【懶人包】HeatTECH 發熱衣 2019:原理,穿著技巧,注意事項

感謝讀者支持,2020年2月再創高峰達 250萬

TechRitual 自去年擴充經營,報導內容質素愈見優良,讀者人數持續上升。繼去年突破每月 100萬 PageView 後,2020 年 2 月再創新高峰,突破每月 250萬 PageView,達到 2,598,777,感謝一眾讀者支持。未來定必繼續努力,為讀者帶來更多優質內容。

HEATTECH 發熱衣深受歡迎,原因在於便宜及不太差的質素,但大家又知不知道,其實各品牌的發熱衣運作原理相同,差別只係物料嘅比例不同。咁為什麼單薄的發熱衣可以令你越穿越暖的呢?今次就為你講解發熱衣運作原理,仲會分享穿著的技巧及注意事項。

原理:用汗水轉變熱量

發熱衣係採用一種特殊的物料製作而成,名為「聚丙烯酸酯 Acrylate」。這種物料可以透過吸取人體排出的水份(亦即是汗),從而轉化成能量發熱;再細節一點說明,就是當人的身體流汗時,便會產生水蒸氣,這個時候 Acrylate 就會鎖緊水蒸氣,並轉為熱能,令穿著者感覺越來越溫暖。

而這些熱能又會透過纖維排出,即係你流汗,件衫就會發熱,熱完之後就會排走,成為一個循環,咁樣穿著者就會既有溫暖的感覺,同時又可保持流通而唔會太熱。

發熱衣穿著技巧

HEATTECH 發熱衣要當成底衫著,一定要緊貼身體肌膚。特別係唔可以係入面再著底衫,否否底衫吸哂啲汗水,無法傳到發熱衣上,就無法轉化成熱能,著左等於無著。因為要吸汗,所以一定要選貼身的尺寸,不要貪靚而買不合身的 SIZE,否則就算吸到汗,都無法保存熱能,失去效力。


雖然發熱衣係吸汗發熱,但穿上時不要進行激烈的運動,因為大量汗水,會令特殊物料過度吸收水蒸汽,反而加重的纖維水分,令發熱衣變成發冷衣,弄巧反拙。

HeatTECH 發熱衣推薦 2020

根據消委會報告,Wed’ze 及 mont-bell 的 heattech 效果最好,分別售 $199 及 $380,在保暖值上名列前茅,至於香港較常見的 UNIQLO 則名列第九,不算最保暖的款式,反而售價僅 $99 的 Baleno 則名列第三的保暖度,但需要注意的是 Baleno 較易起毛粒及有微量游離甲醛,著之前洗乾淨好啲。

皮膚乾燥應避免穿著

由於 HEATTECH 發熱衣係通過吸收汗水發熱,所以對一啲皮膚乾燥的人士來講並不適合,因為穿著發熱衣會令皮膚相對著底衫時較乾。老人家,長期病患者或一啲皮膚敏感人士都要買留意會否不適合。


如果唔適合著發熱衣,市面上仲有其他發熱保暖的產品,例如暖手蛋和電子發熱背心可供選擇。暖手蛋唔多講,相信大家都知,而電子發熱背心又係咩呢?

大部份電子發熱背心都會設計成外套,分別有長袖或者背心的款式,原理就是件衫入面會有保暖度高既纖維物料之外,仲會係唔同既位置,佈下發熱線,只要幫件衫接上移動電源(尿袋),咁件衫入面既發熱線就會運作,好快就傳到成件背心都暖。

而為左令你穿著者適應室內、室外及日夜的溫差變化,有些電子發熱背都會特別設有多段式的調溫功能,只要撳衫上既掣,就可以調節溫度,咁你就唔駛入到室內太熱要除衫,出街太凍要著衫,令身體長期保持恆常的溫度,更為舒適。


發熱背心 / 外套

SuperHot 智能發熱外套發熱背心,都是出自同一個品牌,兩者只不過是長袖同背心既分別,有三段 30、40、45 度控溫調節功能,接上 10000mah 的移動電源,夠晒 8 個鐘左右保暖。

平時如果污糟左,外套同背心仲可以當普通衫,先放入洗衣袋,然後再用洗衣機同中性洗衣液清洗,但緊記要自然涼乾,不可以使用乾衣機烘乾,亦不可以乾洗。


你也許會有興趣:

Mesh WiFi 2019 排名榜前 3 位:香港住宅環境適用評測

Wi-Fi 無線上網近年除了制式、速度越來越先進,又興起了名為 Mesh Wi-Fi 的技術,旨在讓在不加大 Wi-Fi 功率的情況下讓單一 SSID 的網絡可以更穩定地覆蓋更大的範圍。

【終極比拼】無線 IP Cam 高階全列陣推薦 2020:Reolink、IMOU、Arlo

究竟這些高價位的 IP Cam 功能規格各自有什麼賣點?大家互相比較之下邊一家的產品會有那些優勝之處?本文就搜羅了 Reolink Argus 2、IMOU Cell Pro、Arlo Pro 2 及 Arlo Pro 3 同場較技,為大家帶來更多瞭解。