【村屋上網 2019】4G SIM 卡揀 HKBN 搭 NETGEAR 4G 路由器真無限評測


屋企無寛頻,硬食 netvigator 8M 上網 HK$298?其實仲有得揀嘅,2019 年電訊商都做野要食呢條水,個個都搞無限上網,邊哂硬食 8M $298 咁慘呀,上網睇片又慢,睇波又唔掂,轉用 SIM 卡上網一勞永逸,唔駛再受氣。

市場上依家主流嘅平價無限上網有兩間,分別是 HKBN 及 CMHK。今次我地就用 HKBN 嘅計畫來示範點樣解決呢個 8M 上網呢個問題。

HKBN:
月費 HK$190,20GB 數據 + FUP 無限數據(調優先次序不降速)

CMHK:
月費 HK$188,20GB 數據 + 無限數據(調優先次序不降速)

HKBN 月費 $190 無限數據

我們選擇用的 HKBN $190「全速高量:送大灣區數據」計畫,基本係 4.5G 速度,20GB 數據再加 FUP 無限數據,再包 2GB 大陸及澳門數據,無限語音分鐘,簽約 24 個月。

FUP 無限數據也都有公平使用政策,但做法唔係以前好惡劣咁直降速度,係改優先次序,即係附近無人用嘅話,你一樣係咁快,實際上係唔駛驚,除非你附近個個都用 HKBN,又個個真無限咁狂 BT,否則擔心來都多餘。


HKBN 有寫公平政策,但係係優先次序唔係降速

 

點解唔揀 CMHK?

原因其實好簡單,雖然 CMHK 平兩蚊,但佢 20GB 後無限數據有一個條款好重要就係「流動數據體驗或會受到影響。不適用於網絡分享(tethering)及點對點(P2P)功能(包括Bit-Torrent等)。」

雖然依家各用家回報 CMHK 實際上係 20GB 後都可以 tethering,也都無限制,但 CMHK 寫左出來都係咪博,以免到時有咩事人地真係 Block 你 tethering 就喊都無謂,安全計都係揀 HKBN。


CMHK 寫左話 20GB 後唔俾分享,但實際用落又得。

4G 路由器揀呢部 NETGEAR M1

用 4G 上網好多人都話求其買隻 WiFi 蛋就得,但其實係屋企用唔同去旅行,普通嘅 4G 蛋唔可以長期充電,插住電池來充會過熱自動熄機,拿起舊電直接用 AC 供電也唔得,得呢部 NETGEAR M1 可以抽起粒電池來用 AC 俾電。

另一個重要嘅原因係佢係難得地係 4G 路由器入面有 LAN 輸出嘅款式,需知道屋企雖然用 WiFI 多,但係有啲野係必須用 LAN 的,好似 NAS、Philips Hue 嘅 Hub 等等,無左條 LAN 線其實唔多掂,所以長遠計都係要揀呢個 NETGEAR M1 先得。


左至右分別係 USB,USB-C 充電及 LAN 插頭

上網買賺到盡

NETGEAR M1 本身售價 $2980,Online 旗艦店依家賣平五舊做緊 $2490,包上門送貨,也都可以俾信用卡(唔駛俾手續費)。以依家最優惠嘅 1% Cash 回贈計,$2490 即係回 $24,如果儲裡數就睇你係 $1 一里定 $4 一里了。

上網買免運費

設定

打開同一般嘅 4G Router 都差唔多,充電線及英式插頭。

需要留意係 M1 本身係插 micro SIM,唔係 nano SIM,所以唔好開到最細。放入 SIM 卡後,屏幕上會顯示一個預設的 Wi-Fi SSID 訊號名字與密碼,用手機或電腦登入後便可以連接上網。

機身電池本身係 5040mAh。如果你係屋企用嘅,有兩個方法,一係照插住條 USB-C 線也都插電,第二係擺起粒電再駁 USB-C。

左邊 USB 插頭則可以連接硬碟或 USB,搭配手機 Apps 進行檔案分享,例如插入一個硬碟來做網絡儲存。中間係 USB-C 充電,右邊係 LAN 輸出。

第一次開機插左線佢要求更新 Firmware。

更新後已經用得,屏幕會顯示用量,也都會每月識得 reset 個日子重新計算,所以幾時用到 20GB 就可以直接睇。不過其實睇來無咩用,反正日日要用都係用,所以大家可以入去 Setting > Advanced Settings > Device 㨂番 Screen Timeout 時間,最短 30秒 或者唔關屏幕,睇你需要。

快 8Mbps 幾倍

最後跟大家分享速度測試,下載分別達到 34.3Mbps 至 56.9Mbps 不等,而上載則有 17.6Mbps 至 34.5Mbps 左右,要比以前的 8Mbps 線好太多。

在實際使用上,測試後期其實 20GB 用量早就超過了,但即使來到月底還是很暢順的上下載,開 FTP、看 YouTube,睇英超,聽 Spotify 都沒有任何限速的情況。

NETGEAR M1 路由器:https://netgear.anlander.com/
HKBN:https://www.hkbn.net/
CMHK:https://www.hk.chinamobile.com/

 

最新消息

華為 Mate 30 / 30 Pro 正式發表

傳聞已久的 HUAWEI 旗艦 Mate 30 系列正式於德國慕尼黑正式亮相,新一代Mate 30 系列搭載雙4000萬像鏡頭﹑採用瀑布屏﹑配備Kirin 990 處理器及支援全頻5G等,成為2019年最強旗艦手機之一!

華為能賣 5G,但不賣處理器與晶片

為經過多年努力研發的成果,並非單看智能電話的銷量就能夠得知,最近華為副董事長胡厚昆在一次大會上展示出華為所推出的全系列處理器,麒麟系列當然少不了

華為 Mate 30 三鏡、Mate 30 Pro 四鏡,主打 4000像素再加 4000像素

華為 Mate 30 系列主要係兩部手機,一部係三鏡頭嘅 Mate 30,另一部係四鏡頭嘅 Mate 30 Pro。

流行

教學文:如何把 Arlo Pro 2 / Pro 鏡頭系列添加至 Apple HomeKit

早前,我們率先為大家報導 Arlo Pro 2 / Pro 鏡頭系列新添支援 Apple HomeKit 智能家居的功能,而今次我們特別進行一次連接教學,讓有意以 Apple 為中心建立智能家居家的朋友,也可以自己動手把 Arlo 的無線網絡鏡頭加入至 HomeKit 的程式,日後透過 Siri 來進行操作。

善用 IFTTT,5 個小秘訣比老闆快一步

每天的工作是否都要處理一些機械式的重複流程?或者需要記住許多瑣碎雜務,讓工作時間變得碎片化難以有效率地運用?這些困擾都能在自動化平台服務 IFTTT 的輔助之下為大家分憂解勞。

犀牛盾 iPhone 11 版本 MOD NX 兩用防跌手機殼開箱評測

iPhone 11 雖然未出貨,但相關嘅手機殼已經來到編輯室。早前已經同大家講過呢款 Rhino Shield 犀牛盾嘅三米防跌手機殼正在預購,依家就同大家睇下今次 iPhone 11 版本的 MOD NX 兩用殼設計如何。