CMF —— Nothing 旗下主打設計與抵玩嘅副線品牌 —— 今日(2026 年 8 月 18 日)喺香港發表旗下首款開放式耳機 CMF Clip Pro。呢款夾耳式(clip)開放耳機主打符合人體工學嘅 3 點式耳夾設計、沉浸式 Hi-Res 高解析音訊、標誌性嘅 Smart Dial 智慧旋鈕、VPU 驅動嘅清晰通話技術,以及連充電盒高達 32.5 小時嘅電池續航。香港建議零售價為港幣 649 元,即日 8 月 18 日起發售。
專為無感佩戴而生
Clip Pro 嘅每一個細節都圍繞長效舒適度打造。全新 3 點式耳夾設計採用精心調校嘅三點支撐系統,將壓力自然分散喺耳部,避免集中喺單一區域;無論工作、通勤、運動定日常切換場景,都提供穩固而持續舒適嘅佩戴體驗。極細嘅 C 型橋接結構內建彈性鈦合金絲芯,可輕鬆彎曲以適應各種耳型;輕巧嘅聆聽球體經優化設計,能自然貼合耳朵、減少接觸面積,同時將聲音更高效導向耳道。單耳僅重 5.9 克,帶嚟幾乎無感嘅存在體驗。
不作妥協的開放式聆聽
Clip Pro 核心搭載 10.8mm 雙磁鐵動圈單元,經客製化調校,能呈現飽滿嘅音質、強勁嘅低音同清脆嘅高音。為咗補償開放式產品常見嘅低音流失,CMF 開發咗 Ultra Bass 低音增強技術,智慧強化低頻同時減少高音失真。Clip Pro 亦獲得 Hi-Res Audio 高解析音訊認證,並支援 LDAC、AAC 及 SBC 音訊編碼,可為相容裝置提供更高品質嘅無線串流。
更智慧的通話體驗
Clip Pro 結合旗艦級 VPU 驅動嘅 Clear Voice Technology 清晰通話技術與 4 個高清麥克風系統,能即時將使用者嘅聲音與周圍噪音分離,官方指喺擁擠嘅街頭、繁忙嘅咖啡館、辦公室以至強風吹襲嘅戶外環境都能保持對話清晰。針對注重私隱嘅使用者,防漏音系統(Sound seal system)透過智慧調節中高頻率減少聲音外洩,令身旁嘅人唔易聽見通話與音樂內容;使用者亦可透過 Nothing X 應用程式,針對「僅通話」或「通話與音訊播放」自訂此功能。
內外兼備的巧思設計
Clip Pro 延續咗 CMF 對實用設計嘅專注,將招牌嘅 Smart Dial 智慧旋鈕直接整合至充電盒上;觸感獨特嘅旋轉控制讓使用者無需解鎖手機,即可調節音量、管理播放、接聽電話及配對裝置,令日常操作更迅速且直覺。每隻耳機亦配備反應靈敏嘅實體按鈕,確保即使運動或戴住手套時亦能可靠操作。Clip Pro 提供深灰(Dark Grey)、淺灰(Light Grey)及珊瑚橙(Coral)三種配色。
專為日常生活打造
為配合忙碌嘅日常節奏,Clip Pro 單次充電可提供高達 10 小時嘅連續播放時間,搭配充電盒總續航時間更達 32.5 小時;當時間緊迫時,只需快速充電 10 分鐘,即可獲得長達 4 小時嘅聆聽時間。其他功能仲包括藍牙 5.4、支援流暢切換嘅雙裝置連接、遊戲低延遲模式、Google Fast Pair、Microsoft Swift Pair,以及耳機具備 IP54 防塵防水等級。此外,透過 Nothing X 應用程式仲能進行深度自訂,使用者可微調控制設定、調整防漏音系統、更新韌體或尋找遺失嘅耳機。
顏色、售價及供應
CMF Clip Pro 提供深灰、淺灰及珊瑚橙三色,香港建議零售價港幣 649 元,由總代理 Synergy Technologies (Asia) Ltd 引入。即日 8 月 18 日起,可於 1O1O、csl、豐澤 Fortress、指定零售商及澳門電訊購買。
關於 CMF
CMF 係一家致力於讓優秀設計更觸手可及嘅消費性科技品牌,總部位於印度,具備涵蓋設計、研發、製造與行銷嘅全方位能力。自 2023 年創立以嚟,CMF 憑藉提供深具意義嘅創新與核心功能,迅速擴充至各大國際主要市場;旗下產品曾榮獲包括 iF 設計獎及紅點設計獎在內嘅多項國際殊榮,已於全球 60 多個國家售出數百萬台。
