Leica SOFORT 即影即有相機開箱文

Leica_SOFORT_unbox19

石先生作為一個懶惰,不認真拍攝的人,一直覺得自己不太適合使用即影即有相機,因為有時候拍照實在太隨便,拍出來的成功率不高,很浪費菲林,還是用無需菲林的數碼相機或手機會比較好。

不過當聽到 Leica 有推出即影即有相機的時候就忍不住,很快就決定要買一部,作為自己第一台的 Leica 與第一台即影即有相機。

當然,從 anlander.com 那邊買回來後怎麼用真的沒有什麼概念,但拿起這部橙色的 Leica SOFORT 確認自己沒有選擇錯。因為橙色的機身配合復古的 Leica 設計要比感覺文青的淺藍色更有一種復古味道,就算不拍把它掛在身上也超吸引。

Leica_SOFORT_unbox01

Leica SOFORT 包裝其實都幾簡單,外套本身己經清楚講左佢嘅顏色、外觀及功能,極清新。

Leica_SOFORT_unbox02

另一面都唔會有太張嘅野,但左下角 Leica 紅點就係值錢之處。

Leica_SOFORT_unbox03

拿走包裝盒,內裡係黑色面嘅紙皮盒,上面有講到 Lecia SOFORT 嘅功能及會顯示嘅標誌及解釋,例如電池、相紙數量、對焦、自拍、近鏡、雙重曝光、B 快門、倒計時、自動閃光及關閉閃光等。

Leica_SOFORT_unbox04

盒內有兩層,上層係說明書與相機頸繩。頸繩本身質地幾好,皮上都有最值錢嘅 Leica 標誌,但可能係黑色,唔係配合番機身嘅橙色,否則應該更加正。

下層就係最重心嘅相機(開箱時當然有野包住),左邊萬國式電池充電座,右邊中間係電池、上下分別是圓腳及扁腳的插頭,也就是說它沒有英式三腳插。

Leica_SOFORT_unbox07

橙襯黑,一看就很醒目的 Leica SOFORT。

 Leica_SOFORT_unbox08

除了標誌性的 Leica 紅點,石先生覺得閃光燈位置都好醒目。

Leica_SOFORT_unbox09

機身左邉係相紙出口位,但用左相機繩時唔小心就會稍稍頂住,唔算太好。

Leica_SOFORT_unbox11

機頂位置有一大片仿皮,令相機手感與設計感更好,配合埋棫簡單嘅銀色快閃鍵,Leica 真係 Leica!

背部黑色底蓋下係電池位,旁邊有個簡單嘅顯示,然後就係功能鍵,用法真係簡單到爆炸。至於最左個個當然係菲林開關位啦!

Leica_SOFORT_unbox15 Leica_SOFORT_unbox12

Leica_SOFORT_unbox18
睇左成篇文咁耐,你可能都會發現一樣野,就係石先生無入電開過部機,因為開箱個時電池無電要充電,所以開箱根本無開個機,只係得開箱,但到後來有電嘅時候又無好認真咁再影過開機相,所以用落嘅嘅感受就用文字打啦!

作為一個唔多影即影即有,但成日見到好多即影即有相嘅人,Leica 明明都係用 Fuji 相紙,但影出來嘅相真係靚啲,啲色都鮮啲,感覺正啲!好似下面呢張幫 Audrey 影嘅相咁,距離大概係一隻手,係全自動閃燈下,人有少少爆光,但頸巾嘅色好出,成張相感覺比一般嘅 Fuji 即影即有好。(係~可能心理作用)

16836568_1271349636314304_9116257925091415163_o

雖然呢張相睇落都唔錯,但係後來再試嘅情況下,發覺夜晚最好都係有一隻半手嘅距離,咁樣影人就唔會咁爆光(唔會好似下面咁),會清好多而且色都一樣,真係好正。

根據之前嘅講法,呢部 Leica SOFORT 其中一個精髓係自拍。以石先生平時嘅自拍功能來比較,呢部 Leica SOFORT 嘅自拍廣角都幾勁,四個人一齊影都無問題,但因為今次影時係夜晚,企前面嘅石先生影出來太肥,所以就唔同大家分享啦!留番下次日頭先同大家係 Facebook 分享啦~

Leica SOFORT
售價:HK$2,880
查詢:http://anlander.com

Leica_SOFORT_unbox19

此文章發佈於 TechRitual 香港