踏入冬天的季節，又係時候從衣櫃取出毛衣冷衫、羽絨大褸等外套保暖，不過要穿上多件厚衫，難免阻礙手腳活動，如果仲未夠暖的話，更會再加添拋棄式暖貼，既唔環保，着太多衫又過於擁腫，非常唔方便，所以近年越來越多人選擇暖手蛋，或者舊年開始流行的發熱背心，然後再於外面穿上簡單的配搭，營造出簡約時尚的輕鬆瀟灑風格。
發熱背心與傳統的輕羽絨背心不同之處，發熱背心把發熱線收藏於背心內，讓衣服在保暖外也能產生溫暖，進一步提昇暖和感。市面上好多品牌都有推出發熱背心，眼花瞭亂令人不知如何入手，其實在選擇購買發熱背心前，大家首先要了解產品的功能之外，仲需要注意以下幾點，好似安全性、調溫方式、供電方式及設計三種，睇清楚呢幾點，咁就可以買到件好既發熱背心。
可調溫很重要
與暖手蛋，可以隨時放回袋裡不同，發熱背心直接穿在身上，太熱會令你不適，不夠熱度又無法發揮保暖功能，而且日頭同夜晚都會有溫差，所以發熱背心無得較溫度的話，真係非常唔方便。特別係如果去落雪的地方，在發熱背心外還會再加厚大的防風防水外套，可以調較溫度變得更重要。
因此，在選擇發熱背心時，必須留意會否有控溫，還是單一溫度，部份極便宜的發熱背心只有單一溫度，在家裡使用還好，但出外就很麻煩。發熱背心提供三段式調溫，俾你自己手動調節合適又舒服既溫度，咁就唔怕太熱或唔夠暖。
供電方式：移動電源 / 電芯盒
大部份既發熱背心都唔會內置電池，因為要方便拿件衫去洗，所以要供電發熱，一係就插外置電源，一係件衫本身內建一個電池盒俾你入 AAA 電芯，由於有清洗既考量，所以建議大家搵啲係件衫上面會有一條 USB 插頭延伸出來既款式，咁先可以接上移動電源（尿袋）。
如果你看到使用 AAA 電芯供電的版本，那要考慮清楚電力是否足夠。因為 AAA 電池一枚最多有 2900mAh 電力，與移動電源可以達到 10,000mAh 有明顯差別。以電量計，10,000mAh 的大約可持續發熱 8 小時，而 AAA 電池款式一般只有 2 小時左右。
另外，旅行在外時更換電芯也不夠方便，直接攜帶大容量的移動電源會較好。雖然會增加重量，但一物多用，既能保暖也能為手機充電，相對較方便。
有電安全嗎？
發熱背心一旦有咩事，會否觸電呢？以往我們常聽到的電熱氈安全問題，主要是因為採用插座濕電，為 220V 交流電（AC），電量太高，一旦發生問題便有機會觸電等。
但發熱背心由於採用的是 AAA 或移動電源產生熱力，其使用的是 5V – 12V 的直流電（DC），電壓相對低很多，情況就跟我們自己直接把手放在普通 AAA 電池的兩端也不會有觸電問題一樣，相對較安全。而且現時的移動電源（只要不是山寨）大多有漏電安全保護，一旦發生電壓異常或漏電等情況，都會自動斷電，十分安全。
清洗方式：絕不可乾洗
之前都講過，發熱背心雖然內置了發熱線，但著到一段時間都係需要清洗既，所以大家買既時候，最好問清楚洗既方法。大部份既發熱衣都可以當一般衫咁放入洗衣機，但最好另外放入一個洗衣袋先，同埋用中性洗衣液，洗完之後唔好貪方便用乾衣機，不可烘乾，亦不乾洗，否則發熱物料就會係部機入面過熱架啦。
尺寸要啱身
好多時買衫，唔少朋友都會買貼身啲，但發熱背心就唔可以咁，過緊太貼身會熱得滯，反而買番自己嘅尺寸，或者有少少鬆會好啲。因為天氣凍，本身都會著多幾件，或著件厚少少嘅衫，如果呢個時候再揀件太貼身嘅發熱背心，咁就會太熱。鬆身返少少，反而會更舒服。
發熱背心推薦 2019
SuperHot 智能發熱外套
件衫既設計同 U 記羽絨好似，採用長袖式既設計，而內裡係用加厚絲綿及佈置左三組發熱線炭纖維絲，衫內設有一個暗袋位，依個係用黎放移動電池，只要接上衫內的 USB 就可以供電，大約 1 分鐘左右就會有發熱的感覺，而衫外既按鈕可以調節溫度，備有 30、40、45 度的選擇。
顏色：黑、紅
尺寸（參考身高）：L（170）、XL（175）、2XL（180）
特色：三段控溫功能、可接行動電源
價錢：HK$499
查詢：SuperHot 發熱外套
韓國 Heat2Wear 智能發熱背心
韓國品牌，採用專利技術 Touch Heating System，擁有防靜電及防潑水能力，物料為 Dupont Sorona 人造生物羽絨，更環保和保溫，配合日本碳纖維發熱線，屬高級貨色。可獨立調較發熱時間、溫度及位置 4 個發熱部位及 15 個發熱組合，分有領版及無領版。
顏色：黑、白
尺寸（參考身高）：S（160）、M（165）、L（170）、XL（175）、XXL（180）、XXXL（185）
特色：可局部發熱、時間調節
價錢：HK$1,688
查詢：韓國 Heat2Wear 智能發熱背心
ZOHO 智能發熱背心
同屬 ZOHO 的另一款發熱衣，採用無袖式的背心設計款，內部的物料同樣都係加厚絲綿及佈置左三組發熱線炭纖維絲，提供 30、40、45 度三段控溫調節功能，由於無內置電池，需另外接上電源，以 10000mah 電量計算，大概運行 8 小時。
顏色：黑
尺寸（參考身高）：S（160）、M（165）、L（170）、XL（175）、2XL（180）、3XL（185）
特色：三段控溫功能、可接行動電源
價錢：HK$288
查詢：ZOHO 智能發熱背心
