【開箱評測】Samsung Galaxy S20 FE 手機:以旗艦之名的高性價比手機

旗艦機愈賣愈貴,以前出名平嘅小米,今年旗艦機最低定價都要接近 HK$4,000。不過 Samsung 反其道而行,推出定價唔洗 HK$5,000 的 Samsung Galaxy S20 FE,名稱睇落同 S20 Ultra 及 S20 系列一樣,睇落好似誠意十足,但用落有無伏可以嚮今次真心評測知道。

Samsung Galaxy S20 FE 硬件規格

螢幕尺寸:6.5″ 吋 Infinity-O Super AMOLED (2400×1080)
螢幕比例 20:9
機身體積:159.8 x 74.5 x 8.4 mm
重量:190g
處理器:Qualcomm Snapdragon 865
儲存空間:8GB RAM (LPDDR5) + 128GB ROM (UFS 3.1)
主相機:1200 萬畫素 f/1.8 光圈主鏡頭、1200 萬 f/2.2 光圈超廣角鏡頭、1200 萬像素 f/2.4 光圈 3 倍遠攝鏡頭
前置相機:3200 萬像素 f/2.2 光圈鏡頭
電池容量:4500 mAh
防水:有 IP68
WiFi 6:無
無線充電:無
5G:有
NFC:有
其他:螢幕指紋解鎖、25W 有線快速充電、15W 快速無線充電、4.5W 反向無線充電

輕身霧面機背

Samsung Galaxy S20 FE 定位係入門旗艦機,而仲叫佢做旗艦原因係處理器仍然係 Qualcomm S865。另外 S20 FE 亦都有 IP68 防水機身,有比 Galaxy S20 更大的 6.5″ Infinity-O Super AMOLED 螢幕,規格唔失禮。

不過 S20 FE 螢幕邊框明顯較闊,睇得出造工係無咁細緻,比較似中階機的做法,這似乎是 FE 代號入門旗艦的特色之一。3200 萬像素前相機的開孔直徑,只有 3.34mm,是開孔部份最小的 Samsung 手機,呢方面又值得為佢添加分數。

有比 Galaxy S20 更大的 6.5″ Infinity-O Super AMOLED 螢幕

音量鍵與開關都在機身右邊


SIM 咭槽在機頂

- Advertisement -

USB-C 充電

有 5 個顏色選擇嘅 Samsung Galaxy S20 FE 都會用霧面機背,用色無論老中青都會鍾意。機身物料輕巧,令部機只有 190g,令到手感非常舒適,而且主相機部份亦無 S20 或 S20+ 咁凸出,整個設計會合乎大眾心水。


而且主相機部份亦無 S20 或 S20+ 咁凸出

Samsung Galaxy S20 FE 採用霧面機背

系統功能絕無偷工減料

Samsung Galaxy S20 FE 運行 Android 10 系統,在 One UI 介面功能絕對沒有偷工減料,可同時安裝兩個相同社交應用的 Dual Messenger、接近可以將手機當成兩部機用的安全資料夾功能、將手機變成電腦咁用嘅 DeX 模式、4.5W 反向無線充電 Power Share 功能,在這款入門旗艦機都可以用到。


Dual Messenger

安全資料夾

DeX 模式

Power Share 功能

螢幕支援 120Hz

Samsung Galaxy S20 FE 的 6.5″ Infinity-O Super AMOLED FHD+ 螢幕,支援螢幕指紋解鎖,用左光感識別技術,比以往所用的超聲波技術,識別時間更加快速。

而螢幕支援 120Hz 刷新率,未有像 Note 20 Ultra 加入因應使用情況調整刷新率的技術。個人目測發現,與 Galaxy S20 Ultra 同時用 120Hz 刷新率,上下滑動操作,Samsung Galaxy S20 FE 螢幕會有較明顯的殘影問題,舒適度未如 Galaxy S20 Ultra。

效能頂級,同樣支援快速有線及無線充電

Samsung Galaxy S20 FE 規格用左 Snapdragon 865 CPU 及 8GB LPDDR5 RAM,Antutu 跑分達到 578,999 分,效能與 S20、S20+ 及 S20 Ultra 沒有太大分別。

行貨今次巧妙咁入左 128GB ROM 版本,希望同其他 S20 系列手機有容量上有明顯的分隔,但 Galaxy S20 FE 的 SIM 咭槽都可以因應需要安裝 Micro SD 卡擴充,大家唔洗擔心唔夠位用。它的 4500 mAh 電量亦同樣支援 25W 有線快速充電及 15W 快速無線充電,功能都同 S20 系列手機睇齊。

Antutu 跑分達到 578,999 分

SIM 咭槽都可以因應需要安裝 Micro SD 卡擴充

拍攝規格同 S20 系列有少少分別

今次 Samsung Galaxy S20 FE 拍攝規格同 S20 系列其實係有少少分別,

  • 1,200 萬像素 Dual Pixel 對焦 F1.8 OIS 主鏡
  • 1,200 萬像超廣角鏡
  • 具備 3x 光學、30x Space Zoom 變焦的 800 萬像素遠攝鏡構成

首先 1200 萬畫素 f/1.8 光圈主鏡頭,其支援 Dual Pixel 對焦同埋光學防手震,特性會跟 S20 與 S20+ 相同; f/2.2 光圈超廣角鏡係用左 1/3.0″ 1200 萬像素感光元件,感光元件比 S20 與 S20+ 超廣角鏡所應用的 1/2.55″ 1200 萬像素感光元件更細;遠攝鏡會採用真正的 3 倍遠攝鏡頭,與 S20 與 S20+ 利用 6400 萬像素感光元件 28mm 鏡頭,再利用數碼變焦作遠距離拍攝的規格完全不同。

主攝鏡效果出色

Samsung Galaxy S20 FE 主攝鏡所拍攝的效果出色,拍攝植物的清晰度、色彩飽和度與層次感,都會令人相當滿意,低光拍攝支援手持夜景模式,ISO 1250 亦有不錯的雜訊處理能力。

超廣角鏡還需調教

未知是超廣角鏡感光元件問題還是軟件未作最終調整,相片邊緣位置有明顯色線,高光差拍攝時,色線會更為明顯。

遠攝鏡支援 30 倍變焦,實用達 10倍

3 倍遠攝鏡亦有不錯的清晰度,最高支援 30 倍數碼變焦,個人認為 10 倍數碼變焦內,效果都可以接受。而在拍攝介面,可以選擇 X3、X4、X10、X20 及 X30 拍攝,當使用 X20 及 X30 時,拍攝介面左上角會出現小視窗,協助大家取景。

在拍攝介面,可以選擇 X3、X4、X10、X20 及 X30 拍攝

X20 及 X30 時,拍攝介面左上角會出現小視窗,協助大家取景

屏幕觸控問題未浮現

如果你有留意外國報導,部份地區的用戶表示 Samsung Galaxy S20 FE 的屏幕有觸控問題,在觸控時要不反應遲鈍,要不會錯誤地選擇,導導致畫面抖動,而關的觸決方法最差是需要重啟手機。這個問題暫時在我們真心評測期間未浮現,或許是我們運氣好,但到底這個問題會否大規模出現在香港用戶,則需要大家買了回家慢慢試才知道。

總結:Samsung 最高性價比手機

Samsung Galaxy S20 FE 雖然超廣角鏡表現唔算好好,但螢幕質素、硬件性能、系統功能都跟 S20 系列沒有太大分別。Samsung 巧妙地將一啲可以減省成本的外觀設計減省,例如窄邊框、彎曲屏幕、Dynamic 120Hz、50x Space Zoom 等華而不實的項目刪除,但卻保留番 S20 旗艦的主要硬體規格,令一啲鐘意追求純數字規格的用戶,能夠突破 $5,000 這個心理關口,直擊過去小米最強的「高性價比」位置。

作為傳統的 Samsung 用戶,習慣左要到最好,S20 FE 未必係你選擇,但接受唔到用貴嘅價錢買小米,或者其他中國製手機的話,Samsung S20 FE 絕對是今年 Samsung 最高性價比手機。或者咁講,如果佢唔用「S20」之名,把手機名改做「A」系,大家會易接受好多。


你也許會有興趣:

Samsung S21 Ultra 的相機共有四個,分別是:120度廣角 f/2.2 的 1,200萬像素 Dual Pixel 鏡頭、f/2.2 的 1.08億像素 OIS 光學防震鏡頭、3 倍光學變焦 f/2.4 的 1,000萬像 Dual Pixel 鏡頭與 10倍光學變焦 f/4.9 的 1,000萬像素 Dual Pixel 鏡頭,並加入一個鐳射自動對焦感應器。前鏡頭則是 4,000萬像素 f/2.2 鏡頭。

2021 年雖然只過左半個月,但小米大大話話已經推出了 4 款手機,分分鍾已經是不少弱勢手機品牌整年推出手機的總和。剛剛推出的 Redmi Note 9T,又再一次刷新 5G 機的最低價紀錄,會不會將貨就價偷工減料呢?睇睇今次真心評測就知。

【開箱評測】小米 Redmi Note 9T 5G:沉悶的入門性價比手機

2021 年雖然只過左半個月,但小米大大話話已經推出了 4 款手機,分分鍾已經是不少弱勢手機品牌整年推出手機的總和。剛剛推出的 Redmi Note 9T,又再一次刷新 5G 機的最低價紀錄,會不會將貨就價偷工減料呢?睇睇今次真心評測就知。

【開箱評測】小米 Mi 10T:機海戰術下,部部機都差不多

其實唔少人都是想找一部定價唔貴速度高,使用時間長,使用時間足夠一日,同埋拍攝效果唔差既手機,只係賣 HK$3,399 的小米 10T 認為應該可以滿足大部份用家的要求。不過,有想買小米 Mi10 T 的朋友,或者睇埋其他小米手機都得,因為今年小米真係機海到痴左線啊~~~

【必睇教學】Facebook 相薄相片全部下載、一鍵轉移 Google Photos

擔心 Facebook 儲存過多你的私穩,希望把儲存在 Facebook 下載的照片全部掌握在自己手上嗎?本篇告訴你如何下載,把全部照片拿在手上,或轉移到 Google Photos、Dropbox 等儲存平台。

【SIM 評測】鴨聊佳↷CMHK $30 10GB 本地儲值月卡,1GB=$3

鴨聊佳市場售價 $30 的 10GB 月卡,採即插即用方式,包 10GB 數據,採用中國移動香港 CMHK 網絡,標榜無限速。由於速度不限,所以在用完 10GB 數據後便會中斷,並非降速型的無限量使用 SIM Card。以 2020 年 10 月購買的版本為例,有效啟用日期為至 2022 年 6 月 30 日,開啟後則有 1 年使用時間(具體請留意包裝後說明)。

【SIM 評測】中國聯通 $100 40GB 本地儲值 1.5個月卡,1GB=$2.5

中國聯通市場售價 $100 的 40GB 年卡,採即插即用方式,包 40GB 數據,採用 3 香港 網絡,並有 2,000本地分鐘。由於此卡並沒有無限數據計劃,所以在使用完 40GB 數據後便會中斷,並非降速型的無限量使用 SIM Card。以 2021 年 1 月購買的版本為例,有效啟用日期為至 2021 年 12 月 31 日,開啟後則有 1 年使用時間(具體請留意包裝後說明)。

【開箱評測】小米 Redmi Note 9T 5G:沉悶的入門性價比手機

2021 年雖然只過左半個月,但小米大大話話已經推出了 4 款手機,分分鍾已經是不少弱勢手機品牌整年推出手機的總和。剛剛推出的 Redmi Note 9T,又再一次刷新 5G 機的最低價紀錄,會不會將貨就價偷工減料呢?睇睇今次真心評測就知。

【排行榜】香港科技 YouTuber 訂閱/觀看人數- 2020.12

以訂閱數作排名,第一名是 FlashingDroid,第二名是 Edwin. H,然後是 feversound.com,三者均突破 100,000 大關,最高達到 178,000。 接下來則是突破 4 萬大關的 DCFeverHK、ValorGears、Post76影音玩樂、Lok Cheung HK、腦控及 hokooho。數據 與【排行榜】香港科技 YouTuber 訂閱/觀看人數- 2020.11 沒有明顯變化。