vivo 在年頭係威係勢公佈同蔡司合作，一口氣公佈三款 X60 系列手機。不過未有將最強既 X60 Pro+ 帶到香港，只有 X60 與 X60 Pro 面向用家。今次試玩既 X60 Pro 其實一啲平，都要接近 HK$6,000，對比起應用相同 CPU，剛剛小米宣佈將會賣街既 Poco F3，個價差成 HK$3,199，貴超過一倍。究竟 vivo X60 Pro 有乜野能耐可以賣這個價錢？或者大家響今次真心評測會找到答案。
vivo X60 Pro 硬件規格
螢幕尺寸：6.56 吋 2376 X 1080 解像度
機身體積：158.58 ×73.24 × 7.69mm
重量：179g
處理器：Qualcomm Snapdragon 870
儲存空間：12GB + 3GB RAM /256GB ROM
系統：Android 11
主相機：4800 萬像素 f/1.48 光圈主鏡頭 + 1300 萬像素 f/2.46 光圈人像鏡頭 + 1300 萬像素 f/2.2 光圈廣角微距鏡頭
前置相機：3200 萬像素
電池容量：4200 mAh
防水：無
無線充電：無
5G：有，5G + 4G 雙咭雙待
NFC：有
WiFi 6：有
屏幕刷新率：120Hz
其他：螢幕下指紋識別、藍牙 5.1、33W 有線充電
定價：HK$5,998
曲面螢幕，製作精美
一部手機，從來都有唔少人忽略設計成本，vivo X60 Pro 就是一部非常精美，而且手感出色嘅手機。6.56 吋曲面螢幕，曲面部份加入防誤觸技術，削平的機頂加入 Professional Photograph，表明是部專業拍攝手機。機身只有 8mm，而且重量不足 180g，手感輕身舒適，配合磨沙面的玻璃機背，部機唔易跣手之餘，更唔會容易印上指紋。
vivo X60 Pro 設 6.65 吋曲面螢幕
前鏡為 3200 萬像素
曲面部份加入防誤觸技術（但使用時仍然有誤觸情況，留待系統更新解決問題）
機頂加入 Professional Photograph 字眼
開關鍵加入坑紋
以 USB-C 充電
支援 5G + 4G 雙咭雙待
磨沙面的玻璃機背
Android 11，12GB + 3GB RAM 夠流暢
vivo X60 Pro 運行 Android 11 系統，120Hz 螢幕配合 12GB RAM 與內存融合技術，將 3GB ROM 轉為 RAM 使用，系統操作極為流暢，講真同 Snapdragon 888 CPU 的手機，流暢度唔會有分別。系統功能都同唔少 Android 機一樣，都支援應用雙開，螢幕刷新率切換，手勢操作，智能螢幕開關等。遊戲助手功能值得留意，因為可以關上螢幕掛機，而且有遊戲環迴音色功能，可以因應遊戲種類選擇播放音場。一般使用連接有線耳機播放音樂，以用家年齡調音。
螢幕支援智能切換刷新率 支援應用程式分身
手勢操作 智能螢幕關閉
遊戲助手可以關上螢幕掛機 長按音量鍵減啟動特定功能
有遊戲環迴音色功能 連接有線耳機播放音樂，以用家年齡調音
S870 Antutu 跑分同 S888 CPU 差距不遠
vivo X60 Pro 雖然用上低一級的 Snapdragon 870 CPU，但係從 Antutu 最新版本 V9 跑分都超過 700,000 分，其實同 Snapdragon 888 CPU 的手機如 Samsung Galaxy S21 Ultra 相當接近，用家都無需拘泥相差的 3 萬分數，其實用落一啲都唔會覺，同樣是非常高性能。
PCMark 2.0 使用時間測試，跑出超過 15 小時的成績 Antutu 最新版本 V9 跑分都超過 700,000 分
高性能 5G 機中，使用時間算出色
vivo X60 Pro 設有 4200 mAh 電量，電量唔算好大，不過運行 PCMark 2.0 使用時間測試，跑出超過 15 小時的成績，遠超今年 Qualcomm Snapdragon 888 CPU 手機，大約 11 小時的成績，或者唔追求極致效能，退而求其次，反而實際使用體驗會更加理想。
vivo X60 Pro 5G 速度測試
vivo X60 Pro 支援 5G，採用雙 nano-SIM 5G + 4G 雙卡雙待。官方列出對應的 WiFi 規格非常籠統，不過連接 WiFi 6 Router 發現，它都支援 1.2Gpbs 的 WiFi 6 網絡，無論流動網絡與 WiFi 支援都是完備。
2G GSM850/900/1800/1900MHz
3G WCDMAB1/B2/B4/B5/B8
4G FDD-LTEB1/B2/B3/B4/B5/B7/B8/B12/B17/B18/B19/B20/B26/B28/B32
4G TDD-LTEB38/B39/B40/B41
5G n1/n3/n7/n28/n40/n41/n78
vivo X60 Pro 的 5G 計劃上台優惠
根據中國移動香港 CMHK 的 5G 上台計劃，可以用優惠價上台 $4,295 選購 vivo X60 Pro，當中有一個 $198 的計劃，簽訂 24個月，包括香港無限通話分鐘、30GB 5G 計劃，加 1Mbps 速度無限數據及 3GB 大灣區數據（中國/澳門）。
此計劃並附送 UGAME VIP 會籍玩雲端遊戲、24個月 myTV SUPER App 基本版、兩次直減 $300 優惠購買智能電子產品套裝、網店免 1 個月月費、免行政費及免運費。
| 5G服務計劃 | ||||
| 月費(24個月約) | $198 | $298 | $398 | $498 |
| 本地數據 | 30GB | 100GB | 200GB | 300GB |
vivo X60 Pro 同名，但香港版與中國版比較少左支 5 倍遠攝鏡
vivo 與蔡司合作開發 X60 系列相機，當中與蔡司合作上繳的費用，以及開發成本，都是產品定價較高的原因。不過 X60 Pro 香港版對比中國版本，就無左 5 倍潛望式遠攝鏡。只有 4800 萬像素 f/1.48 光圈主鏡頭 + 1300 萬像素 f/2.46 光圈人像鏡頭 + 1300 萬像素 f/2.2 光圈廣角微距鏡頭。少左支鏡頭，但係又賣貴過中國 (中國約賣 HK$5,350)，難道因為有 Google 服務，所以就要係硬件上刪減？小編就覺得不太公平。大家買機前要留意清楚，到底買的是中國版還是香港版。
機名雖然是 vivo X60 Pro，但香港版缺少 5 倍光學變焦鏡頭
同樣是 vivo X60 Pro，中國版採用了 800萬像素 5 倍光學變焦鏡頭的潛望式鏡頭。
色彩鮮艷，影像扎實
雖然 vivo X60 Pro 香港版對比中國版少左支 5 倍遠攝鏡。但用它的 f/1.48 光圈主鏡頭影相，效果賞心悅目。低 ISO 相片非常乾淨扎實，動態範圍廣闊，而且色彩鮮艷，尤其是它拍的紅、藍、黃色，都相當討喜。相片白平衡在室內有一定調整，可以慳番唔少執相時間。
超廣角鏡頭兩個玩法
超廣角鏡有兩個玩法，一個是以 15mm 超廣角拍攝極闊的畫面，另一個是利用「超微距」模式，變成 27mm 微距鏡頭拍攝。由於都是蔡司鏡，色彩表達上都同樣鮮艷，大範圍的影像，亦不會像一般超廣角鏡頭般化開。微距效果由於像素有成 1300 萬像素，當然比大部份手機只有 200 萬及 500 萬像素的微距鏡更加細緻。
X60 Pro 人像鏡有多種拍攝風格
使用寫真模式時，可虛擬光圈由 f/0.95-f/16，亦有多種拍攝風格可以選擇，主打嘅蔡司 Biotar 風格，散景就會像蔡司人像鏡王 Biotar，出現球形的迴旋效果，而其他拍攝風格，都可以看看這位模特兒的演繹。
X60 Pro 賣貴啲就有更多減價空間
vivo X60 Pro 其實都係一部好機，產品設計同手感都好好，只係個價對比其他 S888 處理的手機廠商出品就比較貴，值唔值得入，就睇你對蔡司有無情義結。更重要的一點是 vivo X60 Pro 香港版賣得比中國版貴，而且仲少左支 5 倍遠攝鏡，係令人最失望的地方，不過賣貴啲，亦可以估計佢未來可以有更多減價空間。
