廉價航空如何降低成本?5 個關鍵招數

廉價航空要廉價,最重要的因素除了票價較傳統航空公司低外,更重要是降低成本。那麼廉價航空如 HK Express 到底是如何降低成本呢?這次跟大家說明廉價航空降低成本的 5 個關鍵招數。

這篇文章 廉價航空如何降低成本?5 個關鍵招數 最早出現於 POINTS852.

【武漢肺炎】防毒面具充當口罩,可行嗎? 最緊要 P100

【武漢肺炎】防毒面具充當口罩,可行嗎? 最緊要 P100

武漢肺炎來勢汹汹,外科口罩一個難求,即時有口罩網購列表也不是這麼容易買到,但經歷了抗爭行動及大量催淚彈攻擊,大家對防毒面罩的認知提昇了一個層次,也有較多資訊買到,那麼在沒有外科口罩的情況下,防毒面罩有用嗎?

【推薦】Android TV 新手必備 Apps 2020:免費電影、新聞直播、體育娛樂

智能電視已經推出多年,能夠透過連接網絡的功能,把以往應用在手機的影音平台帶到電視上播放,其中由 Google 推出的 Android TV 系統更加是以電視機會主要應用對像,而且仲有大量正版官方的應用程式,例如部份品牌如 SONY 及 TCL 原廠早已建有 Youtube、Netflix 等熱門平台,

武漢肺炎來勢汹汹,外科口罩一個難求,即時有口罩網購列表也不是這麼容易買到,但經歷了抗爭行動及大量催淚彈攻擊,大家對防毒面罩的認知提昇了一個層次,也有較多資訊買到,那麼在沒有外科口罩的情況下,防毒面罩有用嗎?

阻隔飛沫散播

無論是外科口罩,還是防毒面具,重點都係一個,就係阻隔飛沫傳播,而根據資料,依家嘅武漢肺炎嘅冠狀病毒 Size 大約係 0.6μm,飛沫則是 1μm 至 45μm。而外科口罩及防毒面具基本上都係以 0.3μm 為阻隔目標,例如我地成日講嘅 N95 或今篇講嘅 P100。

第一個主要係背後嘅數字:

95: 代表隔到 95% 以上 0.3μm 直徑大的粒子
99: 代表隔到 99% 以上 0.3μm 直徑大的粒子
100: 代表隔到 99.97% 以上 0.3μm 直徑大的粒子


至於前面嘅英文字 N R P 則分別代表:

N 代表非抗油(NOT RESISTANT TO OIL),完全擋不住油性粒子;
R 代表耐油性粒子(LIMITED OIL PROOF),最多頂住油性粒子八小時;
P 代表抗油(RESISTANT TO OIL),可以頂得住油性粒子。

SARS 當年用咩野?

睇完上述嘅唔明白唔緊要,先有個了解。因為最直接嘅認識係去了解當年 SARS 時專業嘅保護衣會著啲咩,而根據搵到嘅資料,當年 SARS 保護措施之一除左係外科口罩,更高級嘅也都有防毒面具,例如上面小圖嘅應該就係 沈袓堯教授帶緊 P100 級嘅濾棉。


至於大個張圖搵到嘅就係當年清潔淘大花園時清潔人員嘅保護衣物,面罩可見似乎係 3M 6800 全保護面罩、6001 濾罐及 P100 級濾棉。

必用:濾棉 P100

3M 6800 全保護面罩、6001 濾罐及 P100 級濾棉即係講咩呢?大家又要睇番上面呢張係「防毒面具(豬咀)推薦:各款型號與效能說明介紹」出現過嘅圖片啦!簡單來講,濾罐由於係過濾毒氣,所以係今次嘅情況只係阻隔細菌,唔係阻隔催淚彈等有毒氣體,濾罐係用唔著的,反而表上的濾棉先係最重要。

你可以見到各濾棉都有唔同特性,2071 的 N95、2078 的 P95 及 2097 的 P100。睇番上面嘅要求,其實無論係 N95, P95, P100 都可以過濾 0.3μm 直徑大的粒子,分別只係 95% 定 99.97%。


至於最底部份嘅濾棉組合式濾毒罐,由於都有 P100 等級,所以同最上面嘅 2097 濾棉同樣道理,但由於 60926 等的濾棉組合式濾毒罐有外盒保護,係除落來後要消毒清潔會較 2097 等方面。

HKHA Level C 用 6800 + 6006 + P100

另外,根據搵到嘅資料:香港醫院應乎生化事件的準備,當中有提到 Hong Kong Hospital Authority standard level C personal protective equipment 包括:

a full-face mask (3M Model 6800 series; 3M, Minnesota, US), and multi-vapour canister-equipped respirator (3M Model 6006; 3M, Minnesota, US). In the case of a biological
attack, a particulate filter (3M Model 2091 P100; 3M, Minnesota, US) of a standard defined by the National Institute of Occupational Safety and Health (NIOSH) P100 will be adopted. This particulate filter can have 99.97% effectiveness in filtering particles greater than 0.3 mm in diameter.

即 3M 6800 series + 3M 6006 濾罐 + 3M 2091 P100 濾棉

根據以上嘅資料可以進一步推斷,如果真係買唔到外科口罩,又要出街去高危地區,咁用面罩配合濾棉係可以的 (濾罐係今次係無用的),但一定要用後消毒。

用後即遮 用後要消毒

如同係之前「【推薦】口罩詳細介紹:如何佩戴抗病毒、3M N95 正確使用方法及選購教學」入面講嘅一樣,除口罩時,要先洗手,避免接觸到口罩外層,否則附在口罩外的細菌經手除下時再通過眼睛等器官進入身體就點戴都無用。

所以係各類的介紹都係話你知要更換,用後即棄,以免重用時有問題。即使係 2091 濾棉直接用係面罩都係要用後即棄,所以成本好高。如果想再用唯有消毒表面抹乾淨,博一博。因為要消毒抹嘅關係,更貴的 60926 反而因為有外盒,某程度上清潔會容易啲,雖然都無用後即棄咁好,但作為最後手段,都係一個選擇。

面罩清潔步驟(圖上,片下)

需配合面罩使用

至於面罩方面,可以參考番上篇「防毒面具(豬咀)推薦:各款型號與效能說明介紹」,因為要選擇半面罩定全面罩都好睇個人需要,基本上其需要全面罩,半罩加眼鏡都應該安全,始終家下唔係生化襲擊。上篇也都有埋購買連結,大家可以自行決定。當然最好係全面罩,但價格高,難寄運。

面罩本身嘅清洗,3M 本身說不能使用有機溶劑,包括:稀釋劑、香蕉水、調薄水、乾洗油、去漬油、松香水、黏著劑、強力膠、金屬除污劑、油墨、油彩、油漆、凡立水、殺蟲劑、表面處理劑。

面罩配戴要做氣密測試先有用

同口罩要戴得啱先有用一樣,防毒面具都要戴得啱,所以戴左記得做氣密測試。用手封住個前口做正氣壓測試,及封住兩邊做負氣壓測試先得。

想慳啲考慮用呢個氣密蓋

一個面罩要有一對即兩個 2091 或者 60926,如果成日抹都唔知捱得幾耐,但其實平時出街又唔駛用到一對咁勁,所以有人整左 3D Print 設計左隻氣密蓋,等你可以封返其中一邊,令面罩由本身嘅左右各一,用一對,減至用一個。以 $80 一對 2091 計,用左個蓋後變左 $40 一個就出得街,成本真心低左唔少,值得考慮下。

另外,謹記後生嘅帶住出街幾乎必然被警察截查,要有心理及被搜袋準備,所以儘量說服非後生仔用會安全啲。根據 31 號嘅鴨記情報 60926 已經賣緊 $348,各五金網店都無貨,睇來又要海外網購… 臘‍♂️


你也許會有興趣:

VPN 是什麼?選擇、推薦及「免費」服務介紹

石先生雖然係一個近來不活躍的科技博客,但都要同大家講,請你由即日起,使用 VPN 上網,保障自己數據,安全上網。

【懶人包】發熱背心推薦 2020:安全性、供電方式及清洗重點

市面上好多品牌都有推出發熱背心,眼花瞭亂令人不知如何入手,其實在選擇購買發熱背心前,大家首先要了解產品的功能之外,仲需要注意以下幾點,好似安全性、調溫方式、供電方式及設計三種,睇清楚呢幾點,咁就可以買到件好既發熱背心。

你也許會有興趣:

【唐樓上網】NETGEAR 4G LTE 路由器 M1 加 csl 真無限上網計劃教學文

公司位處舊樓,上網只能依靠又舊又慢的 6Mbps 線,但它總會在最忙碌的時候跟你鬧脾氣,工作事倍功半。打電話到客戶服務中心,服務員還跟你說你的上網速度達到 4Mbps 已經算不錯,真心令人唔噪都變噪。有時候氣上來直接用自己手機開啓網絡分享以保暢通。

【電視選購指南】什麼是 4K 電視?何謂 HDR? 價格差別與推薦 2019

今天,電視的清晰標準已經不是標清或 Full HD,隨著 NETFLIX 等串流媒體的出現,4K 電視才是市場的主流。當然,你家裡還有一台 Full HD 並沒有任何問題,你還是可以利用它來觀看不錯的影片,但如果你剛好要更換一台電視,那麼 4K 電視就是你的標準,因為電視與電影行業已經全力向 4K 領域進發,而日本更已經開始奔向 8K 電視。