【推薦】Android TV 新手必備 Apps :免費電影、新聞直播、體育娛樂

智能電視已經推出多年,能夠透過連接網絡的功能,把以往應用在手機的影音平台帶到電視上播放,其中由 Google 推出的 Android TV 系統更加是以電視機會主要應用對像,而且仲有大量正版官方的應用程式,例如部份品牌如 SONY 及 TCL 原廠早已建有 YouTube、Netflix 等熱門平台,若你使用的是 Android TV Box 也適合以下的內容。

如果想再豐富啲,你仲可係電視入面既 Google Paly 市集下載更多 app(當然你也可以用 USB 安裝 android apk),所以話,你係可以有更多好既,有質素既節目可以選擇,唔一定要被迫睇「煩膠」劇,雖然電視既 Google Paly 市集同電話用既係唔同,不過 app 數量都唔少,所以我地就特別寫一篇文,推薦你一定要下載既 app。

依個唔駛介紹咁多,係香港人既都會知道,依架本地除左大台慣性有人開電視睇(聽?)之外,基本會推出有質素既節目,就係 Viu TV,而 Android TV 既電視機可以直接下載 《Viu TV》 app,並在電視上播放。

Viu TV
下載:Google Play Store / 免費

幾時都話,睇每一件事都唔可以只睇表面,特別係非常重要,關乎你同我既新聞報導,特別現今係互聯網既年代,好多時唔同既新聞機構,都直接會開 live,把現場第一手情況播出黎,而《港人話電視》可以 4 台同播、FB Live 直播及電台功能,等你係一個螢幕就睇晒唔同台既畫面。

TVHK
下載:TVHK(APK 檔)/ 免費

全球知名的影視娛樂 streaming 平台 《NETLIFX》,由荷里活大製作的熱門電影至本地香港電影都有,仲有其他國家的劇集、綜藝節目等等,Android TV 的電視品牌,通常一早就已經預設依款程式,或者你都可以係 Google Play 市集下載,但 NETLIFX 係需要收取費用,只要科左金,就任你睇。

NETFLIX
下載:Google Play Store / 付費訂閱

鍾意睇大陸劇或者綜藝節目的話,相信一定有用過《千尋影視》,不過依個 app 唔可以直接係 Google Paly 下載,而係需要先上網 Download 係 USB 手指入面,然後在移植安裝到電視機上。

千尋影視
下載:千尋影視(APK 檔)/ 免費

簡單啲講,熱門影音平台《KKBOX》就係提供本地至海外既歌手同歌曲俾你聽,可以直接在 Google Paly 下載,首先會提供 7 天免費試用,如果想繼續的話,就要俾錢參加月費計劃。

KKBOX
下載:Google Play Store / 付費訂閱

《Spotify》同《KKBOX》一樣都係音樂應用程式,只要下載後註冊左帳號,就可以係電視上播放音樂、歌曲,而 《Spotify》最吸引人既地方就係提供左免費版,唔駛科金都用到,但係代價就係要睇返 app 內既廣告,如果選擇成為付費用戶,咁就無煩惱了。

Spotify
下載:Google Play Store / 免費 或 付費訂閱

《Plex》 係一款支援桌面與行動平台既 app,如果應用係 Android TV 可以成為影音娛樂中樞,用法就好似 Dropbox 咁,你可以直接係電視上管理、串流和播放影音,仲可以利用 Plex Media Server 自建影音資料庫,而 Plex News 則能看觀看多元的新聞串流。

Plex
下載:Google Play Store / 免費

手機版的《ES Explorer》是全球最受歡迎的其中一款 App,應用於檔案管理方面,而電視版的《ES Explorer》都係提供同樣既服務,支援照片、音樂、電影、文件及程式管理,放便你管理及讀取存放於裝置記憶體、microSD、區域網路或雲端上的檔案,仲可以複製、移動、更改檔名、刪除或分享。

ES Explorer
下載: Google Play Store/ 免費

Android TV 就係 Google 自家推出,當然兼容 Android 系統既平板同電話,但係 Apple 和 iOS 平台用家都唔駛灰晒,因為你可以用 《AirScreen》 依個 app,程式支援 AirPlay 無線連接,咁就可以係電視上瀏覽 iPhone 或 iPad 的內容。

AirScreen
下載:Google Play Storer / 免費

大家睇片多數都會用 《Youtube》,不過其實你仲可以選擇 《Dailymotion》,依款程式都係影音分享平台,雖然無 《Youtube》咁豐富,不過又可以搵到其他平台無既內容,而最重要就係免費版,任睇唔嬲。係手機睇到有正片,直接係手機右上角按分享制,就可以轉去電視上睇,夠哂方便。

DailyMotion
下載:Google Play Store / 免費

《Facebook》都唔駛介紹太多,大家都知道係一個知名既全球熱門社交平台,依架除左係電腦、電話、平板上到 Facebook 之外,仲可以係電視上面用到程式。係手機睇到有正片,直接係手機右上角按分享制,就可以轉去電視上睇,夠哂方便。

Facebook
下載:Google Play Store / 免費

《YouTube》都唔駛介紹太多,大家都知道,而且更重要係無論你係 Android TV、Google TV 還是機頂盒都會內置,無需下載。

YouTube
下載:Google Play Store / 免費

此文章發佈於 TechRitual 香港