【6月優惠碼】Deliveroo 戶戶送 Discount Code 整理

用指定連結申請 Deliveroo 新戶口,points852 獨家提供「第 1 張訂單 八折優惠」。唔駛好似一般的新用戶咁,要分 4 次,每次得 $25,更加著數。想用到呢個潓其實唔難,大家申請個新戶口,一家幾口,申請 N 次都得啦。 這篇文章 【6月優惠碼】Deliveroo 戶戶送 Discount Code 整理 最早出現於 POINTS852.

【開箱評測】Vivo X50 Pro 手機:變焦 60倍,可接受 20倍、微雲台「買 _ 過」

【有奬遊戲】送 OPPO 5G CPE WiFi Router + CMHK 30GB 5G 卡

Techritual 聯合 CMHK 中國移動官方活動,贏取 oppo 5G CPE T1a WiFi Router。現在只需在 2021 年 7 月 31 日前完成任務,將有機會獲得適用於 CMHK 中國移動香港 5G 服務的「oppo 5G CPE T1a WiFi Router 」 1 部,名額共 1 部。

影相同拍片的質素,會係唔少人買機主要考慮的地方。Vivo X50 Pro 全新的微雲台相機,聲稱防震效果比一般 OIS 鏡頭手機提升 300%,真正的使用體驗會在今次真心評測,無保留地講比大家知。

Vivo X50 Pro 硬件規格

屏幕尺寸:6.5 吋 AMOLED,解像度 2376×1080 (144Hz)
機身體積:158.46 x 72.80 x 8.04mm
重量:181.5g
處理器:Snapdragon 765G (八核 2.4GHz)
儲存空間:8GB RAM + 256GB ROM
主相機:4800 萬像素 f/1.6 (25 mm) + 1300 萬像素 f/2.46 (50mm) + 800 萬像素 f/3.4 (5 倍潛望鏡頭) + 800 萬像素廣角微距鏡頭
前置相機:3200 萬像素
電池容量:4315 mAh
防水:無
WiFi 6:無
無線充電:無
5G:有
其他:屏下指紋、33W 快速有線充電

磨沙機身,輕身好揸方便拍攝

如果要成日拎起部機影相,最好搵部好揸而又輕身的手機,令大家長時間拍攝時,可以輕減負擔。Vivo X50 Pro 機身設計絕對做到呢一點,它的 6.5 吋雙曲面開孔屏幕,有效提升手感。

Vivo X50 Pro 採用 6.5 吋 AMOLED 屏幕

前 3200 萬像素前置鏡頭

屏帶曲面,令手感更好

邊框極窄,屏幕佔高

機身設計出色,唯難脱三叔影子

論整個機身設計,Vivo X50 Pro 絕對是中國手機中最出色的一款,機身厚度只有 8.04mm,放於褲袋都沒有壓力。帶磨沙質感的玻璃機背,不易沾上指模,亦都可以令機身不會像番梘咁冼手。

不過與 Samsung S20 / Note 20 系列嘅旗艦機設計一樣,鏡頭位置在機背突出程度偏高,觀感不算最好之餘,也容易刮花相機外框。裸機一族要有可能刮花的心理準備。(如果不標 Logo,說是 Samsung 的中低機或華強北的山塞三叔機都可能有人信)


機身厚度只有 8.04mm,放於褲袋都沒有壓力

以 USB-C 插頭充電

機頂採用扁平設計


設磨沙質感的玻璃機背

主相機凸出機背

支援雙 nano SIM 咭槽

流暢 90Hz 屏幕,系統功能齊全

運行 FusOS 介面的 Vivo X50 Pro,由於屏幕支援 90Hz 刷新率,操作滑動或者切換頁面的過場動畫顯示都非常流暢。App Drawer 頁面有英文字母目錄,搵 Apps 更方便。系統功能都好齊全,應用雙開、屏幕分割及遊戲魔盒,都可以用到。系統上比較特別的功能,就有視像通話美顏,仲有 Jovi 智能場景,場景入面最特別是有一個飲水提示功能,可以制定一個飲水計劃,系統會為用家,制定一個每手飲水目標促進健康。

屏幕支援 90Hz 刷新率

App Drawer 頁面有英文字母目錄,搵 Apps 更方便

應用雙開

屏幕分割

遊戲魔盒

比較特別的功能,就有視像通話美顏

Jovi 智能場景

場景入面最特別是有一個飲水提示功能(見字飲水)

準旗艦機規格,支援 5G 網絡

Vivo X50 Pro 雖然賣價接近 HK$6000,但規格只係配備 Snapdragon 765G CPU(這個決定令人難以理解)、8GB RAM 及 256GB ROM,僅為準旗艦機規格。Antutu 跑分達到 332,569 分,與採用 Snapdragon 865 的旗艦機,約有 200,000 分的差距。好彩部機都支援 5G 網絡,上網速度都與旗艦機接近。

Antutu 跑分達到 332,569 分

支援 5G 網絡,上網速度都與旗艦機接近

四鏡主相機,拍片穩定性高

外型叫做精緻的 Vivo X50 Pro,拍攝方面先係重點。微雲台主相機,就連同系列定位最高的 Vivo X50 Pro+ 都無加入,小編認為更值得大家去玩玩。

Vivo X50 Pro 拍攝規格:

  • 4800 萬像素 f/1.6 (25 mm)
  • 1300 萬像素 f/2.46 (50mm)
  • 800 萬像素 f/3.4 (5 倍潛望鏡頭)
  • 800 萬像素廣角微距鏡頭

主攝拍攝:效果唯一滿意

Vivo X50 Pro 的 4800 萬像素 f/1.6 25 mm 主攝鏡頭,採用 Sony IMX589 1/2″ 感光元件,支持像素四合一功能。配合逆光 HDR 功能,拍攝色彩飽和度高,動態範圍可達 12.3 級 EV 極為廣闊,ISO 1695 雜訊處理表現亦都不錯,大部份光線環境,都可以拍攝出色相片。

手機賣點,全靠微雲台相機 30fps 影片

Vivo 在 X50 Pro 主攝鏡頭加入微雲台,在設定入面,可以先進行校準。在拍攝介面,會出現一個白色波波,用來測量拍攝的穩定度,當白色波波沒有移出外圈,影像都會十分穩定。

拍片前,可將微雲台校準

拍攝介面,會出現一個白色波波,用來測量拍攝的穩定度

無論拍攝什麼規格的影片 (最高 4K 60fps),都可以用微雲台增強穩定性,但係實試發現,拍 30fps 的影片,會比 60fps 影片穩定得多。小編估計是 60fps 影片流暢度太高,令到微雲台跟唔切用家手部的移動,微雲台防震效果因而失去效用。(加左微雲台功能都拍唔到 60fps,咁真係值俾成六千?)

拍 30fps 的影片,會比 60fps 影片穩定得多

後製影片一按攪掂

錄影容易後製花時間,應該是唔少人抗拒拍片的原因。不過 Vivo X50 Pro 新加入的 AI 後製影片功能。一按就加入特效,唔想影片太悶,大家都可以試用 AI 後製影片功能。

加入 AI 後製影片功能

50mm 與 105mm 都支援人像模式

Vivo X50 Pro 的 50mm 與 105mm 潛望鏡頭,都支援人像模式拍攝,可以虛擬鏡頭光圈、虛化的方式及加入不同的風格。用 105mm 潛望鏡頭的虛化效果非常出色,鍾意拍攝特寫或者人像都可以常用。

50mm 細緻度高

拍攝層次感豐富

50mm 與 105mm 潛望鏡頭,都支援人像模式拍攝

可以虛擬鏡頭光圈、虛化的方式及加入不同的風格

50mm 鏡人像模式拍攝

105mm 潛望鏡頭的虛化效果非常出色

105mm 鏡最高拍攝 60倍,可用得 20倍

105mm 的潛望鏡頭,最高支援拍攝 X60 相片。就算在日光下以 105mm 焦距拍攝,清晰度都唔算高,不放大的話個人只可以接受到大約 20倍 的數碼變焦,60倍變焦的功能都只是為左增加產品賣點,實用性非常有限。

X5 拍攝

X20 拍攝

X60 拍攝

日光下拍攝,清晰度都唔算高

超廣角鏡質素都係一般

與潛望鏡頭同樣是 800 萬像素超廣角鏡頭,拍攝清晰度都十分有限,不過色彩層次豐富,都有一定可用性。

800 萬像素超廣角鏡頭,拍攝清晰度都十分有限

色彩層次豐富,都有一定可用性

低光拍攝都有一定可用性

總結:微雲台賣點不足以賣咁貴

試用 Vivo X50 Pro 幾日,微雲台鏡頭,拍影效果穩定(如果係 30fps 的話)。不過就影相方面只有主鏡頭達到高水準,其它鏡頭表現都是在剛剛合格或者是水準以下。

做完成個評測,發現呢部 X50 Pro 可以講只係有微雲台呢個主力賣點,相機質素未達頂級,未能做到鏡鏡滿意,遠攝可用得 20倍實在太可惜,加上處理器只係中階,但都賣成接近 HK$6,000,個人認為有不少下調空間。(同樣價位不如去買三叔嘅 2019 年頂級或者再等下入手 2020 上半年旗艦,或者更加實用)

你也許會有興趣:

5G 專題 ❙ 賭城 5G 無人車落地,即將取代 Uber?

5G無人車雖然不是新鮮事,但真正已落地應用的確實有限,而最新來自遙控駕駛汽車技術公司Halo與電訊公司T-Mobile的商用無人車,已在賭城拉斯維加斯投入服務,未來將有望取代當地傳統供遊客用的接送汽車,甚至取代Uber也不足為奇。

5G 專題 ❙ 5G 與全息影像 顛覆傳統直播應用

5G 為人類生活帶來無限可能,其高網速和低時延的特性,為時下直播應用錦上添花,成就更流暢和高清的影音效果,因而逐漸被應用在不同場合中。早前中國移動香港(CMHK)於海洋公園舉辦的 500萬用戶規模慶祝活動中 (全名:「共享新未來」啟動禮暨音樂會),便是透過 5G 直播惠及未能到場的廣大網民,令更多人都可以欣賞到當晚天才小提琴家蘇千尋及一眾年青歌手的精彩表演,突破了地域限制。而當 5G 遇上全息影像技術,將提升直播應用到更高層次。

【開箱評價】Sony Xperia 1 III :賣成萬蚊值唔值呀?

Sony Xperia 1 III 獨有 4K 120fps 螢幕及每秒 20 張連拍功能,最多人討論都係定價賣到成萬蚊,好多人會話不如買 iPhone,不如買 Samsung 啦,究竟係咪真係咁趕客呢? Sony Xperia 1 III 硬件規格

【開箱評測】Amazfit GTS 2 mini:電力特長的低價智能錶

除左 Apple Watch、Samsung Galaxy Watch 同埋 Huawei Watch 之外,其實市場都有唔少智能錶可以選擇,好似今次試嘅 Amazfit GTS 2 mini,運動測量功能一樣齊全,而且仲只係賣 HK$699,究竟好唔好用,就真係要睇睇今次真心評測啦。