【AE 卡】至 30/June 於 Serge Lutens 到店進行香氛及彩妝體驗之旅,完成獲贈香氛體驗套裝

由 17/May-2021 至 30/June-2021,美國運通 Platinum Card 白金卡、美國運通 Platinum 白金信用卡 或 美國運通 Platinum 白金信用卡於 Serge Lutens 到店進行香氛及彩妝體驗之旅,完成獲贈香氛體驗套裝。適用地點包括指定 Serge Lutens 香港專門店,及可以優惠價 HK$2,330 選購「Beauty avant-garde」珍藏套裝。 這篇文章 【AE...

【開箱評測】Google Pixel 5 手機:寧願要番單鏡頭

Google 自從推出 Pixel 系列以來,都是希望利用軟件的實力,從而令硬件性能發揮到極致。今次推出的 Google Pixel 5G,用上 Snapdragon 765G CPU,就當自己是旗艦手機,睇下今次真心評測,就知道 Google 係咪咁堅。

Google Pixel 5 硬件規格

螢幕尺寸:6.0″ 吋 OLED (2340×1080)
螢幕比例 19.5:9
機身體積:144.7 x 70.4 x 8.0 mm
重量:151g
處理器:Snapdragon 765G
儲存空間:8GB RAM (LPDDR4x RAM) + 128GB ROM
主相機:1220 萬像素 Dual-Pixel 技術 f/1.7 光圈鏡頭 + 1600 萬像素 f/2.2 光圈鏡頭 107 度超廣角鏡頭
前置相機:800 萬像素 f/2.0 光圈鏡頭
電池容量:4000 mAh
防水:有 IP68
無線充電:有
5G:有
NFC:有
其他:指紋解鎖、IP68 防水、nano SIM + eSIM、支援 5G、18W 快速充電功能、90Hz 螢幕刷新率

最靚的 Pixel 手機

Google Pixel 手機之中,Pixel 5 絕對是最靚的一部。6 吋 OLED 螢幕,螢佔比高,機身無好花巧的修飾,只是開關用左銀色去襯托,亦都方便用家辨別。帶磨沙質感的綠色鋁金屬機背,個人聯想到近年興起放在浴室放冼腳的硅藻土,其實拎起部機,質感都有點似,令到部機簡約之餘,都有番啲特色。

6 吋 OLED 螢幕,螢佔比高

設 800 萬像素前置相機


5G 專題 | 由致力推動 5G 發展的中國移動香港贊助



開關用左銀色去襯托

USB-C 充電

帶磨沙質感的綠色鋁金屬機背,質感有點像硅藻土

機背設指紋識別器


鏡頭接近無凸出機背

運行原生 Android 11

運行清水一樣原生 Android 11 的 Google Pixel 5,操作方面無乜特色功能,不少 Android 機有的應用雙開及遊戲模式等,都唔會在原生 Android 11 系統出現。不過可以省電的深色模式,將螢屏設定為 90Hz,或者全新在螢屏底部兩側啟動 Google Assistant 的操作方式,就可以在 Google Pixel 5 率先玩到。

運行 Android 11


省電的深色模式

將螢屏設定為 90Hz

螢屏底部兩側可啟動 Google Assistant

僅支援單 nano SIM 咭,跑分成績預期之內

雖然 Google Pixel 5 定位是旗艦機,但規格只係配備 Snapdragon 765G CPU、8GB LPDDR4x RAM 及 128GB ROM,單從 Antutu 跑分得 289,516 分,就見到它只有中階 Android 機的效能。而且機身只可以安裝一張 nano SIM 咭,香港能唔能夠用到配合到電訊商的 eSIM 功能,暫時都是未知之數。

Antutu 跑分得 289,516 分

只可安裝一張 nano SIM

支援 eSIM

AI 拍攝輔助及提示功能都算好用

Google Pixel 5 採用全新雙鏡頭主相機,由 1220 萬像素 Dual-Pixel 技術 f/1.7 光圈鏡頭 + 1600 萬像素 f/2.2 光圈鏡頭 107 度超廣角鏡頭組合而成,首先要讚下佢個 AI 拍攝輔助及提示功能,例如偵察到你拍風景,會啟動水平尺,如果太近拍攝,超過左最近對焦距離,又會提示你行番遠少少影。

點選對焦點時,對焦點會自動變成追焦功能,可以減低失焦的機會。不過,操作介面有一個地方做得唔好,就係唔可以好輕易咁切換鏡頭,而係用家要由 X0.6-X7 自行去調整。

例如偵察到你拍風景,會啟動水平尺

太近拍攝,超過左最近對焦距離,又會提示你行番遠少少影

超廣角鏡效果令人失望

作為一部旗艦機,超廣角鏡頭竟然無自動對焦,已經令人失望,而且只有前面清後面朦,拍攝效果認真唔合格,寧願用番一個鏡頭,賣平番幾百蚊會仲好。

廣角鏡雜訊對比其他旗艦機較多

廣角鏡日光拍攝都唔難影到靚相,用最遠 7 倍數碼變焦,影像都已經幾鬆散下。用手持夜景模式試拍,即使很暗已關門的店舖,亦都好似開了燈,衣服色彩得以重現,但 ISO 764 雜訊比較多,有機會是由於 Snapdragon 765G 內的圖像處理器,表現不及旗艦 CPU 引致。

總結:還有 Google Pixel 5 XL 嗎?

以 Google 的軟件技術,今次 Pixel 5 表現個人認為並不合格,部機除左靚同運行原行 Android 系統安全性比較高之外,就搵唔到其他賣點,特別係鏡頭部份曾經令人帶來期望,但最終只能夠失望而回。Pixel 手機始終還是以算法取勝,算法再強,但始終無法掩蓋硬體方面的弱點。

希望 Google 今年推出 Google Pixel 5 XL,能夠真正用旗艦機規格,做番出好戲俾用家睇。如果你買 Pixel 5 係想升級個鏡頭的話,或者可以慳番啲錢。

Google Pixel 5 水貨價 HK$6,480(感謝三禾電氣借出 Google Pixel 5 作測試之用)

你也許會有興趣:

今次這張卡最特別的是封面表示 4G 「中國內地及香港儲值年卡」,$108 提供 3GB 4G 全速年卡,但鴨聊佳最近有更新,由即日起至 2021 年 12 月 31 日開卡都可以免費升級做 5G 全速,並會送 3GB,即共有 6GB 5G 數據。未啟用或者已經啟用的電話卡會自己升級做 5G、舊貨或未見自動升級可以手動升級。手機撥打 *104*01# 打出 即可享用中港 5G 服務。

More Mobile 市場售價 $48 的 6GB 月卡,原價為 $88,採即插即用方式,包 1000 語音通話分鐘6GB 數據,採用 csl 網絡,最高速度 42Mbps。無限數據此卡是沒有 的。以 2020年 5月購買日為例,有效期間為 365 日。啟用日期為至 2021年 5月 (具體請留意包裝後說明)。

預載 Android 11系統的 Samsung A22 5G ,前置自拍單鏡頭有800萬像素,至於背後採用四鏡頭,主鏡頭是 4800 萬像素,並配合800 萬畫素超廣角鏡頭,200萬像素景深鏡頭,最多支援 雙 SIM 卡設計。Samsung A22 5G手機尺寸則是167.2 x 76.4 x 9 mm,重量達 203g,並擁有黑色、白色、紫色、綠色兩種顏色。更多其他功能包括:提供 Dolby ATMOS。

5G 專題 | 5G 學習新常態

5G 高網速、低時延、海量連接的特性,逐漸滲透各行各業,改變行業生態,推動行業數字化轉型,智慧工地、智慧大廈及智慧金融等應運而生。5G技術亦顛覆了傳統線上教學模式,特別是經過疫情更加速了相關應用發展。將5G科技融入教學中,運用人工智能AI與大數據技術打造嶄新線上學習平台,打造5G學習新常態。。

5G 專題 | 5G 改變未來酒店營運模式

5G 為酒店業界帶來三大好處,首先是升級酒店服務體驗,吸引更多顧客入住增加收入;其次,是創造差異化定位,在眾多競爭對手中別具一熾,脫穎而出;三是透過智能化系統降低酒店管理運營成本;顧客方面從訂房開始,便會深深感受到 5G 的所帶來的便利。

【推薦】2021年 三大 Mesh WiFi 路由器測試,解決死角問題

四款 Mesh Wifi 6 Router 都解決了訊號疲弱的問題,兩房較深入的位置也收到滿格訊號,就算是關上房門也沒多大影響,在套廁內上網看新聞節目影片也暢順。實測發現,Mesh Wifi 6 所提供的上下載速度,都較舊有平價Router 有近 20% 的提升。

【開箱評測】小米 11 lite 5G 手機:如果外型不像 iPhone XR 會更好

小米 11 lite 5G 是款希望擺脫中低價小米手機倒模設計的手機,手感纖薄輕巧,效能可媲美去年旗艦,是機海中的用心之作。如果設計不是回到了像 iPhone XR,小編會對這機評價更高。