將遠攝鏡換上了 70mm 與 105mm 雙焦距潛望鏡頭的 Sony Xperia 1 III，加上 24mm 廣角鏡頭同埋 16mm 超廣角鏡頭，大部份拍攝場景都有合適鏡頭可以使用。
而且今次 Sony 只有 Camera Pro 一個影相軟件，為左方便一眾用家，加入了 Basic 模式，已經可以在全自動的環境下，進行最高每秒 20 張連拍。P、S、M 模式，操作就好似 Sony 相機，習慣用 Sony 相機嘅朋友應該駕輕就熟。
Camera Pro 加入了 Basic 模式
設 P、S、M 模式
操作就好似 Sony 相機
對焦連拍都超快，但唔係無缺點
Sony Xperia 1 III 未必係影相最靚的手機，但講到對速同埋連拍，佢敢認第二，都無其他機敢認做第一，如果比大家親身試下街拍，你就會感受到佢三支鏡對焦都係超快，無論日光同埋低光，按半下快門就立即可以對到焦。連拍時仲可以按螢幕位置，將主體鎖定追焦，連拍成功率亦非常高。不過佢嘅對焦系統都唔係無弱點，如果拍攝植物，如似影一朵花，行近拍攝時，反而會好易出現失焦。
支援最高 1 秒 20 張連拍
Sony Xperia 1 III 廣角鏡都是高水準
Sony Xperia 1 III 亦不例外，廣角鏡都是最佳拍攝效果的焦段，與大部份手機一致。都可影到清晰而色彩真實的相片，而且測光仲同現場環境好接近，低光用 ISO 800 都無雜訊，處理雜訊表現有很高水準。
Sony Xperia 1 III 超廣角鏡動態範圍有進步
超廣角鏡雖然都好似大部份手機有紫邊，但 Sony Xperia 1 III 對比以往的 Sony 手機，動態範圍有所進步，雖然影出黎效果無真正相機咁自然，但係用手機影片，有番少少味精，其實都係大部份用家喜歡的風格。
Sony Xperia 1 III 潛望鏡表現有驚喜
潛望鏡頭可以從 70mm 或 105mm 焦距切換，而兩個焦距拍攝時，光圈分別是 f/2.3 及 f/2.8，以潛望鏡黎講都叫「大光圈」。兩個焦段的潛望鏡都可拍出清晰而細緻的畫面，色彩都是真實。
105mm 鏡頭支援 300mm 數碼變焦遠攝，在設定可啟動 AI 超高解析度縮放功能，將數碼變焦拍攝效果提高。
試玩 Sony Xperia 1 III 之後，它的拍攝速度令人留下深刻印象，這速度之高大致沒有其他手機可以追上，值唔值得用接近 HK$10,000 去買，就要視乎大家對拍攝速度追求有幾高。
詳細評測：【開箱評價】Sony Xperia 1 III ：賣成萬蚊值唔值呀？
