D-Biz（遙距營商計劃）好多人都想申請，但由於今次計劃同抗疫有關，所以你見到唔少細節同 COVID-19 一樣唔清唔楚，而最新 HKPC 終於都有更多細節出爐，等你可以清清楚楚點申請，而今日就同大家分享 4 大細節位，等你可以係申請前做好準備，贏在射精前，到申請日 5 月 18 日即刻可以交表，搶先一步。
一：申請過科技劵不可再申請
申請資格相信大家都知，上市公司、法定機構、公帑資助的非政府機構都唔可以申請。申請必須要 2020 年 1 月 1 日前開業，而更重要的是原來你以前有申請過科技劵的話，就無辦法再申請今次的 D-Biz，呢點一定要特別留意。
二：申請用途限制好細
HKPC 係有一個列表寫清楚 D-Biz 到底有咩申請得，有咩唔申請得，成件事好簡單好清晰，以下俾大家睇下：
- 網上營商
- 網上接單和送遞、智能自助服務系統
- 網上客戶服務和推廣
- 客戶數碼體驗升級
- 數碼支付 / 流動裝置零售管理系統
- 線上 / 雲端財務管理系統
- 線上 / 雲端人力資源管理系統
- 遙距文件管理、雲端儲存及遠端存取服務
- 網上會議工具
- 虛擬團隊管理和溝通
- 網絡安全方案
- 其他線上／度身訂造／ 雲端業務支援系統
更多詳情：【D-Biz 懶人包】一文睇清「遙距營商計劃」：申請方法 / 服務 / 供應商 / 問題解答
三：申請可以用途不可以包括製作內容
雖然申請用途限制好細，但有一個好重要的規定，就係各項內容入面，無論係做營銷，還是任何類型的推廣，都「不包括宣傳物品、內容或資產（例如市場推廣所用的影像、文字和影片）的製作」，即係話你知宣傳嘅時候，如果你係用來做一啲 Material，好似影相、圖片、宣傳品等等嘅成本係唔可以加入去，即 D-Biz 唔會資助呢樣野。所以係寫計劃書時要留意呢個位置，絕對唔可以寫錯。
四：拿足 30萬要有 3 個 Project
只要是有助於遙距營商的科技應用，政府都會全額資助其購買和採用科技方案，包括與採用該科技方案相關的培訓開支 (上限為該科技方案的 10%)，每個方案連同培訓開支的資助最多為 10 萬元，而每間公司可獲得的資助總額上限最多為 30 萬元，即最多可以有三個科技方案獲批資助。
具體有咩項目可以申請？
上面都講過，可以獲得資助的範圍好多，而詳情好多都未公佈，但以我地搵到其中一間獲認證的供應商 RADICA 為例，佢地已經有明確的方案可以選擇，可以一窺 D-Biz 具體可以資助到啲咩！睇番佢地登記網站介紹，項目分別有四個：「網上商店系統」、「E-Marketing 跨渠道數碼營銷系統」、「5G 遠程視像零售解決方案」及「AI 智能廣告推廣」。
「網上商店系統」係指可以係 14 日內起網店同做 SEO，有埋 Payment 支付、送貨物流配套、內容營鎖、網店建議咁。如果本身無做網店，想開始做網店嘅似乎係揀呢啲。
「E-Marketing 跨渠道數碼營銷系統」指 EDM、SMS、WhatsApp Business Marketing，登記表格設計、Customer Journey 等等，聽落似乎係一啲唔用 Google Ads 或 Facebook Ads / IG Ads 嘅宣傳方法，平時無用過嘅或者試下咩來？SMS 個度聽落似平時啲大化妝品公司 Send SMS 送 Sample 引啲人落舖頭，或者係 WhatsApp Business 幫手做 CS 答啲人問題，Set Up ChatBot 咁樣。
「5G 遠程視像零售解決方案」呢個話遠程視訊產品交易與查詢，線上線下客戶互動數據，一時間唔係好理解到係咩野，但似乎係有呢輪潮興嘅 Online 2 Offline / Offline 2 Online 咁嘅野來。
「AI 智能廣告推廣」指用程式廣告推廣，訪問超過 100億個廣告倍，似乎係用來落 Google / Facebook / Display Ads 等嘅廣告。聽落如果平時有上網做生意，做推廣嘅話，用呢個可以加大個本錢去爭贏對手咁。
以上都係小編係到大概估估下，具體係咩大家都係問番間公司（https://www.radicasys.com/dbiz-fund-anti-epidemic-fund-2020-hong-kong）以上都係同大家思考下可以用呢筆 D-Biz 錢做啲咩來幫自己推廣生意。
