視像會議、即時通訊、雲端通話三合一平台Webex

疫情期間,唔少公司都會用網絡和視像會議程式,將大家在家工作的距離拉近。

【開箱評測】Samsung Note 20 手機:S Pen 首選可接受遠攝係 10倍

一支筆,一本拍子簿記事嘅年代已經過去,要記錄日常生活,用有 S-Pen 嘅 Samsung Galaxy Note 系列會是個不二之選(也係好多 Note 忠實用家的使用方法)(Note 系列可以不死都係靠呢支筆),今次同大家搶先寫 Samsung Note 20 Ultra,喺今次真心評測,就會了解得到究竟新功能點樣幫到大家手。

Samsung Galaxy Note 20 硬件規格

屏幕尺寸:6.7 吋 AMOLED 螢幕 (2400×1080)
機身體積:161.6 x 75.2 x 8.3mm
重量:194g
處理器:Snapdragon 865+ (八核處理器,最大速度:3.1GHz)
儲存空間:8GB RAM (LPDDR5) + 256GB
主相機:1,200 萬像素 79 度主攝鏡頭 (f/1.8) + 1,200 萬像素 120 度超廣角 (f/2.2) + 6,400 萬像素 76 度鏡頭 (f/2)
前置相機:1,000 萬像素 (Dual Pixel AF)
電池容量:4200 mAh
防水:有 IP68
WiFi 6:有
無線充電:有
5G:有
其他:NFC、Ultra Wide Band 技術、25W 有線快速充電、15W 快速無線充電、逆向無線充電

7 千蚊買膠機殼?都有好處嘅

大拿拿用 HK$7,398 買部 Samsung Galaxy Note 20 番黎,聽到佢用膠機背,可能都會唔開胃。不過諗深一層,其實 Samsung 改用膠機背,又唔係無道理,可以將呢部有 6.7 吋 AMOLED 螢幕輕量化,變到得番 194g,拎上手非常輕身舒服,如果用玻璃底,重量必然會超過 200g。

睇番部機,霧光銅色帶點金屬感,金屬框上下部份,用左拉絲紋,配合亮麗嘅左右邊框,設計一啲都唔失禮,而且機背主相機更加比 Note 20 Ultra 無咁凸出,都令到整個機身設計觀感更加歸一。

Note 20 比 Note 20 Ultra 細部

Note 20 設 1000 萬像素前相機

【開箱評測】Samsung S21 & S21+ /【開箱評測】Samsung S21 Ultra


佔屏比高

金屬框上下部份,用左拉絲紋

S-Pen 放響機底左邊


配合亮麗嘅左右邊框,設計一啲都唔失禮

霧光銅色機背帶點金屬感

機背主相機更加比 Note 20 Ultra 無咁凸出


60Hz 屏幕就比較落後

Samsung Galaxy Note 20 個設計其實無乜問題,不過 6.7 吋 AMOLED 螢幕,只係對應 60Hz 刷新率,小編就覺得比較落後(S20 都有 120Hz 啦大佬)。今年 Samsung Galaxy S20 系列,定位次一級嘅 Galaxy S20+,都有 120Hz 刷新率屏幕,相比起來 Note 20 硬件規格明顯有所倒退。亦因此操作時會覺得 Samsung Galaxy Note 20 流暢度無 120Hz 屏幕手機咁爽快。

S-Pen 多功能未必有用,書寫似真筆

S-Pen 已經由最初單單用黎記事,已經變到似一支魔法棒。Air Gestures 隔空操作功能,可以做相機快門,或者做 Presentation 換頁(過去幾代你又有無用呢個功能呢?),今年多左幾個使用方式,睇落功能好似進化左,但係操作會變得複雜化 (如斜剪咀),隔空輸入時,有機會畫了第二個指令而做成出錯。比較實用嘅功能,其實收埋左響 S-Pen 設定入面,原來可以同時支援多支 S-Pen 書寫,多人會議時 (面對面) 就可以發揮作用。

S-Pen 設計沒有不同

按 S-Pen 個掣就可以用 Air Gestures 隔空操作功能

Air Gestures 多左幾個使用方式

可以同時支援多支 S-Pen 書寫

至於書寫時嘅手感,其實已經同用真筆好接近,畫直線會發現到,落畫果一下同「出墨」接近無時滯,可以隨心所欲咁書寫與繪畫。

S-Pen 書寫時嘅手感,其實已經同用真筆好接近

畫直線會發現到,落畫果一下同「出墨」接近無時滯

加入錄音記事與 PDF 轉 Power Point 檔功能

S-Pen 主打的 Samsung Note 應用,記事與繪畫功能已經相當完善,再加入兩個新功能更加是錦上添花。錄音記事功能,可以錄音同時將手寫筆跡錄下,使用時可以作分段錄音,可以慢慢將事情用聲音與文字同時記錄。

錄音記事功能

可以錄音同時將手寫筆跡錄下

Note 20 Edit PDF 外,再加 Word 及 PPT

Galaxy Note 系列手機,一直以來都是 Edit PDF 檔案的能手 (不支援開啟受保護的 PDF 檔),收到任何 PDF 檔案 S-Pen 一揮,就可以簽署文件,比起其他手機 Edit PDF 檔案方便好多。Note 20 今次更可以將 PDF 檔案轉換到 Word 或 Power Point 等,編輯文件內容會變得更加簡單方便。

Edit PDF 一直是 Galaxy Note 手機強項

Note 20 更可以將 PDF 檔案轉換到 Word 或 Power Point 等檔案

不支援開啟受保護的 PDF 檔

加入咫尺共享功能

全球首次加入 Ultra Wide Band 技術的 Samsung Galaxy Note 20 系列手機,唔洗夠 NFC 背對背,已經可以連接其他支援嘅手機,以咫尺共享進行傳輸檔案。使用時,首先要將對方的電郵記錄在聯絡人,然後兩部機都要打開藍牙及定位功能,先可以搜尋到對方部機,在相薄分享的選項入面,會有咫尺共享的選項,按下搵到對方就可以立即傳輸,試傳送一張相片 (大約 4MB),都可以在一秒內完成傳送,比起以往用 NFC 傳送快得多。

加入咫尺共享功能

傳送一張相片 (大約 4MB),都可以在一秒內完成傳送

S865+ 跑分、效能無得挑剔

Samsung Galaxy Note 20 有當今最高的手機規格,採用 Snapdragpn 865+ CPU、8GB RAM 及 256GB ROM,覺得內存唔夠用的話,仲可以用 Micro SD 卡擴充,而 4200 mAh,亦都支援 25W 有線快速充電、15W 快速無線充電及逆向無線充電功能,可以幫其他裝置充電,用落係非常方便。而 Antutu 跑分達到 588,199 分,亦都達到當今手機頂尖的跑分成績。

三鏡主相機對比 S20+ 爽快

Samsung Galaxy Note 20 有著與 Galaxy S20+ 相同的三鏡頭主相機,試玩認為遠攝鏡頭的對焦速度大大提升,可用性提高不少,三鏡規格如下:

  • 1/1.76″ 感光元件,1,200 萬像素 79 度主攝鏡頭 (f/1.8)
  • 1,200 萬像素 120 度超廣角 (f/2.2)
  • 6,400 萬像素 76 度鏡頭 (f/2)

主攝與超廣角表現可靠

主攝鏡頭唔算最好,但大部份環境都難唔到 Samsung Galaxy Note 20 的 26mm 主攝鏡頭與超廣角鏡,應該係對這兩個鏡頭表現的最佳描述。兩支鏡頭都可拍攝出色彩真實而動態範圍高的相片,而且 13mm 超廣角鏡,已經比一般手機超廣角鏡更 Wide,影像變形與紫邊的情況都很少,絕對是手機之中最出色的超廣角鏡頭之一。

3 倍遠攝 10 倍數碼變焦勉強可用

從官方規格可見,3 倍無損混合變焦技術,其實係用 76 度 6400 萬像素鏡頭,其實同標準鏡焦距相約,但 6400 萬像素裁剪為 1200 萬像素相片,數學上 5 倍變焦內都可以無損輸出。實試認為 10 倍數碼變焦仲係可用範圍,20 陪或 30 倍數碼變焦,影相就會變得模糊及鬆散。

21:9 24fps 8K 影片,一般藍牙耳機都可以連接收音

今次 Samsung Galaxy Note 20 系列,主要加入專業錄影功能,可選擇拍攝 21:9 比例 24fps 8K 影片,拍攝格式極有電影感,Zoom in Zoom Out 時可以調整速度,手動對焦、ISO 與快門與白平衡都係基本,最利害的地方是可以選擇收音方式。

定向收音、一般藍牙耳機都可以收音

手機內已經可以選擇後置、前置與全方位收音,仲可以駁藍牙耳機,用藍牙耳機個 Mic 收音,試過用不是 Samsung 品牌的真無線耳機,都可以正常收音,不過藍牙耳機都有連接距離限制,如果露天環境大約是 10 米,錄影時收音唔清晰,都可以係距離大遠而做成。

專業錄影功能,可選擇拍攝 21:9 比例 24fps 8K 影片

Zoom in Zoom Out 時可以調整速度

手動對焦、ISO 與快門與白平衡都係基本

仲可以駁藍牙耳機,用藍牙耳機個 Mic 收音

總結:屏幕有 120Hz 就 Perfect 池

其實以 HK$7,398 玩到一部有 Snapdragon 865+ CPU、支援 S-Pen 觸控筆、頂級三鏡頭嘅手機,價錢都好合理。不過,S20 及 S20+ 在前,加上 2020 年下半年開始大大部份旗艦機,最少都支援 90Hz 刷新率屏幕,Note 20 只有 60Hz?確實令人有一種「美中不足」嘅感覺。

Samsung Note 20 與 Note 20 Ultra 之別!細機大機買邊部好?


你也許會有興趣:

小米 Redmi K40 系列正式發佈,包括:Redmi K40、Redmi K40 Pro、Redmi K40 Pro Plus 三個版本。三款型號主要區別是處理器、後攝略有不同,其他都幾乎完全一致。

剛剛買左部 Android TV 回來,不知道應該下載什麼 Apps,其實打開電視上的 Google Play Store 就有大量的 Apps 選擇,今天就跟大家好好分享一下,香港用到,也適用香港環境的 Apps。

生活在大城市,我們都會使用 WiFi。現在的 WiFi 路由器均支援 2.4GHz 與 5GHz 頻率,兩種不同的頻率有什麼差別,在使用上對我們有什麼影響?我們在選擇路由器時又需要知道什麼?今天我們來探討一下這個話題。

5G 專題 | 5G 演唱會是如何鍊成的

早在 2019 年,日本就有 5G 演唱會的出現,當時是利用 5G WiFi 豐富歌者與現場觀眾互動,及後隨著疫情爆發及 5G 技術成熟,5G 演唱會逐步移師線上,並開始結合 VR 及其他先進技術,讓大家安在家中欣賞表演,革新視覺體驗。踏入 2021 年,就讓我們回顧一下 5G 演唱會是如何鍊成的。

5G 專題 | 5G 對遊戲市場帶來的衝擊

相信大家都有用手機 App Spotify 上網聽歌,或者透過 YouTube 及 Netflix 睇片,當中所用的是串流 Streaming 技術,好處是不用下載影音內容至手機中,節省儲存容量。5G 的出現不但令串流更為順暢,上網打機連線更穩定,但事實上,5G 對遊戲的影響不僅如此…

【SIM 評測】HK Mobile↷csl $70 ∞GB 本地儲值月卡,1GB≈$0

HK Mobile 市場售價 $70 的 ∞GB 月卡,再送 2 張 $20 的增值卡,即共有 無限數據 + $40 增值劵。此卡採用即插即用方式,入卡後就可以看到 SMS 通知過來直接看到贈送 30 天無限數據與 10次 200分鐘的通話分鐘。

【SIM Card】香港 最抵「年卡」儲值卡 2021 大整理

一直有留意我們 techritual.com 的讀者應該得知我們全新的項目「SIM CARD 大全」。經過連續多天多張 SIM Card 儲值卡的測試,我們終於來到一個小結。與大家整理最抵「年」卡。在眾多 SIM Card 數據卡中,當然沒有無限數據的年卡。