2021 Mesh WiFi 6 Router 住宅穿牆零死角 5 大推介

香港地地少人多,住屋呎價幾近冠絕全球。雖則地少但大屋依然有很多,獨立屋、村屋或是複式單位各形各色,由於香港樓宇大多以混凝土興建,堅固牆壁是 WiFi 訊號的天敵,當 WiFi 訊號穿過混凝土時,速度已大幅減弱,或只是在牆壁旁邊能夠使用 WiFi,令家中出現不少 WiFi 死角。近年開始流行的以主機連接衛星分機的 Mesh WiFi 系統,就可以輕易將 WiFi「隊穿牆」,網絡貫通全屋,提供速度高而穩定的 WiFi 網絡。 2021年都過了一半,不少流動裝置如智能手機,平板電腦及筆記型電腦等,都已支援 WiFi 6,加上近年來在家工作的日子亦比以往更多,大家都一定心癢癢,想升級 Mesh WiFi 6 Router,但 Mesh WiFi 6 Router...

「直髮器」推薦:不傷頭髮有平價選擇?

【有奬遊戲】送 Samsung Wireless Charger(共 2 枚)

Techritual 推出送禮活動,贏取 Samsung Wireless Charger 。現在只需在 2021 年 10 月 15 日前完成任務,將有機會獲得 Samsung Wireless Charger 1 張,名額共 8 部。

直髮器同捲髮器對女仔嚟講可以話係必備嘅電器之一,好似唔夾頭髮唔出得街咁,無論長頭髮定短頭髮都用得。捲髮器顧名思義可以整攣啲頭髮,直髮夾可以拉直啲頭髮,但係直髮夾同時都可以做到攣嘅效果,或者夾空氣劉海。啲人成日話乜乜乜大牌子好用,貴又係唔係一定好呢?

頭髮呢啲嘢咁重要,傷咗7咗就真係67,點可以亂咁揀呢?所以今日想同大家講下直髮夾,講下應該點揀一個好嘅直髮夾。

直髮夾嘅原理好簡單,就係用一塊發熱板將毛躁嘅頭髮夾直,用熱力定型,其實就好似燙斗燙3咁。佢特別啱嗰啲頭髮好旱好厚,成日望落頭髮好大把好亂嘅人,或者髮尾成日翹出黎嘅人。平時起身成頭亂到傻,有陰嘅就唔知咩事飛起晒… 直髮夾最大嘅用處就係夾整齊個頭之餘,令到頭髮有啲弧度,同埋全日都盡量keep住靚靚。



直髮夾多數分3種size:標準有線嘅多數都係大約長23cm,個發熱板闊大約2.5cm。呢種就基本上咩髮型造型都可以做到,而且大啲可以一次過夾大束啲頭髮,咁就唔洗分咁多次夾。迷你無線嗰啲多數都係大約長18cm,呢種就主要for啲人夾陰或者好少好少頭髮嘅人。因為佢好細個,所以方便去旅行,甚至痴線啲出街都可以帶。無線仲可以唔洗插電,冇晒電先用usb叉電就得。第三種就係兩用款,即係捲髮棒+直髮夾,咁就好方便一舊嘢搞掂晒。

你可能會話頭髮咁脆弱,用直髮夾會唔會傷頭髮㗎?

其實高溫本身對頭髮就一定唔多唔少都會傷頭髮,皮膚掂到高溫都會辣親啦,頭髮都一樣會。再加上夾頭髮有時唔係一下就得,要來回夾幾下,更加容易傷頭髮。雖然發熱板同頭髮產生嘅靜電可以減少毛躁,但都係要注意小心啲。

所以為咗冇咁傷,直髮夾最緊要揀嗰啲溫度有得較嘅,一般都應該keep喺140至220度。不過當然,你啲頭髮厚啲嘅,受熱能力就會高小小,可以用200度倒;如果你啲頭髮好幼,或者已經漂過好多次頭髮,髮質已經好傷嘅,自然受熱能力就一定差好多,就應該用150-180度倒。所以個溫度應該要因應自己髮質而調整,先可以減低傷頭髮嘅機會。順便比個小貼士大家,夾頭髮之前搽啲護髮嘅嘢,例如髮尾油可以幫啲頭髮加一層保護膜,咁就冇咁傷。

咁直髮夾要加熱到調教嘅溫度,自然就要比時間佢預熱。依家大部分出名嘅牌子好似GHD、Amika、Dyson嘅預熱時間多數都只需要十幾秒,算係好快,其他比較普通或者平價嘅牌子就大約30秒至一分鐘內。

直髮夾發熱嗰塊板都有啲考究嘅

最好就揀嗰塊板有浮動版面設計嘅款。你會問即係咩呢?其實就係兩塊夾板係可以輕微按壓嘅,咁就唔會令到個弧度硬梆梆咁,佢會識得自動微調夾頭髮嘅方向,咁就會容易控制啲。另外版面最好就揀啲物料實淨啲嘅,例如100%嘅鈦金屬。陶瓷雖然可以減低水份嘅蒸發量,相對嚟講會冇咁傷頭髮,但係因為好容易刮花。刮花咗之後繼續用,啲頭髮係上面磨擦其實仲衰。

仲有一樣我諗好多人都應該忽略咗,就係個直髮夾本身嘅重量。你諗下,如果你把頭髮好鬼多,夾頭髮要長期舉住個手臂,如果支直髮夾好鬼重,咁你個手臂都應該斷得。而佢嘅重量就係取決於佢嘅材質。例如amika嘅直髮夾係用鈦金屬,呢種材質係輕巧啲嘅,所以佢嘅直髮夾就只有233g,係標準size大牌子入面最輕嘅一款。不鏽鋼同鋁都係輕巧材質,但係用起就可能會冇咁順滑。仲有一種就係陶瓷,呢種就主要係因為陶瓷可以減低水份嘅蒸發量,所以相對嚟講會冇咁傷頭髮。


依家出得咁多款,有啲都會有特別嘅機能同selling point。例如加咗負離子機能可以令到水分子分裂成細啲嘅顆粒,同頭髮上嘅正電荷中和,達到抑制靜電、撫平毛躁嘅效果,好適合嗰啲髮質容易乾嘅人。又或者係如果你開咗一段時間就識自動斷電,以免唔記得熄而造成危險。

講左咁耐,等我介紹幾款我覺得最值得買嘅比大家。

首先第一個就係GHD、Amika、Dyson三大牌子入面嘅性價比MVP Amika嘅數碼鈦金屬造型器,亦都係頭先講過好輕嘅一款,$2780,可以較100-230度,無論咩髮質嘅人都照顧到。佢特別嘅係用咗特別嘅加熱技術,可以釋放遠紅外線,令到頭髮嘅水份可以鎖實,再加負離子就令到啲頭髮唔會咁旱。仲有佢有雙重電壓110至240V ,咁就可以帶去旅行,其他國家都用得。佢仲有一個好貼心嘅功能,就係溫度未夠個顯示mon會係藍色,夠溫度就會轉綠色。


如果係official專門店買嘅話,佢就會比VIP卡你,仲會provide 售後服務,可以享有免費set頭服務。另外會係GHD,佢價錢同其他功能性上都同amika差唔多,$2680,而最大嘅selling point就係佢嘅tri-zone技術,就即係發熱板一路都會keep住最佳溫度185度,不過你都可以話佢唔好就係冇得自己自由調教。

知道唔係個個都捨得比呢舊錢,所以我哋都搵左第二款平價好用款推薦比大家,就係日本品牌Salonia 嘅直髮夾,$298就有得入手,係真係超級抵玩。另外佢嘅 2way 捲髮直髮兩用電髮夾都一樣係$298。雖然佢嘅持久性可能冇其他大牌子嘅咁勁,但係其實夾多一兩次就可以做到一樣嘅效果,一樣都可以自己較溫度,最多230度,所以真係好啱學生budget冇咁多,或者係夾頭髮初哥,想試試佢先。

另一個會係同樣日本牌子嘅 Tescom負離子三用捲髮器,佢稍微貴啲啲,$498,但係特別小小就係佢有個內置嘅蒸氣儲水盒,可以釋放蒸氣,咁個弧度會再靚啲,同埋佢加熱速度25秒,差唔多可以媲美啲大牌子。

 

Honor 最近宣佈正式回歸香港市場,更帶來旗艦機 Honor Magic4 Pro。好多人會被它 HK$7,299 的價錢嚇怕,但是咪物有所值呢?都可以響今次真心評測,對呢部機作一個詳細了解。

小米最近推出兩款新機,主打平價的 C40 已經為大家送上真心評測,今次再試試規格準旗艦的小米 Poco X4 GT ,看看使用上有沒有驚喜。

儲值卡市場,有很多不同的 SIM Card 公司,其中一家便是 HK Mobile ,它們的包裝封面也有一定特色, HK Mobile 使用的網絡商是 csl 。他們一直以來都有推出唔同面額的儲值卡。今日同大家評測的是 HK Mobile $105 的 70GB 版本。看看在香港使用的速度、價錢等如何。

5G 專題 ❙ 美國 5G 車聯網應用 7 國語音提示保障道路安全

更有趣的是,當路上出現消防車又或單車甚至突如其來的行人時,App也會作出語音提示;而當路經學校和工地時,同樣會向駕駛者作出提醒減速前行。而語音部分則支援英文、法文、德文、印度文、韓文、西班牙文、簡體中文,適合租車旅客使用。

5G 專題 ❙ 泰國曼谷 5G 醫療系統 / 救護車

有到泰國曼谷旅遊的朋友都知道,當地時常塞車水泄不通,一旦發生事故,救護車便寸步難行。因此,泰國已活用5G網絡部署5G醫療系統,即使在擠塞中的救護車內,醫護人員也可與醫生連線進行救援工作。

【開箱評測】Honor 榮耀 Magic4 Pro 手機:相機係好但值唔值 HK$7,299?

Honor 最近宣佈正式回歸香港市場,更帶來旗艦機 Honor Magic4 Pro。好多人會被它 HK$7,299 的價錢嚇怕,但是咪物有所值呢?都可以響今次真心評測,對呢部機作一個詳細了解。