【活動 / 專題】

【電腦節 2018】Momax WAVE 藍牙耳機減至 $1,共限 50 件

Momax WAVE 藍牙耳機都係減至 $1 ,也都係有 50 件,而佢原價係 $148,唔算平,但也都唔算係貴,以呢個價錢來講其實唔係好搶得過,因為百幾蚊貨值未必好聲,但係大雨中要排隊也都唔係好值。

【電腦節 2018】Momax iPower Elite 充電池都減價至 $1,夾埋 100 件

Momax iPower Elite 充電池都減價至 $1,分別係 5000mAh 及 8000mAh 版本,原價分別係 $128 及 $158,各有 50 件,而依家一次過減至 $1,值唔值得搶就得你點睇啦!

【電腦節 2018】Skull Candy 耳機賣 $1 有幾多人會要?

Skull Candy 耳機賣 $1 限量 20 件,原價 $199,有幾多人啱呢?可能有,可能無,但以乎都係唔到其他貴價嘅野嘅先會要呢隻耳機。

【電腦節 2018】ASUS CERBERUS Gaming 鍵盤滑鼠各賣 $1,真係打機先會搶

ASUS CERBERUS Gaming 鍵盤都有 $1,原價要 $307,限量五件。唔算多,但都唔算少,特別係要搶嘅人應該都係心中有數,因為平白無事去搶個 $1 鍵盤返來都夠哂奇怪,話哂依家嘅 90後 00後用手機多過電腦,就算用電腦都用 Notebook,有幾多個要鍵盤?ASUS 同時有同系列賣 $198 嘅滑鼠減至賣 $1,可以用 $2 買哂兩件嗎?

【電腦節 2018】終於有件可能搶到嘅 $1 產品,就係 Toshiba 32GB 手指

電腦賣 $1,電視賣 $1,遊戲機賣 $1 都明大家點解要搶,但 Toshiba 32GB 手指賣 $1 都要搶就好難理解。本身正價都係賣 $95,即使俾 50 件你都仲係要搶。排幾日搶到隻手指,不如去返工做兼職賺慳左呢 $94 會快啲。Um... 其實會唔會有人排隊都係返工?如果有,咁賺兩轉好似抵啲。

【電腦節 2018】THURDER 嘅 X3 15 電競椅限量一張賣一蚊,打機又得坐又得

唔鐘意 Corsair 嘅電競專用椅,可以揀 THURDER 嘅 X3 15 電競椅,差別係佢地都係一張電競椅,都係一張可以打機用得嘅椅,而最有趣嘅係佢地都可以當普通嘅椅坐。$1 買張普通椅都唔貴啦,更何況係買張打得機又可以普通用嘅椅,絕對係超值。打完都唔知自己講咩,完。

【電腦節 2018】Corsair T1 電競專用椅賣 $1,可否拿來排隊坐住先?

電腦有一蚊,電視有一蚊,遊戲機有一蚊,但連電競椅都賣一蚊,真係有人會擺成張椅返去?其實會,因為一蚊嘅吸引力係唔需要合理,也都唔需要別人理解,只要自已理解到就得,$2488 一張電競椅賣 $1,得到個個一定係打機嘅。

【電腦節 2018】任天堂 SWITCH + LABO 套裝賣 $1

任天堂 SWITCH + LABO 套裝平時都好多人想要,依家由 $2980 減到 $1,試問有幾多人搶到呢?限量得一部想要嘅都應該要搵啲方法,就咁排隊嘅話,搶遊戲機定搶電視定搶電腦都好難揀。始終打機同做野係兩樣需求,價值上遊戲機平啲,但吸引力又大啲。

【電腦節 2018】$1 一部 Samsung 500R3M-KOA 手提電腦

$1 一部 Samsung 500R3M-KOA 手提電腦有幾多人搶到呢?答案係一個。因為限量供應得一部。今日咁大雨,唔知排一蚊搶購嘅朋友有咩防水對策呢?會唔會未買先濕哂,濕住咁去俾呢一蚊呢?真係吃得苦中苦,方為人上人。

【電腦節 2018】Acer APIRE E14 E5 搶曝光一蚊部限量

你玩一蚊,我玩一蚊。Acer APIRE E14 E5 也都要推出一部電腦玩一蚊,做少少宣傳,好過咩都唔做,始終好耐無聽過 Acer 呢個名,唔靠呢啲時候仲靠幾時。

【電腦節 2018】Lenovo IDEAPAD 330-15IKB 一蚊一部限量

電腦都有得減!LENOVO 拿出一部 IDEAPAD 330-15IKB 賣一蚊,而數量也都係一部。這類一蚊得一部嘅減價產品做宣傳居多,但唔係幫品牌做宣傳,係幫個活動做宣傳,也係每屆嘅特色,而特色也搭配排隊黨。你無時間排隊就唔好想了。

【電腦節 2018】TOPCONPRO 55吋 4K 電視又係賣 $1 得一件

TOPCONPRO 55吋 4K 電視又係減至 $1,不過限量得一件,唔知有咩人會去搶呢?其實一蚊件嘅野唔係搶唔搶到嘅問題,係搶左番來有無用嘅問題。55吋蚊一部 4K 電視搶左番來自己唔用嘅話,想賣都唔係人人要,當然要賣番一千幾百實有辦法,但搬來搬去未必有著數,有需要先搶啦,你做入場唔減價咩。

【電腦節 2018】MSI PS42 8RB 手提電腦 $1 限量得一件

MSI PS42 8RB 最新纖薄型手提電腦減價至 1 蚊發售,真係痴線,不過得限量得一部,想要排隊吧!至於 Spec 係咩就唔講啦!$1 買到嘅話,你都唔會介意咩規格,係咪先?等睇邊個買到上電視。

【電腦節 2018】50 吋 Android 減兩千,網上限定兼送貨

另一種係 Android TV,有 Google Play Store,要裝嘅野好似 NETFLIX, KKBOX, 千尋, ViuTV 呢啲都有。今次 anlander.com 都大減價,50吋 Android TV 由八千賣 HK$6,180 減價近兩千,再送 $1,200 超市現金劵,夾埋平成三千幾,仲包送貨,連 Call Van 錢都慳返。

【電腦節 2018】買 ROG MAXIMUS X 系列主機版優惠你平三舊買 16GB DDR4

成件事好簡單,買 ROG MAXIMUS X 系列 或 ROG STRIX B360/H370/Z370 GAMING 系列主機板,即可以繽紛價 HK$1,199 換購 TEAM Night Hawk DDR4-3000 16GB kit (2 x 8GB) 一套 ( 價值:HK$1,499,限量 100 件 )。

【電腦節 2018】Mesh Wi-Fi 路由器減破 $900 單體機能擴充 Orbi RBR20 超吸引

目前市面上 Mesh Wi-Fi 系統以 NETGEAR Orbi 系列發展最為完整成熟, 而最近他們推出首款單體式主機 Orbi RBR20,主打能從小空間住家,伴隨未來換大屋漸進升級多機 Mesh Wi-Fi 系統的優勢。而本次電腦節也推出減價優惠,從原先 HK$980 減至 HK$890,相當適合取代傳統 Wi-Fi Router 購買習慣。

【電腦節 2018】RT-AC68U/ RT-AC86U 路由器送 100 份可樂 USB 記憶棒 16GB

買 ASUS 嘅 RT-AC88U/Blue Cave 路由器,依家有機會得到限量 100 張嘅 HK$100 超市禮劵,手快有手慢無。100 張唔算少,但由 8 月 1 日就已經開始換,睇怕都無幾多剩。買之前真係要問清楚先。如果換唔到超市禮劵,或者可以博下搵到都得限量 100 份嘅可樂 USB 記憶棒 16GB。

【電腦節 2018】酷浪小羽 2.0 智能運動羽毛球拍感應器 HK$99 每日 10 件

如果你係羽毛球運動愛好者,無論你係向全職或是業餘發展,只要係想實力更上一層的話,除了刻苦及有系統訓練之外,或者需要配合一啲智能產品,就好似酷浪出品的酷浪小羽 2.0智能運動羽毛球拍感應器,就是一款專為羽毛球運動而開發的電子產品。 酷浪小羽 2.0智能運動羽毛球拍感應器,可透過連接感應器,從而得出運動員的揮拍次數、擊球速度和力量、運動時間、能量消耗等等數據,從而讓教練制定出有的訓練計劃。電腦節期間,酷浪小羽 2.0智能運動羽毛球拍感應器,會每日10件減至HK$99的優惠貨品。 我們 TechRitual- https://techritual.com  的特派記者跑數哥正努力為大家格盡全場最抵價!追蹤每一個價格的變動,保證大家能買到最新、最平的產品!記得昅實跑數哥專題【電腦節 2018 】。喜歡 Apple 嘅朋友記得留意友站 https://www.3edition.com。唔好錯過任何正野。

【電腦節 2018】MEC QC-21B 2+4 USB 快速汽車充電器 HK$99 每日 10 件

智能手機最需要的除了自身的高規格之外,就係需要電池時常保持滿滿的能量,如果你係有車人士的話,就要好好利用車上的設備,買返一個汽車專用的差電座,時刻為你的電子產品準備足夠電量,趁電腦節舉行,日本剛MEC,將會以HK$99發售QC-21B2+4 USB 快速汽車充電座,限定每日10件。 原價要HK$238一個的MEC QC-21B 2+4 USB 快速汽車充電器,有6個USB 插頭,可輸出6A電力,能夠短時間內,為你的手機、平板電腦快速充電,配備的插頭適合用於汽車,十分方便。 我們 TechRitual- https://techritual.com  的特派記者跑數哥正努力為大家格盡全場最抵價!追蹤每一個價格的變動,保證大家能買到最新、最平的產品!記得昅實跑數哥專題【電腦節 2018 】。喜歡 Apple 嘅朋友記得留意友站 https://www.3edition.com。唔好錯過任何正野。

電腦節 2018