【價錢】LG V60 雙屏幕陳列品賣 3 字頭

Samsung Galaxy Z Fold 2 一睇就吸引，但唔想俾萬六蚊去買嘅話，其實有無其他選擇呢？當然有，一係去買上代嘅 Galaxy Fold 二手，大概八九千有交易，或者再唔係就揀另一個韓仔出品嘅低成本方案 LG V60。

LG V60 嘅雙屏幕方案好簡單，係本來嘅手機上再配一個第二屏幕配件，令你得一個屏幕嘅手機可以延伸落去，做到雙屏效果，推出時韓國水貨價賣成 $6080，仲要係單價，但依家慢慢都開始去到一個好吸引嘅價錢，有賣嘅襯手，依家韓國水貨陳列品機賣到去 $3,830，仲要包埋副屏幕配件，確係吸引嘅價錢。

LV V60 規格上係追得上時代嘅 Qualcomm S865、8GB RAM / 128GB 儲存空間、6.4吋 2460×1080 屏幕。