【AE 卡】POLO RALPH LAUREN 至 13/Nov 簽 $3,000 回贈 $150

由即日起至2019年11月13日,憑已登記之美國運通卡於RALPH LAUREN或POLO RALPH LAUREN門市每單一簽賬淨額滿HK$3,000或以上,可享HK$150簽賬回贈。推廣期內, 每張登記卡可享最多兩次回贈(即總共HK$300簽賬回贈)。 這篇文章 【AE 卡】POLO RALPH LAUREN 至 13/Nov 簽 $3,000 回贈 $150 最早出現於 POINTS852. ...

【詳解】VPN 是什麼?選擇、推薦及「免費」服務介紹 2020

我們為何廣告「這麼多」

點進 techritual.com,你或許留意到一件事 -「我們很多廣告」。你或許覺得這些廣告煩厭,認為影響觀看體驗,但「對不起」!為了能夠繼續營運,繼續為大家帶來最持平,真心的評測,只好把廣告盡可能的填滿。

感謝讀者支持,2020年再創高峰達 250萬

TechRitual 自去年擴充經營,報導內容質素愈見優良,讀者人數持續上升。繼去年突破每月 100萬 PageView 後,2020 年 2 月再創新高峰,突破每月 250萬 PageView,達到 2,598,777,感謝一眾讀者支持。未來定必繼續努力,為讀者帶來更多優質內容。

請你由即日起,使用 VPN 上網,保障自己數據,安全上網。

平時上網

首先,你平時上網嘅時候,最基本嘅上網路線係咁!由你嘅電腦 / 電話,發送訊息俾電訊商(ISP),然後發送訊息去目的地(例如 Facebook、討論區),再回傳番去你嘅電腦 / 電話。最簡單可以望以下呢幅圖,好簡單就睇明。

一個想偷睇你上網紀錄嘅人士,佢係可以截取你 ISP 至 討論區之間的資料。因為一般上網時訊息都不會加密,就等如你裸體揸車一樣,有心要睇你嘅人,只要一望入架車到就睇到你。除左偷窺,如果有法庭嘅許可,任何人士都可以向 ISP 要求獲取你上網嘅資料,所以用 VPN 係其中一步保護自己的方法。

VPN

VPN 嘅原理好簡單,就係當你上網時,將你的網絡線路改變,從你的電腦 / 電話前往網站那一段之間,加一個 VPN(即所謂的代理伺服器),然後將你的訊息在電腦 / 電話 <> VPN 那段加密(著番件衫),保護訊息不會被輕易查看。然後由 VPN 代表你前往網站伺服器,再回傳給你的電腦 / 電話。

VPN 的工作原理主要是為了解決遠距離取用電腦時的保安需求,特別是公司等等。在理論上,電訊商 ISP 只係知道你去 VPN 伺服器,而不知道你去左邊個網站或者討論區。要理解也都好簡單,只要望下面呢張圖就得,十分簡單清楚。

千萬不要用「免費 VPN」

要選擇 VPN 有一個好重要嘅原素,就係千萬不要使用免費 VPN。因為你每次使用 VPN,你嘅資料都會經過 VPN 嘅 Server,如果你揀錯 VPN 的話,將自己資料送俾人,仲危險過唔用。(將錢放係一間唔安全嘅銀行或錢莊,仲危險過放係床下底,明白嗎?)


全世界大部份提供「免費 VPN」的公司,無論佢嘅所在地係邊,大部份都被中國資金收購左,而呢個情況係 VPN 界也有共識,認為係一個不尋常的活動,所以大家千萬不要使用「免費 VPN」服務。就算你使用的不是中國資金「免費 VPN」公司,但一家需要營利的公司為何會僅推出「免費」的服務呢?這本身就很值得人懷疑了。

千萬不要使用「大學 VPN」

- Advertisement -

除左不要使用免費 VPN,也不要使用「學校 VPN」,因為大學或任何公營機構的 VPN 均需要實名登入,而登入後經這些 VPN 雖然能夠被終端隱藏 IP Address,但由於你使用的 VPN Server 是學校的,即你的所有加密數據都會有一個 Copy 係大學,即你自己送資料俾大學。

大學作為一個由政府資助,由特首做校監的機構。若有法庭要求,可以將有關數據交予任何人,有關伺服器也相對容易被有心人士於實體伺服器中心攻破控制,如同任其觀看,在實際情況上毫不安全。


VPN 與 Shadowsocks 及 v2ray 的差別

在使用 VPN 的時候,你需要了解一個重要概念,即網絡的傳送方式,也同時說明什麼是 VPN、什麼是 Shadowsock 及 v2ray。先說明下圖,下圖是來自 YouTube 电丸科技AK,它有簡單說明到底一個網絡訊息會通過多少層轉換傳送出去。

由上而下,打開瀏覽器 Chrome 就是在最高一層,然後不斷往下,直到物理層,抵達目標伺服器,然後再原路返回到應用層 Chrome 顯示給你看。我們日常在使用的 Chrome, Email, OS 都是 Application,即應用層。至於 VPN 協議(PPTP、L2TP、OPENVPN)則在 Data Link 數據鏈路層,至一些較新的方式如 Shadowsocks、v2ray 則在 Session 會話層。即如果你傳送的資料低於 Session 這一路,那使用 Shadowsoscks、v2ray 等都有一定風險。

所以要整個電腦/手機在使用上都加密保護,簡單來說用 VPN 會是最簡單的,但也有一定的限制及風險,但詳細就不多說。想更深入了解可以去看 YouTube 电丸科技AK,算是深入得來又淺白易懂的了。


6 個較可靠的 VPN 介紹

那麼要用 VPN,這裡給大家幾個輕易也簡單的選擇,以下提供五個最無痛嘅選擇:

A. Cloudflare 推出的 WARP(Android / iOS App 都有)

由 Cloudflare 推出的 VPN 服務本身有快啲嘅收費版本「WARP+」,有加密,但沒有完全隱身功能(即更換你的 IP Address ),適合普通上網俾錢或入信用卡資料時保障自己,每月港幣 $39。如果唔想俾錢,可以用住 FREE 版本先,下載連結:https://lihi1.me/K9msF

優點:全球大型 DNS 公司,可信,簡單、免費、加密
缺點:免費版速度慢、不隱藏 IP Address,不是真正 VPN

使用教學:Cloudflare 的類 VPN 服務,可靠免費外仲有 iPhone / Android App

B. Outline VPN(Android / iOS App 都有)

Outline VPN 分兩部份,一是連線用,二是驗證用,好處途經伺服器完全靠個人選擇,屬於完全自行架設的虛擬私人網路服務,不經商業 VPN 公司,所以有一定保障。壞處是需要在使用 outline VPN 外,需要配合 DigitalOcean、Google Cloud 或 Amazon Cloud 等使用。它的收費也不貴,以 DigitalOcean 為例,US$5 就有 1TB 流量,足夠使用,2TB DigitalOcean 登記連結:https://m.do.co/c/d1d2bfcc6d6b / Outline 連結:https://getoutline.org/ 使用教學:https://www.techritual.com/2020/05/22/222560/

優點:速度快、需要付款、自行架設
缺點:屬於 Shadowsocks 代理,不是真正 VPN

Outline VPN 使用教學:【教學】Outline VPN 自設伺服器,US$5 1TB 夠哂安全

C. ProtonVPN(Android / iOS App 都有)

瑞士公司推出的 VPN 服務,隱身功能,加密等 VPN 常設功能,也有免費版本,賣點的雙 VPN Server 服務僅付款版才有,建議採用。Proton 同時提供加密電郵服務,建議同時選購,把 Email 全線加密,保障安全。一年收費 $750。(https://protonvpn.com/

優點:免費版速度也不太慢,需要付款,真正意義上的 VPN,付款版才有高級功能
缺點:付款版超加密版速度慢

D. Norton VPN(Android / iOS App 都有)

美國公司推出的 VPN 服務,隱身功能,加密等 VPN 常設功能,無免費版本,賣點係全球知名大公司,但香港有公司登記,有咩事頂唔頂到呢?自己思考。一年收費 $218。

優惠:付款版、懶人合用
缺點:安全度不算高,香港公司

E. Express VPN

屬於香港公司,適合於中國大陸翻牆,但傳聞資金背景較紅,無免費版,大量 VPN 伺服器作為代理。翻牆被封機率較低。

優點:中國翻牆適用
缺點:香港公司,受香港法例限制

F. Nord VPN

被稱為最安全的 VPN,位處不受中國或美國法例限制的地區,真正意義上的 VPN,對很多人來說是一個好選擇。缺點是曾爆出系統漏洞,洩漏資料。(http://nordvpn.com/zh-tw/)

優點:速度快、加密隱身性能高
缺點:用戶數量突然爆增,愈多人用的危險度也高

懶得來又想免費的 Tor Project

基本上,Tor Project / Tor Browser 算係一個「免費 VPN」服務,但佢因為知名及使用多個 VPN Server,所以你真係無錢俾 VPN 上網,用佢都不失為一個方法。

Tor 嘅原理基本上係咁,你上網會由 ISP 去 VPN 1 再去 VPN 2 再去 VPN 3 然後先去到網站,而由於經得愈多中途站就愈難搵返原點,所以理論上都相對「完全免費 VPN 」安全,也提供了隱身再隱身的能力,下載連結:https://www.torproject.org/

根據斯諾登提供嘅資料,美國軍方可以用電腦硬解部份 Tor Project 嘅加密數據,至於其他非美國軍方的機應該未有咁強嘅能力,但當然部份嘅 Tor Project 接點可能身處 CN HK MO KP IR SY PK CU VN 呢啲地方,所以係使用上也都要設定避開呢到地址嘅 Tor Project Server(教學看此

Tor Browser

Tor Browser 係一個再簡化一層嘅版本,即你只要用瀏覽器就可以享受 Tor 嘅服務,對於懶中之懶來講係最簡單的方法,無論係電腦、Android、iOS 都有得用,記得下載:https://www.torproject.org/download/

延伸閱讀:
【一圖看懂】中國是如何封鎖 VPN!


你也許會有興趣:

空氣質素欠佳,有催淚彈的 CS,衍生的二噁英、胡椒球引起的空氣污染,加上近來的武漢肺炎,不少朋友,特別是家中有小孩、老人或敏感患者,都會選擇空氣清新機來過濾,改善空氣質素。市場上有眾多空氣清新機,我們又應該如何選擇呢?今天我們跟大家來一個詳細說明,向你推介實用,話你知到底邊隻好。

Android 手機有 NFC 好多年,無論係早期嘅 HTC,定後來嘅 Samsung、SONY 都曾經想將佢發揚光大,但一直到 Apple iPhone 有 NFC,及至後來嘅 Samsung Pay 與 Apple Pay 八達通先至真正有使用場景,咁到底咩係 NFC 呢?同我地身份證用嘅 RFID 又有咩分別呢?今日同你慢慢解釋吓。 

成日聽人講 5G 5G 5G,唔知嘅人會聽到一頭霧水,唔想同個世界脫節,大家就要用少少時間,了解一下乜野係 5G!

Qualcomm 推出 Snapdragon 7 系列全新 5G 行動平台

美國高通公司(NASDAQ: QCOM)旗下子公司高通技術公司宣布推出 7 系列最新 5G 行動平台,高通 Snapdragon 750G 5G 行動平台能實現真正的全球 5G 和出色的 HDR 電競體驗,以及令人讚嘆的終端側人工智慧。目前基於 Snapdragon 7 系列行動平台已宣布或開發中的設計已超過 275 款,其中包含 140 款 5G 設計。

Samsung 推出專攻 mmWave 28GHz Link Cell

Samsung 推出一款全新的 5G 小型基站,以解決 5G 裡的 mmWave 問題,並已經在 Verizon 的網絡中使用,並將其稱為 Link Cell(28GHz)。

SmarTone 宣佈 5G 擴展香港 7 條地鐵線,話你知點解佢快啲

與以往香港 4 大主要電訊商會同日出稿表示自己在港鐵提供新服務不同(因為過去都係用同一條線,所以一齊公佈),今日 SmarTone 自己先行公佈佢地已經將 5G 擴展至香港 7 條地鐵線。雖然叫就叫覆蓋香港 7 條地鐵線,但其實唔係站站有及線線有,而係得部份站有,但都叫有,好過無。

【詳解】什麼是 5G?香港網絡、制式、月費與結界問題

成日聽人講 5G 5G 5G,唔知嘅人會聽到一頭霧水,唔想同個世界脫節,大家就要用少少時間,了解一下乜野係 5G!