LG 可能最後一部具吸引力嘅手機 LG Wing 依家係香港已經沒有行貨，咁到底水貨賣緊幾多錢呢？價錢來講，如果叫自己做行貨提供保養嘅版本賣緊 $5,699，但如果真係叫番自己做水貨，無保養嘅就賣緊 $4,580，陳列品就賣緊 $3,888。如果想知買唔買得過，記得睇：【開箱評測】LG Wing：真心覺得好用過摺 Mon 手機
LG Wing 外型就像一般直身螢幕手機，不過手指輕輕一撥，3.9 吋副螢幕就會出現，設計相當獨特。由於機身有兩塊螢幕，機身都會比一般手機重，達到 260g，這個重量已經接近摺 Mon 機如 Galaxy Fold 2。不過無論直身使用還是使用雙螢幕模式時，都可以一手掌握。
LG Wing 最大賣點就是旋轉雙螢幕，用落估唔到係咁好玩同埋實用。旋轉雙螢幕最常用，就會變成一個橫向螢幕 (主)，一個直身的正方形螢幕 (副)，當用家在主頁面打開，主螢幕就會出現相簿、YouTube 及拍攝功能選擇的頁面。使用 YouTube，主螢幕會播放影片，副螢幕就進行操作，如音量調整、暫停或快搜功能等。不過如果要在主螢幕輸入，仍是要透過副螢幕進行。旋轉螢幕中的主螢幕，亦都可以垂直使用。
LG Wing
查詢: anlander.com
