BUTTONS CLIP。呢款耳機最大賣點係內置專屬 AI 助理 HALI，只要一句「HALI HALI」，就可以喚醒 AI，幫你即時做錄音摘要、語音翻譯、日常建議等功能。佢背後搭載嘅係最新一代 AI 晶片，識得學你嘅使用習慣，越用越聰明，越用越貼心。
BUTTONS CLIP 不止得 AI 咁簡單，喺通話方面表現同樣驚喜。耳機配備骨傳導加雙麥克風設計，仲有 VPU 聲音演算法，即使你身處戶外或鬧市，佢都可以自動隔噪，鎖定你嘅聲音，通話一樣清晰。再加上多軸 G-sensor 防誤觸技術，戴上耳後就算郁嚟郁去都唔會誤觸操作，使用更流暢。
音質方面，CLIP 採用 12mm 鈦合金雙磁喇叭，聲音層次分明，低頻夠深沉，中高頻清脆飽滿，配合藍牙 5.4 傳輸與 AI 晶片音頻強化，就算打機、睇戲、聽歌都極具臨場感。耳機設計亦非常用心，採用親膚矽膠 C 橋耳夾同記憶鎳鈦絲結構，自動貼合耳型，穩固又舒適，長時間佩戴都唔覺焗促。配色方面就有經典黑銀同金棕兩款，機身同充電盒都用上壓紋皮革加金屬拉絲設計，時尚感爆燈。
快充效能亦唔可以唔提，只需 20 分鐘就可充到 80% 電量，夠晒應急；整機續航力亦相當實用，無論日常工作定戶外活動都用得安心。BUTTONS CLIP 建議零售價為 HK$1,499，即日起於各大零售門市及 HK Lava 官網有售。
