【專家點睇】Ah Kwan:「Samsung Z Flip 好睇是好睇,設計都相當特別…」

Samsung Galaxy Z Flip 香港正式推出,到底呢部上下對摺,採用 6.7吋 Infinity Flex AMOLED 屏幕,超薄玻璃,手機外面有一個 1.1吋的 AMOLED 屏幕,升級鉸鏈的手機有無吸力呢?

我地搵來 ePrice HK主編 Ah Kwan 同大家分享下專家意見:

「其實 Samsung Galaxy Z Flip 未發表,淨係看 Galaxy Z Flip 的傳聞相片,我已經對它感到很有興趣,而後來在香港發表,終於上手試玩過這部 Galaxy Z Flip,真心一句:我十分喜歡!由我第一眼看到它,就深深愛上它!

然而,我想說的「喜歡」,主要在於它的外型,摺埋之後細細部,小巧玲瓏,放入褲袋都好方便;另外一點,就是 Galaxy Z Flip 可以調校不同的角度,對於平時喜歡自拍,或者 YouTuber 拍下片,都相當好用!基本上有張枱,連腳架都可以慳返。

不過,講完我鍾意 Galaxy Z Flip 的地方,都要說一句真心話:好睇是好睇,設計都相當特別,但實用性相比 Galaxy Fold 低。Galaxy Fold 至少可以手機變平板,變細屏幕又得,變大屏幕都得,但 Galaxy Z Flip 除了細,就是更細。另外,機背的副屏幕設計,概念雖然是好,但可以做到的功能有限,雖說這塊小屏幕也可以做到自拍,但實情你會否用它來拍攝?相信好少情況下會這樣做。

最後,公道點說,雖然好多人覺得 $11998 這個價錢很貴,但我反而覺得今次算是很抵玩,iPhone 過萬蚊都是一式一樣的外觀,但 Galaxy Z Flip 差不多價錢,但拎出街給人一種與眾不同的感覺,我覺得光是這點,都值回票價。當然,如果真的嫌貴,或者可以等下細舖會否減到 $10000 樓下,到時再考慮入手也未嘗不可。」

此文章發佈於 TechRitual 香港