龍運巴士行出第一步:信用卡、手機 Pay、QR Code 可以比車費

去外國旅行,大家應該會發現唔少都已經開始支援使用信用卡付款,由 VISA,MasterCard,到 Apple Pay 及 Google Pay 都可以,而香港也都正式進入呢個新紀元。

龍運巴士由即日起至援 VISA、MasterCard、Apply Pay、Google Pay、Samsung Pay,就連偏門少少嘅 Alipay HK、雲閃付 QR Code 都支援啦!大家搭巴士入機場可以用呢個全新方法!使用上大家可以睇到下圖一啲都唔複雜,只要拿卡出來,然後好似平時係 7-11 咁拍卡,或者將 QR Code 對準就得啦!

如果你係可以享受半價優惠的話,你就要自己按一按右上角個半價制,等個金額自動減一半,然後就可以享受半價優惠。使用上一啲都唔複雜,十分簡單。


今次龍運巴士呢著真係有優勢,因為佢快過哂地鐵,快過哂其他交通機構提供真正嘅新電子支付服務,而且仲要同一時間支援大部份信用卡、手機支付及 QR Code 支付,真係想俾錢總有一個方法啱你用。

此文章發佈於 TechRitual 香港