,進一步提升盛事上網體驗。