當你啱啱拎到部 Nothing Phone (3a) Lite，唔好只係急住轉資料、裝 App 就算。其實呢部機一早已經預埋一套「必開設定」等你解鎖，尤其係 Glyph Interface、RAM Booster、光效鈴聲同 Flip to Glyph 功能，只要行足流程，就可以即刻發揮部機最大潛力——視覺提示、效能提升、通知更智能，完全唔同一般 Android 手機。
由第一次開機開始，到設定指紋解鎖、探索多視窗操作、體驗 AI 功能，再到自訂背面光效，Nothing Phone (3a) Lite 其實遠比你想像中更可玩、更個人化。以下就會逐步拆解，點樣由基礎設定 → 進階調校 → Glyph 操作，一步一步令部手機真正「醒」起來。
開啟 Glyph Interface
Nothing Phone 最特別的賣點之一，就係佢背面獨有嘅 Glyph 光效系統。喺 3a Lite 入面都有保留呢個設計，只要開啟就可以做到通知提示、鈴聲光效、甚至識別來電者，非常實用。
- 打開 「設定 Settings」
- 在主頁見到第三個選項叫 「Glyph Interface」
- 點入去之後，記得要開啟總開關（Use Glyph），否則其他功能全部都用唔到
開啟之後就會見到多個功能，包括：
- Flip to Glyph — 掉轉電話就會亮燈提示
- Essential Notifications — 錯過來電／重要訊息會用光效提醒
- Ringtones 光效鈴聲 — 自訂不同聯絡人鈴聲＋燈光
- Charging Meter — 充電時會以光條顯示電量
開啟 Flip to Glyph
Flip to Glyph 係 Glyph Interface 入面其中一個最易用嘅功能。操作非常簡單：
- 在 Glyph Interface 入面搵到 「Flip to Glyph」
- 打開開關
- 從此之後，只要你 將電話屏幕向下放喺桌面上，背面 Glyph 就會自動亮起，並進入靜音＋光效提示模式
記得同步開埋 Essential Notifications 入面嘅：
- Missed Calls
- Alert
呢兩個設定預設係關閉，如果唔開，Flip to Glyph 只會亮燈，唔會識別邊啲係重要通知，就失去意義。開咗佢，先真正變成 「重要訊息光效提示」。
開啟 Glyph Ringtones
Glyph Ringtones 最大賣點唔只係鈴聲自訂，佢仲可以配合 燈光走位效果，令你即使電話放喺遠少少都可以透過背光知道邊個打來。
- 不同聯絡人有唔同光效＋鈴聲
- 光條顯示方式（循環、閃動、節奏）
- 音量＋亮度可以分開調較
實用情境例如：
- 放喺背包／枱邊都見到提示
- 開會中電話唔響，但背面有光，就知道有重要電話
- 夜晚唔使開屏幕都睇到邊個搵你
開啟 Special Features
喺「設定」拉落少少會見到 Special Features，入面有幾個實用工具，其中最值得開嘅就係 RAM Booster（記憶體加速）。作用係：
- 自動釋放唔用嘅背景程式
- 提升 RAM 使用效率
- 對追求流暢感、打機、開多個程式特別有幫助
建議設定：
- RAM Booster：建議開啟
- App Freezer：可設定唔想背景運行嘅 App
- Game Mode：玩遊戲時集中資源，減少干擾
開啟後，呢部 Nothing Phone 3a Lite 就唔止有外形，同時性能亦會明顯提升！
生物辨識解鎖、藍牙裝置解鎖
有時攞到新機，總係會好心急咁快手完成基本設定。但建議你停一停，最少都設定好指紋解鎖。再打開「設定」，向下點選「安全性和私隱」，選擇「裝置解鎖」，然後設定好「指紋」等等。
至於更常用，但很多人忽略的則是「藍牙裝置等延長解鎖」，下滑至「更多安全性和私隱設定」，然後選擇「延長解鎖」，這裡可以選擇加入不同的藍牙裝置，例如智能手環、智能手錶等等。只要做好選擇，選擇了便可以在連上這些藍牙裝置後，免除常常解鎖的煩惱。
Uninstall 不需要的 Apps
使用 Nothing Phone (3a) Lite 的第一個需要是其實是 Uninstall。無論係 Google Pixel、Samsung Galaxy、Honor 或小米，出廠預設的 Apps 與日常使用的 Apps 總有一些重複，無論是 Message、File Manager、預裝的手機遊戲等等都有可能。
因為不必要的 Apps 會減慢手機速度並佔用寶貴的儲存空間。要移除 Apps ，請打開 Android 手機上的「設定應用程式」，然後點擊「應用程式」標籤。這將顯示你所有的應用程式列表，你可以選擇每一個來「刪除」或「禁用」。
加快動畫速度
用 Nothing Phone (3a) Lite 第一件事就係加快動畫速度。動畫慢會令人覺得卡。你要先開發人員模式：設定 > 關於手機 > 軟件資訊 > 連續點 7 次 Build Number。之後會見到通知話你已成為開發者。返回主設定頁面，進入「開發者選項」，向下滑到「繪圖」區域，調整動畫比例，例如「視窗動畫比例」、「過渡動畫比例」同「動畫時間比例」。建議設為 0.5x，可提升速度而唔會太突兀。
設定好屏幕解像度、自關閉時間 & Always On
Nothing Phone (3a) Lite 可以調整螢幕解像度，自關閉螢幕時間，或可以選擇 Always On 常亮顯示模式。為了省電，螢幕如果調整較低的解像度可以更省電，當鎖屏關閉時，會顯示關鍵信息——如時間、日期和通知徽章。可用的具體選項將取決於手機的 OEM，但通常有方法可以調整常亮顯示。
設定醫療信息 & 緊急通知
Nothing Phone (3a) Lite 另一個很容易被人忘記的就是安全功能，如醫療信息及緊急 SOS 通知。醫療信息是你在緊急的時候，可以讓醫療人員得知你的身體訊息。這將幫助您在緊急情況下獲得幫助，並向急救人員提供有關您和您健康的重要信息。這些都位於原生 Android 的安全與緊急選項卡中。
至於緊急通知則是另一回事，最主要開啟的是「地震警示」，特別適合會去日本或台灣的人，如果當地發生地震等發出緊急地震通知，你的手機就會收到通知。
更新您的手機並下載應用
完成 Nothing Phone (3a) Lite初始設置過程後，是時候更新你的手機。無論你買的是手機有多新，預載的是 Android 15 或 Android 16 等等，廠商都可能在推出後為手機系統作出更新，，因此需要進行更新。導航至設置 > 軟件更新以檢查是否有更新的軟件版本可用，並按照屏幕上的提示完成更新。
完成後，您可以使用 Google 帳戶登錄 Google Play 商店，並將所有先前安裝的應用下載到新設備上。這也是您更新 Android 應用的地方。
