小米應該是今年推出最多手機的品牌，在云云的機海內，小米 Mi 10T 挾着最平 Snapdragon 865 旗艦規格手機之名推出。在今次真心評測，大家可看看它真正實力。不過，其實今年小米出咁多部機，真係部部差不多評價。曾經被 HTC 玩到出神入化的機海戰術，係小米上重現了。

小米 Mi 10T 硬件規格

螢幕尺寸：6.47 吋 OLED (2400 x 1080)
機身體積：165.1 X 76.4 X 9.33 mm
重量：216g
處理器：Snapdragon 865
儲存空間：8GB RAM/128GB ROM
系統：Android 10
主相機：6400 億像素廣角 + 1300 萬像素超廣角 + 500 萬像素微距鏡頭
前置相機：2000 萬像素
電池容量：5000 mAh
防水：無
無線充電：無
5G：有
WiFi 6：無
NFC： 有
其他：指紋識別、支援 5G、33W 快速充電、144 Hz 螢幕刷新率
定價：HK$3,399

修長機身，弧形磨沙玻璃手感出色

小米 Mi 10T 採用 6.47 吋 20:9 比例螢幕令機身修長，配合弧形磨沙玻璃機背，可減少機背收集指模，亦有防跣手的作用。即使機身重量達到 216g，然而有點墜手，但手感還是出色。

採用 6.47 吋 20:9 比例螢幕機身修長

前相機為 2000 萬像素

弧形磨沙玻璃機背

小米 Mi 10T 機身保留線外線，可作家電遙控使用，開關與指紋識別位置融合，姆指剛好能在手握機身時觸及這個位置解鎖。

保留線外線，可作家電遙控使用

開關與指紋識別位置融合

以 USB C 連接

頂級旗艦機規格

小米 Mi 10T 採用 Snapdragon 865 CPU、8GB LPDDR4 RAM 及 128GB UFS3.1 ROM 等規格，Antutu 跑分達到 588,058 分，都屬於今年 Android 機頂級效能。網絡連接支援單咭 5G，或 4G 雙咭雙待，WiFi 對應達 1200 Mbps 的 WiFi 6。

Antutu 跑分達到 588,058 分，屬今年 Android 機頂級效能

網絡連接支援單咭 5G，或 4G 雙咭雙待

WiFi 對應達 1200 Mbps 的 WiFi 6

使用時間出色

小米 Mi 10T 內建 5000 mAh 電量，運行 PCMark 2.0 使用時間測試，結果亦達到 18 小時 25 分 (144Hz 螢幕模式)，都是個出色的成績。

PCMark 2.0 使用時間測試，達到 18 小時 25 分

支援 144Hz 刷新率螢幕調節

小米 Mi 10T 系統一如大部份小米手機支援應用雙開、應用安全鎖等功能。在螢幕設定內，則可選擇 144Hz、90Hz 及 60Hz 刷新率，越高刷新率，螢幕流暢度越高，但耗電量會增加。不過由以上的使用時間測試，都達到了 18 小時 25 分，估計用 144Hz 螢幕模式一日一充都不成問題。

支援應用雙開

應用安全鎖

螢幕設定內，則可選擇 144Hz、90Hz 及 60Hz 刷新率

拍攝效果令人滿意

小米 Mi 10T 主相機由 6400 億像素廣角 + 1300 萬像素超廣角 + 500 萬像素微距鏡頭組成，廣角鏡相片有很不錯的清晰度，測光與色溫都很接近現場所見，ISO 700 的相片，亦不發覺滿佈噪點。超廣角鏡亦有不錯的清晰度，而且變形情況較少，拍攝效果都令人滿意。

人像模式加入多個燈光效果

小米 Mi 10T 亦支援多個拍攝模式，如魔法分身、Vlog 及人像模式等，當中的人像模式支援多個燈光效果，都可令人像相片變得獨特。

總結：可滿足大部份用家要求

其實唔少人都是想找一部定價唔貴速度高，使用時間長，使用時間足夠一日，同埋拍攝效果唔差既手機，只係賣 HK$3,399 的小米 10T 認為應該可以滿足大部份用家的要求。不過，有想買小米 Mi10 T 的朋友，或者睇埋其他小米手機都得，因為今年小米真係機海到痴左線啊～～～

近月好多牌子都出左 HK$1,500 以下既手機，Samsung 都湊熱鬧推出 Galaxy A12，部機有幾多斤兩，即刻同大家開箱試試，評價一下。

Samsung Galaxy A12 硬件規格

螢幕尺寸：6.5 吋 LCD (1600 x 720)
螢幕比例 20:9
機身體積：161.44 X 75.40 X 8.6 mm
重量：190g
處理器：MTK P35 八核 CPU
儲存空間：4GB/64GB
系統：Android 10
主相機：4800 萬像素廣角鏡 + 500 萬像素超廣角鏡 + 200 萬像素微距鏡 + 200 萬像素景深鏡
前置相機：800 萬像素
電池容量：5000 mAh
防水：無
無線充電：無
5G：無
WiFi 6：無
NFC：有
其他：3.5mm 耳機插頭、獨立 Micro SD 咭槽、FM 收音機、NFC
定價：HK$1,398

機身都叫輕巧，有防跣手設計

機面設 6.5 吋 Infinity V 螢幕的 Samsung Galaxy A12，由於機身採用比玻璃輕巧的塑膠物料，令這款內置 5000 mAh 特大電量的手機，重量可以控制在 200g 以內，以大電量手機黎講算係輕巧。機背由凹凸斜間坑紋，以及光滑的平面組成，坑紋有助防跣手。

設 6.5 吋 Infinity V 螢幕

前相機為 800 萬像素，支援人臉識別功能

機身採用塑膠物料

機背由凹凸斜間坑紋，以及光滑的平面組成

設 4 鏡主相機

Samsung Galaxy A12 側框設有帶指紋識別器的開關鍵，USB-C 充電位置以及 3.5mm 插頭，SIM 卡槽跟同級手機一樣，採用三卡槽設計。

側框設有帶指紋識別器的開關鍵

以 USB-C 充電以及加入 3.5mm 插頭

採用三卡槽設計

效能與使用時間較弱

個樣唔差既 Samsug Galaxy A12，規格內建 MTK P35 八核 CPU、4GB 與 64GB ROM，安兔兔跑分都唔超過 100,000 分，可以比大家了解部機效能的確唔高，日常玩下 Facebook，Whatsapp 都可以，但要玩 Game 就窄窄地。另外用家要留意，Galaxy A12 只支援 2.4GHz WiFi，而且最高亦只有 65Mbps 速度，可見 Galaxy A12 無論效能與上網速度都不唔太理想。

內建 MTK P35 八核 CPU、4GB 與 64GB ROM

安兔兔跑分都唔超過 100,000 分

Galaxy A12 只支援 2.4GHz WiFi，而且最高亦只有 65Mbps 速度

設 5000 mAh 特大電量的 Samsung Galaxy A12，可以預期使用時間會比較出色，不過從 PCmark 2.0 使用時間測試，只有 14 小時，比不少相同電量的手機，在相同測試少幾個小時，都令人大跌眼鏡。

PCmark 2.0 使用時間測試，只有 14 小時

支援 NFC，功能齊全

Samsung Galaxy A12 效能同埋使用時間都唔算好好，而且操作亦都比較遲緩，不過系統功能勝在齊全。一如不少 Samsung 手機，支援 Dual Messenger 功能，可同時使用兩個 Facebook 等社交平台，播放加入 Dolby Atmos，連接耳機時聲音包圍感更強。另外 Galaxy A12 有同級手機缺乏的 NFC 功能，支援 Google Pay 電子支付功能。

支援黑暗介面

操作可選擇手勢或導航鍵

支援 FM 收音機

支援 Dual Messenger 功能

播放加入 Dolby Atmos

支援 NFC，可用 Google Pay 電子支付功能

四鏡主相機多元化

Samsung Galaxy A12 始終是部入門機，不對它的四鏡主相機，拍攝效果多元化。4800 萬像素廣角鏡，清晰度與與色彩表現都在不錯水平，ISO 800 相片質素合格，平時在日光或室內拍攝，都唔會難到 Galaxy A12。

主菜幾對味，配菜的 500 萬像素超廣角鏡、200 萬像素微距鏡、200 萬像素景深鏡都只係錦上添花。除左實時景深拍攝功能效果較好，其他鏡頭拍攝都只係為左提升拍攝彈性。

總結：抵玩完整 Android 機

論效能與使用時間，Samsung Galaxy A12 比較遜色，不過 Galaxy A12 廣角鏡表現唔錯，而且支援 NFC，叫做可以用一個低價玩到完整功能的 Android 手機。

部部千幾蚊既機，都用性價比高做賣點，或者大家都聽到厭，會於 1 月 5 日推出的小米 Poco M3，賣價唔洗 HK$1,000，彷彿小米又「突然」改變思路，再次回歸高性價比之路，唔再平野當貴野賣，做番自己定位，以低價高配去搶客，咁小米 POCO M3 仲有乜野過人之處？今次真心評測立即同大家睇睇。

小米 Poco M3 硬件規格

螢幕尺寸：6.53 吋 LCD (2340 x 1080)
機身體積：162.3 x 77.3 x 9.6 mm
重量：198g
處理器：Snapdragon 662
RAM：4GB RAM
ROM：64GB/128GB
系統：Android 10
主相機：4800 萬像素廣角 + 200 萬像素微距鏡頭 + 200 萬像素景深鏡頭
前置相機：800 萬像素
電池容量：6000 mAh
防水：無
無線充電：無
5G：無
WiFi 6：無
NFC： 無
其他：真三卡槽、FM 收音機、紅外線遙控
定價：HK$949、HK$1049

機身設計起碼唔係公模

平價機通常設計上都無乜特別，不過小米 Poco M3 起碼唔會係公模機，仿皮紋膠機背，拱面的黑色鏡頭位置，都令人有深刻的印象。機身設有紅外線發射器，以 USB-C 充電，支援 3.5mm 耳機，更帶真三卡槽設計。

採用 6.53 吋 LCD 水滴螢幕

前置鏡頭為 800 萬像素

設紅外線發射器及 3.5mm 插頭

支援家電遙控功能

支援 FM 收音機功能

USB-C 充電

指紋識別器與開關融合

機背加入防皮紋

拱面的黑色鏡頭位置

帶真三卡槽設計

效能超乎同樣手機

小米 Poco M3 用上 Snapdragon 662 CPU、4GB RAM 等規格，如果對比價位接近既手機，規格高出一個級別。由 Antutu 跑分為 190237 分，效能成績超越同級手機。亦都支援 WiFi 5，比唔少僅同級手機 WiFi 快速。如果可以加埋 NFC，部機就更加完美。

Antutu 跑分為 190237 分，效能成績超越同級手機

支援 WiFi 5 制式

6000 mAh 電，使用超 20 小時

效能高人一班的小米 Poco M3，連電量都大過人。6000 mAh 電量進行 PCMark 2.0 使用時間測試，成績達到 21 小時 49 分，是個非常出色的成績。

PCMark 2.0 使用時間測試，成績達到 21 小時 49 分

加入 Poco Launcher 介面

雖然效能唔差，但小米 Poco M3 系統流暢度唔算好快，要定時用手機加速功能。系統功能就如大部份小米手機，都支援應用雙開、護眼模式、遊戲助手等，更預載了 Poco Launcher 介面，可以妥善將應用以名稱及類別分類。

定時用手機加速功能，才可確保操作流暢

支援應用雙開

護眼模式

遊戲助手

預載了 Poco Launcher 介面

拍攝效果有待改善

外觀設計、效能及使用時間都唔差的小米 Poco M3，今次配備的 4800 萬像素三鏡相機，表現就有多少失手。測光比一般手機暗，而且白平衡亦不太準確，低 ISO 相片亦有唔少雜訊，希望軟件更新可以將以上問題改善。

總結：HK$1,000 唔洗收貨有餘

如果其他牌子用小米 Poco M3 的規格出機，可以肯定一定賣價唔會低過 HK$1,500，而家 HK$949 起就買到，確實係收貨有凸。至於點解小米突然之間又改策略，將自己定位番做「性價比」呢？呢個問題真係要問番小米先知道啦！

到了年尾，總括 Nokia 今年的手機，都是以中低階機為主，估計是今年收爐之作的 Nokia 3.4，都係主打平價得黎，有齊 2 年系統及 3 年安全更新。

Nokia 3.4 硬件規格

螢幕尺寸：6.39 吋 LCD (1560 X 720)
螢幕比例 19.5:9
機身體積：160.97 x 75.99 x 8.7 mm
重量：180g
處理器： Snapdragon 460
儲存空間：3GB RAM / 64GB ROM
系統：Android 10
主相機：1300 萬像素廣角 + 500 萬像素超廣角 + 200 萬像素景深
前置相機：800 萬像素
電池容量：4000 mAh
其他：指紋識別、3.5mm 耳機插頭、FM 收音機、真三卡槽、Google Assistant 鍵
定價：HK$1,388

設計平實，加入 Google Assistant 實體鍵

Nokia 3.4 機面設有 6.39 吋開孔螢幕，帶 800 萬像素前置相機，塑膠機身加入 Google Assistant 鍵，一按可以啟動 Google Assistant 功能。機背加入直間紋有防滑作用，整體設計未有很大特色，以實用及平實為主。

機面設有 6.39 吋開孔螢幕

帶 800 萬像素前置相機

塑膠機身加入 Google Assistant 鍵

機背加入直間紋有防滑作用

以 USB-C 充電

側框亦設開關及音量鍵

設 3.5mm 插頭

原生 Android 10 系統，支援 FM 收音機

Nokia 3.4 運行原生 Android 10 系統，系統內可啟動手勢或螢幕按鍵操作、深色主題背景、Google Assistant 鍵開關、設定指紋或臉孔解鎖功能、指紋識別位置可以滑下查看通知。而由於 Nokia 3.4 機身設有 3.5mm 插頭，連接耳機後使用 FM 收音機功能。

運行原生 Android 10 系統

可啟動手勢或螢幕按鍵操作

深色主題背景

Google Assistant 鍵開關

設定指紋或臉孔解鎖功能

指紋識別位置可以滑下查看通知

支援 FM 收音機功能

基本 Android 機效能，使用時間用到兩日

Nokia 3.4 規格為 Snapdragon 460 SoC、3GB RAM 及 64GB ROM，支援 4G 雙咭雙待同時可加入 Micro SD 卡擴充，即使儲存空間有限，都可以自行擴充。用 Antutu 跑分是 137232 分，可了解 Nokia 3.4 日常覆下 Whatsapp，睇下 Facebook 都可以，但要玩遊戲就唔太適合。

支援 4G 雙咭雙待同時可加入 Micro SD 卡擴充

Antutu 跑分是 137232 分

雖然 Nokia 3.4 效能唔算出眾，但 4000 mAh 電量續航力就非常強大，運行 PCMark 2.0 使用時間測試，時間達到 24 小時 16 分，正常開工用，連埋番工放工搭車既使用時間，都可以用到兩日。

運行 PCMark 2.0 使用時間測試，時間達到 24 小時 16 分

相片輸出放大畫質亦像油畫

入門機影既相，大家都唔需要抱有好大期望。Nokia 3.4 1300 萬像素廣角 + 500 萬像素超廣角 + 200 萬像素景深鏡的三鏡主相機，即使用 ISO 100 拍攝，放大畫質亦像油畫，惟一比較可取是拍攝色彩比較自然。用景深模式，輸出像素為 800 萬，景深反光部份，可以改為雪花及蝴蝶等，功能在入門機中比較少見。

總結：使用時間長，學生或長者合用

Nokia 3.4 合乎預期之內，確實係一部平價入門手機，質素唔會有咩期待，但一樣有其使用時間特長的優點，學生或長者都十分適合。由於效能平庸，家長不怕子女沉迷在遊戲之中，長者又不怕忘記充電而迅速無電，而且又可以聽 FM 收音機解悶。

Oppo 如果論一個喺香港知名度唔高嘅品牌，手機賣價都算離地，不過最近推出的 Reno4 Z 5G，總算用番一個合理價錢發售，我地隨即開箱評價，想知部機好唔好用，可以留意一下今次的真心評測。

Oppo Reno4 Z 5G 硬件規格

螢幕尺寸：6.57 吋 (2400×1080)
機身體積：163.8 X 75.5 X 8.1 mm
重量：184g
處理器：天璣 800
儲存空間：8GB RAM (LPDDR4) + 128GB (UFS 2.1)
主相機：4800 萬像素 f/1.7 主鏡頭、800 萬像素 f/2.2 超廣角鏡頭，200 萬像素黑白鏡頭，200 萬像素復古鏡頭
前置相機：1600 萬像素 + 200 萬像素景深鏡頭
電池容量：4000 mAh
防水：無
無線充電：無
5G：有
WiFi 6：無
NFC：有
其他：18W 有線快速充電、120Hz 刷新率螢幕、3.5mm 耳機支援、LDAC、5G+4G 雙咭雙待
售價：HK$2,999

機身夠薄操作最就手

Oppo Reno4 Z 5G 售價貼地，但設計都唔馬虎，僅 8.1mm 的纖薄機身，配合開關與音量鍵都放在機身兩側中間，拿起使用時，姆指可作開關及指紋解鎖，中指控制音量，操作感非常就手。白色玻璃機背，帶雲彩效果，後置相機加入方框包圍，像一隻麻雀 5 筒。

Oppo Reno4 Z 機面有 6.57 吋螢幕

設雙鏡前相機

8.1mm 的纖薄機身

開關鍵設指紋解鎖功能

支援 3.5mm 耳機

音量鍵放在機身左側中間

白色玻璃機背，帶雲彩效果

後置相機加入方框包圍，像一隻麻雀 5 筒

6.57 吋螢幕支援 120Hz

不少中高階手機才有的 120Hz 螢幕刷新率功能，在 Oppo Reno4 Z 5G 都可以玩到。在螢幕設定內，可以點選 60Hz、90Hz、120Hz 或智能切換方式，如想既省電又可確保螢幕流暢度在高水平，建議大家選擇智能切換。

在螢幕設定內，可以點選 60Hz、90Hz、120Hz 或智能切換方式

系統功能應有盡有

Oppo Reno4 Z 5G 運行 ColorOS 7.1 系統，個人除左在待機畫面，一定要在 Slide to unlock 這狹小的位置滑動才能進入主頁面 (設定指紋或人瞼識別就沒有這問題)，另外介面的應用圖示比較細之外，系統功能都應有盡有。如應用分身、側屏操作、分割螢幕、遊戲空間、通話美顏功能都作支援。

應用圖示比較細

待機畫面，一定要在 Slide to unlock 這狹小的位置滑動才能進入主頁面

應用分身

側屏操作

分割螢幕

遊戲空間

通話美顏

支援 5G 雙咭雙待，中階機效能

Oppo Reno4 Z 5G 作為一款 5G 中階機，都做足本份支援 5G+4G 雙咭雙待功能。配備了天璣 800 CPU、8GB RAM 及 128GB，安兔兔跑分 306680 分，屬中階機效能。

支援 5G+4G 雙咭雙待

安兔兔跑分 306680 分

使用時間並不理想

Oppo Reno4 Z 5G 內建 4000 mAh 電，支援 18W 快速充電，以 PCMark 2.0 使用時間測試，只有 10 小時 6 分的結果，可見它的續航力唔係咁理想，會是這部機的最大缺點。

PCMark 2.0 使用時間測試，只有 10 小時 6 分的結果

四鏡相機實用兩個，廣角鏡水準以上

以 4800 萬像素 f/1.7 主鏡頭、800 萬像素 f/2.2 超廣角鏡頭，200 萬像素黑白鏡頭，200 萬像素復古鏡頭組成的四鏡相機。後面兩個鏡頭，都係負責濾鏡效果，其實用途唔大，極其量係用黎充數，等規格變得好睇。超廣角鏡頭像素得 800 萬，細緻度、雜訊處理同埋動態範圍都唔太好，所以日常拍攝，主要都是靠廣角鏡。

Oppo Reno4 Z 5G 的 4800 萬像素廣角鏡，最高支援 5 倍數碼變焦拍攝，雖然部機無微距鏡，但用 2 倍數碼變焦，一樣可以影到好似微距鏡既細緻效果。

廣角鏡拍攝有唔錯立體感，相片色彩飽和度高，人像效果中焦部份清晰度高，而且散景效果自然，可以話係一支高質鏡頭救全家。

總結：唔係使用時間較弱，絕對係好機一部

Oppo Reno4 Z 5G 外型、系統、拍攝表現都絕對對得住 HK$2,999 呢個售價，如果唔係使用時間比較弱，將會係一部好的入門手機。

千幾蚊既機多唔多人買，我真係唔知，不過今年真係好多千幾蚊既機推出，單單是 Vivo 已經有 Y12S 與 Y20S。Y12S 開箱評測早前已經送上，現在再同大家試試 Y20S，睇下有什麼不同之處。

Vivo Y20S 硬件規格

螢幕尺寸：6.51 吋 LCD (1600 x 720 解像度)
機身體積：164.41 × 76.32 × 8.41 mm
重量：192.3g
處理器：Qualcomm Snapdragon 460
儲存空間：4GB RAM + 128GB ROM
主相機：1300 萬像素 (f/2.2) + 200 萬像素景深鏡頭 (f/2.4) + 200 萬像素微距鏡頭 (f/2.4)
前置相機：800 萬像素
電池容量：5000 mAh
防水：無
無線充電：無
5G：無
WiFi 6：無
NFC：無
其他：真三卡槽、18W 快速充電
售價：HK$1,498

外型與 Y12S 相似，做工依然出色

Vivo Y20S 外型與 Y12S 極為相似，都採用大小適中的 6.51 吋 LCD 水滴窄邊框螢幕，水滴位置加入 800 萬像素前鏡頭。機身設有帶指紋識別功能的開開鍵，3.5mm 插頭及真三卡槽，像玻璃物料的機背，會從主鏡頭中折影出光芒，設計低調中帶點不平凡。

採用大小適中的 6.51 吋 LCD 水滴窄邊框螢幕

水滴位置加入 800 萬像素前鏡頭

機身設有帶指紋識別功能的開開鍵

帶 3.5mm 插頭

真三卡槽設計

像玻璃物料的機背，會從主鏡頭中折影出光芒

運行 FunTouch OS 10.5 系統但功能更多

雖然 Vivo Y20S 運行 FunTouch OS 10.5，對比 Vivo Y12S 的 FunTouch OS 11 是較舊版本，同時有應用程式分身等及視像通話美顏功能，但系統功能更多。例如在動態效果，Vivo Y12S 只能設定人面解鎖介面，Vivo Y20S 就可以另外選擇進入桌面與充電動畫；另外在遊戲魔盒部份，更加入 4D 遊戲震感功能，支援的遊戲會根據遊戲場景而作出震動回饋，打機就更有臨場感。

運行 FunTouch OS 10.5

同時有應用程式分身等

支援深色背景

手勢或虛擬鍵操作

視像通話美顏功能

支援人臉及指紋識別

動態效果可以另外選擇進入桌面與充電動畫

遊戲魔盒部份，更加入 4D 遊戲震感功能

效能更高，使用時間超乎想像

Vivo Y20S 與 Vivo Y12S 售價相差 HK$400，規格用上 Snapdragon 460 CPU、4GB RAM 及 128GB ROM，硬件規格上升一級，Antutu 跑分為
155917 分，效能更比 Y12S 高出 50%。同樣應用 5000 mAh 電量的 Vivo Y20S，一方面支援 18W 快速充電功能，另一方面運行 PCMark 2.0 使用時間測試，結果竟然為 27 小時 7 分鍾，可以話係最長氣既手機。

Antutu 跑分為 155917 分，效能更比 Y12S 高出 50%

PCMark 2.0 使用時間測試，結果竟然為 27 小時 7 分鍾

三鏡相機效果自然

對於平價機，相片清晰度與雜訊處理較弱，是可以預期的事。Vivo Y20S 的三鏡主相機，可拍攝廣角、虛擬景深與微距效果，相片輸出如肉眼所見，效果真實自然，但相片清晰度一般，夜景拍攝出現較多噪點，都是入門手機與旗艦機的分野。

總結：比起 Y12S 更值得入手

Vivo Y20S 雖然售價貴 Y12S HK$400，但電池容量高一倍，效能高 50%，亦是 2020 年使用時間最長手機之一，小編認為比 Y12S 更值得入手。

今年手機市場推出不少大約 HK$1,000 元的平價智能手機，最近 Vivo 都湊熱鬧地推出了 Y12S，產品定價為 HK1,098。我地開箱用落會同中階機有乜野分別？大家可從今次真心評測了解初嘅真正評價。

Vivo Y12S 硬件規格

螢幕尺寸：6.51 吋 LCD，解像度 1600 x 720
機身體積：164.41 X 76.32 X 8.41 mm
重量：191g
處理器：MTK Helio P35 八核處理器
儲存空間：3GB RAM + 32GB ROM
主相機：1300 萬像素 (f/2.2) + 200 萬像素景深鏡頭 (f/2.4)
前置相機：800 萬像素
電池容量：5000 mAh
防水：無
無線充電：無
5G：無
WiFi 6：無
NFC：無
其他：真三卡槽

做工超越一般入門機水平

Vivo Y12S 採用大小適中的 6.51 吋 LCD 螢幕，螢幕邊框窄身，令到大部份時間都可以單手操作。底面玻璃的機身設計，做工超越一般入門機水平，拎出黎用都唔覺得係平價機。機身仲設有 3.5mm 插頭，亦都有真三卡槽設計，即使機入面得 32GB ROM，都可以用 Micro SD 卡記錄檔案。

採用大小適中的 6.51 吋 LCD 螢幕

螢幕邊框窄，大部份時間都可以單手操作

支援 3.5mm 插頭

採用玻璃機背，做工超越一般入門機水平

支援指紋與人臉識別功能

Vivo Y12S 在側框開關鍵融合了指紋識別功能，比一般放於機背的指紋識別器手感出色，800 萬像素前置鏡頭，支援人面識別功能，在設定內更可選擇識別動畫效果。

側框開關鍵融合了指紋識別功能

800 萬像素前置鏡頭，支援人面識別功能

在設定內更可選擇識別動畫效果

最大用處係「遊戲掛機」

Vivo Y12S 運行 FunTouch OS 11 系統，操作雖然唔算流暢，但都有齊當代 Android 機重點的系統功能，如應用程式分身及遊戲魔盒功能。後者支援電競模式，可以在遊戲時零打擾，亦可以關閉螢幕掛機。啟動遊戲音質音效時，還可因應耳機類型，使用近場或寬廣模式，使遊戲的聲音定位更為精準。雖然遊戲魔盒功能都幾針對到遊戲玩家的需要，但又有幾多人會用黎打機呢？

支援應用程式分身

遊戲魔盒功能

加入電競模式

關閉螢幕掛機

遊戲音質音效

使用時間 22小時…

HK$1,000 左右的手機，效能都唔會有出色表現，採用 MTK Helio P35 CPU、3GB 及 32GB ROM 的 Vivo Y12S，Antutu 跑分都係 106,477 分，對比旗艦機超過 500,000 分的成績差距甚遠。不過它的 5000 mAh，運行 PCMark 2.0 使用時間測試，竟然超過 22 小時，是一個非常長的使用時間，如果可以支援埋快充電，部機會更加理想。

Antutu 跑分 106,477 分

PCMark 2.0 使用時間測試，竟然超過 22 小時

拍攝呈現現場氣氛

對於平價機，相片清晰度與雜訊處理較弱，是可以預期的事。Vivo Y12S 的 1300 萬像素 + 200 萬像素雙鏡主相機，相片值得一讚是它的白平衡沒有矯枉過正，真實地呈現現場色溫與氣氛。虛化模式就在日光時使用會比較理想，在低光卻很難營造到淺景深效果。至於想影到神級當然無咩可肶，勝在影到清清地，入門機係咁上下。

後記：老人機？專心遊戲掛機

睇完以上 vivo Y12S 真心評測有無啲覺得平實無趣？一部入門機確實無咩好寫，最特別係功能上有「遊戲掛機」。平到咁掛機唔心痛，而且電量可以去到 22小時，真係有啲跨張。雖然掛機時唔可能去到 22小時，但仍然係一個好跨張嘅數字。

編輯覺得部機比小學生或者老人家用會相當唔錯，首先佢定價低廉，就算遺失都唔會肉痛，另外電量特長，對這類低用量用家，分分類可以用三日。

等左兩年幾，HTC 終於出番部規格見得下人既手機 HTC U20 5G，不過當網民知道香港版是中國製造 Made In China，不是台灣製造 Made In Taiwan 後，就好似立即判了部機死刑咁。究竟部機係唔係咁唔掂，憑情懷買手機後，還有什麼？睇睇今次真心評測就會知，我地同大家做下評價。

HTC U20 5G 硬件規格

螢幕尺寸：6.8 吋 LCD (2400 x 1080)
機身體積：171.2 x 78.1 x 9.4 mm
重量：215g
處理器：Snapdragon 765G
儲存空間：8GB RAM、256GB ROM
系統：Android 10
主相機：4800 萬像素主鏡頭 (f/1.8)、800 萬像素超廣角鏡頭 (f/2.2)、200 萬像素微距鏡頭 (f/2.4)、200 萬像素景深鏡頭 (f/2.4)
前置相機：3200 萬像素
電池容量：5000 mAh
防水：無
無線充電：無
5G：有
WiFi 6：無
NFC：有
其他：5G+4G 雙咭雙待、QC 3.0 快速充電
定價：HK$3,898

修長大 Mon，中價機較少見

HTC U20 5G 擁有 6.8 吋修長大 Mon，在同價位手機中較為罕見，不過機身都幾大部，而且邊框較粗，上下底以 2020 年來講比較厚。如果你還是期望用以往 HTC 靚設計來期望的話，那應該比較失望。

除了較後，另一個比較失望的是指紋觸鎖採用機背觸控設計。這個設計在多年後已經被認定是一個失敗的做法。即使是其他牌子的中階或部份入門機都提供更實在的屏下指紋解鎖或相對便宜一點的機側解鎖。HTC U20 5G 仍在採用機背解鎖… 難怪不是 Made in Taiwan。

墨綠色機背膠感都幾重，但就可以將擁有 5000 mAh 特大電量的 HTC U20 5G，重量控制在 215g，叫做一個大部份人接受到既機身重量。機身唔防水，但又無加番 3.5mm 耳機頭，整個機身設計都比人覺得誠意欠奉。

擁有 6.8 吋修長大 Mon

有 3200 萬像素前置相機

設金色開關

墨綠色機背膠感都幾重

雖然機身都幾大部，但觸及機背指紋識別器就沒有影響

支援 Micro SD 卡擴充

無左 HTC Sense，仲有經典鈴聲與翻頁時鍾

自從 Google 收購了 HTC 的手機開發部門後，HTC 手機操作介面已變得面目全非。以往都幾受歡迎的 HTC Sense 介面，如有加入 AI 學習的 HTC Sense Companion 功能，以及 Edge Sense 揸握機身的操作方式，都不會在 HTC U20 5G 出現。（咁仲係 HTC 嗎？）

U20 5G 僅可以從內建的經典鈴聲及翻頁時鍾小工具回憶 HTC 的光輝歲月，手機只運行原行 Android 10 系統，無疑系統操作功能比其他品牌更精簡，但操作流暢度就會比同級手機高出一點。

運行原行 Android 10 系統

內建 HTC 經典鈴聲

設有 HTC 經典翻頁時鍾小工具

支援 5G + 4G 雙咭雙待，使用時間比預期差

HTC U20 5G 規格配備 Qualcomm Snapdragon 765G CPU、8GB 及 256GB ROM，對比同級對手，用上 256GB 較為進取，跑分方面一如大部份同級手機約為 320,000 分，表現不過不失。網絡功能就對應到 5G +4G 雙咭雙待功能，唔洗再等系統升級就玩到。5000 mAh 電量使用時間，從 PCMark 2.0 使用時間測試，只有 17 小時 30 分鍾，使用時間比預期差。

跑分是 323,192 分

PCMark 2.0 使用時間測試，只有 17 小時 30 分鍾

對應 5G+4G 雙咭雙待功能

四鏡相機表現是最弱一環

HTC One 憑藉一體化金屬機身與 Ultra Pixel 相機紅極一時，及後推出的旗艦機，拍攝表現都在 Android 機前列，不過一切都已成過去。

雖然 HTC U20 5G 有 4800 萬像素四鏡主相機，但不進則退，進步幅度太少便是退止，而 HTC U20 5G 在 2020 年便比人覺得有所退步。雖然 4800 萬像素是大，但係相片無論清晰度與色彩飽和度都唔太討好，即使用 ISO 100 拍攝，相片都唔算清晰，說它只有幾年前手機的水準亦唔過份。

超廣角鏡帶變形修正

HTC U20 5G 的 800 萬像素超廣角鏡的紫邊與炫光問題都算嚴重，彷似幾年前廣角鏡頭剛出現時一樣。唯獨在拍攝上加入變形修正，叫做唯一可取之處。

微距像素低，景深模式落後

HTC U20 5G 微距鏡像素只有 200 萬，拍攝效果唔係太差，只係像素太低作用不大。而景深模式又只可以在拍攝前調教 f/1 至 f/16 光圈，人工後加的感覺也較明顯，拍攝後也不可以重新調整，功能都比對手落後。

總結：今天的 HTC 不是以往的 HTC

重新上路的 HTC，今年在香港推出兩款手機，表現都唔係咁好。講真，HTC 又未去到當年 Nokia 或者 Motorola 的殿堂級 Feature Phone 時代的高度，真係想學 Nokia 賣情懷？如果你係罕有的 HTC 棒場客，只有寄望 HTC 之後既新機一部比一部好，可以追番近同對手既差距。

HTC 的距離與對手仍然很遙遠，想追上 Nokia 都仍有一段明顯距離。今天的 HTC 不是以往的 HTC，如果沫掉 HTC 三字，跟你說是一部中國大陸的白牌手機，或許你未必覺得驚訝。

平價 5G 機，唔係得小米有，大牌子 Samsung 都一樣玩到！最近推出的 Galaxy A42 5G 三千頭就玩到，部機好唔好用，立即同大家試試。

Samsung Galaxy A42 5G 規格

螢幕尺寸：6.6 吋 AMOLED (1600 x 720)
機身體積：164.4 x 75.9 x 8.6 mm
重量：193g
處理器：Snapdragon 750G
儲存空間：8GB RAM /128GB ROM
系統：Android 10
主相機：4800 萬像素廣角鏡、800 萬像素超廣角鏡、500 萬像素景深鏡頭、500 萬像素微距鏡頭
前置相機：2000 萬像素
電池容量：5000 mAh
防水：無
無線充電：無
5G：有
WiFi 6：有
NFC：有
其他：螢幕指紋識別、3.5mm 耳機插頭、NFC
定價：HK$3,198

輕身有大屏幕，四筒鏡頭設計

Samsung Galaxy A42 採用 20:9 比例 6.6 吋 AMOLED 開孔螢幕，支援屏下指紋識別功能。機身修長而重量不到 200g，在大螢屏手機之中，手感輕巧而且可以單手操作。機底設有 3.5mm 插頭，方便用家連接耳機。機背採用三間橫紋設計，橫紋會帶出深淺色的彩虹效果，鏡頭部份像麻雀的四筒，設計有別於一般 Galaxy 手機。

採用 20:9 比例 6.6 吋 AMOLED 螢幕

開孔內建 2000 萬像素前相機

支援 3.5mm 插頭

SIM 卡槽 2 支援 Micro SD 擴充

音量與開關同設於機身右側

機背採用三間橫紋設計

橫紋會帶出深淺色的彩虹效果

鏡頭部份像麻雀的四筒

系統功能齊全，僅不支援 DeX 與 Samsung Pay

運行 One UI 2.5 系統的 Samsung Galaxy A42，如果對比 Samsung 旗艦機，僅僅不支援 DeX 桌面模式與 Samsung Pay 電子支付功能，連接 Windows 電腦功能、Dual Messenger、安全資料夾、支援 Google Pay 的 NFC、側屏介面操作、遊戲模式等，都可以在 Samsung Galaxy A42 上使用。

運行 One UI 2.5 系統

連接 Windows 電腦功能

Dual Messenger

安全資料夾

NFC 支援 Google Pay

遊戲模式

支援 5G + 4G 雙咭雙待，使用時間較小米 10T Lite 較短

Samsung Galaxy A42 採用 Snapdragon 750G CPU、8GB 及 128GB ROM，規格接近同期推出的小米 10T Lite，用家難免會將兩機直接比較，從 Antutu 跑分為 329,371 分，兩機效能都非常接近。內建 5000 mAh 較大電量的 Galaxy A42，於 PCMark 使用時間測試，卻比 4,820 mAh 電量的小米 10T Lite，使用時間較短。不過 Samsung Galaxy A42 的雙咭雙待功能卻支援 5G + 4G，小米 10T Lite 就暫時做不到，兩機的確有辣有唔辣。

Antutu 跑分為 329,371 分

PCMark 使用時間測試，卻比 4,820 mAh 電量的小米 10T Lite，使用時間較短

雙咭雙待功能卻支援 5G + 4G

拍攝不是它強項，但日常都夠用

Samsung Galaxy A42 四筒鏡頭主相機由 4800 萬像素廣角鏡、800 萬像素超廣角鏡、500 萬像素景深鏡頭、500 萬像素微距鏡頭組成。廣角鏡支援最高 10 倍數碼變焦，可彌補不設長焦鏡的缺點。廣角鏡拍攝表現色彩還算不錯，夜景亦可表現現場的氣氛，日常拍攝都夠用。

超廣角鏡只支援固定對焦，但其 13mm 的焦距，視角效果如旗艦機般震撼，微距鏡頭有 500 萬像素，最近對焦距離為 3CM，亦有不錯的細緻度，景深鏡頭可使用實時景深功能，拍攝模式景深鏡頭相片，為用家提供不同的拍攝彈性。

總結：Samsung A42 5G 功能夠齊，定價合理

最後想講講響小米 10T Lite 出現的大前題下，Samsung Galaxy A42 並不能說好高性價比，但它勝在功能夠齊，定價以 Samsung 黎講，又非常地合理，不難成為大眾第一部 5G 手機。

小米年末推小米 10T 系列三寶，當中小米 10T Lite HK$2,099 的定價，應該是今年，甚至有史以來最低價的 5G 手機，值唔值得入手，可以睇睇今次真心評測再決定。

小米 10T Lite 規格

螢幕尺寸：6.67 吋 LCD (2400 x 1080)
機身體積：165.4 x 76.8 x 9 mm
重量：214.5g
處理器：Snapdragon 750G
儲存空間：6GB RAM /128GB ROM
系統：Android 10
主相機：6400 萬像素廣角鏡、800 萬像素超廣角鏡、200 萬像素景深鏡頭、200 萬像素微距鏡頭
前置相機：1600 萬像素
電池容量：4820 mAh
防水：無
無線充電：無
5G：有
WiFi 6：有
NFC：有
其他：120 Hz 螢幕刷新率、指紋識別、3.5mm 耳機插頭、FM 收音機、33W 快速充電、紅外線
定價：HK$2,099

有大螢幕，餅乾鏡頭設計

小米 10T Lite 機面設有 6.67 吋開孔螢幕，機身可以預期比較大部，而且重量亦達到 214.5g，拎上手感覺到有一定份量。側框上的開關與指紋識別器混合，並設有 3.5mm 插頭及紅外線發射，可以當遙控用。反光度極高的玻璃機背，圓框主相機部份似塊餅乾，整體設計都不過不失。

設有 6.67 吋開孔螢幕

開孔部份加入 1600 萬像素前相機

的開關與指紋識別器混合

設 3.5mm 插頭

支援紅外線可以當遙控用

反光度極高的玻璃機背

圓框主相機部份似塊餅乾

全新 Qualcomm 5G CPU，效能接近 Snapdragon 765G

小米 10T Lite 採用全新 Snapdrasgon 750G CPU，配合 6GB RAM 及 128GB ROM，以 HK$2,099 的手機規格絕不失禮，Antutu 跑分 309799 分，與今年上半年度中階 5G 機常用的 Snapdragon 765G，效果非常接近。其 4,820 mAh 電量，進行 PCMark 2.0 電池使用測試，使用時間達到 20 小時 39 分鐘，使用時間對比小米 10 更長。

Antutu 跑分 309799 分

PCMark 2.0 電池使用測試，使用時間達到 20 小時 39 分鐘

使用時間對比小米 10 更長

5G 僅支援單咭，WiFi 分享為 WiFi 5

小米 10T Lite 支援雙卡雙待功能，而 SIM 卡 2 可因應用家需要，安裝 nano SIM 卡或 Micro SD 卡擴充。不過當使用 5G 功能，就只能啟動一張 SIM 卡，雙卡雙待時會變為雙 4G 待機。而 WiFi 連接與熱點功能最高則支援 WiFi 5。要用到超過 1Gbps 網絡分享速度的 WiFi 6，就要買應用 Snapdragon 865 CPU 的特定機款。

支援雙卡雙待功能

當使用 5G 功能，就只能啟動一張 SIM 卡

WiFi 連接最高支援 WiFi 5

WiFi 熱點亦最高支援 WiFi 5 的 5GHz.

螢幕支援 120Hz

除 5G 以外，小米 10T Lite 的賣點就是支援 120Hz 刷新率螢幕，螢幕可因應使用情況調整刷新率，可省電之餘，亦有助提升螢幕流暢度，令日常操作及遊戲都變得更爽。

支援 120Hz 刷新率螢幕，螢幕可因應使用情況調整刷新率

6400 萬像廣角鏡最高支援 10 倍變焦

小米 10T Lite 主相機由 6400 萬像素廣角鏡、800 萬像素超廣角鏡、200 萬像素景深鏡頭、200 萬像素微距鏡頭組成，雖然不設遠攝鏡頭，但可透過特高像素的廣角鏡，最高拍攝 10 倍數碼變焦的相片，不過即使日光以 4 倍變焦拍攝，相片放大都十分朦朧。用 X1 拍攝，表現都尚算不錯，但夜景拍攝，動態範圍不高，燈光位較易出現過曝，而且雜訊處理亦不見得很好。

超廣角鏡頭清晰度高

廣角鏡合格，但超廣角鏡頭的清晰度高，令人有一定驚喜，配合 HDR 功能還可以將動態效果提高，拍攝風景或建築物更加適合。

總結：又一高性價比之選

小米今年推出約 HK$2,000 的手機，一次又一次打破自己的性價比，正當大家認為賣 HK$2,499 的小米 10 Lite 5G 性價比最高的時間，又有一部小米 10T Lite，老土啲都要講句是另一個高性價比之選。

武漢肺炎疫情持續，口罩及個人清潔產品都成為搶手貨，LG 看準機會推出 PuriCare 口罩形空氣清新機，為用家帶來源源不絕的新鮮空氣。究竟部機係點、點用同埋好唔好用，睇睇今次真心評測就會知道。

雙無葉風扇抽風設計

LG PuriCare 外型就好似一個加厚版口罩，左右兩邊都會加入無葉風扇，打開風扇的蓋位，可以裝上 H13 HEAP 全效濾網，可過濾空氣中 > 99.95% 的懸浮微粒 (微粒大小為0.3 微米(μm))。掛耳部份可調整大小，連同頭帶使用，適合不同面型的用家。

吸咀部份以磁力安裝，採用醫療級矽膠物料，減低皮膚敏感的機會，長時間使用亦十分舒適，但無可避免在貼近皮膚的位置，由於皮膚被壓著，會有壓㾗或太熱會有汗。LG PuriCare 包括內亦附上 10 片內部濾網。連同 H13 HEAP（可阻隔 0.3微米）全效濾網使用，經 TÜV Rheinland 認証，有效過濾 97.3% 病毒。

LG PuriCare 外型就好似一個加厚版口罩

左右兩邊都會加入無葉風扇

打開風扇的蓋位，可以裝上 H13 HEAP 全效濾網

掛耳部份可調整大小

連同頭帶使用，適合不同面型的用家

包裝內附一對 H13 HEAP 全效濾網

吸咀部份醫療級矽膠物料

吸咀部份以磁力安裝

包裝內附五對內部濾網

內附收納包

設三段風速，戴住都聽唔到聲

LG PuriCare 使用十分簡單，於風扇蓋位及吸咀部份，加入 H13 HEAP 全效濾網及內部濾網，即可按開關鍵使用，使用時可因應需要，調節小、中、大的風速，按鍵時會應到嘟、嘟嘟、嘟嘟嘟作風速識別 (按開關鍵第四下為關機)。LG PuriCare 內建 820mAh 電量，可於低風速使用 8 小時，充電時間約為 2 小時，如經常戶外工作，電量會覺得並不足夠。

雖然本身有風，但由於採用無葉風扇，所以 LG PuriCare 在戴上後確實好靜，如非在靜音空間幾乎聽唔到聲，也不影響藍牙耳機收音。

按開關鍵使用

可因應需要，按一至三下調節小、中、大風速

以 USB C 充電

3M 豬咀比較舒適

戴上 LG PuriCare 有點似星球大戰的白兵，可緊貼面部，沒有造成空隙。無葉風扇抽風令呼吸十分暢順，而且調整最大風速，風扇還算寧靜。至於戴感方面，以小編習慣用 3M 6100 口罩比較，欠缺頭帶部份的 LG PuriCare 無疑在穩健性與舒適度都較為遜色。不過在街上行走的曯目度就會以 LG PuriCare 勝出。

戴上時可緊貼面部，沒有造成空隙

無葉風扇抽風令呼吸十分暢順，而且調整最大風速，風扇還算寧靜

總評：想型就揀 LG、實用揀 3M

實際戴 LG PuriCare 口罩形空氣清新機一週，LG 在街上的曯目度完勝一般口罩或 3M 的防毒面具或口罩。作為想型的人士，確實需要揀選 LG。

LG 使用的 H13 HEPA 在濾塵埃等確實可以達到阻隔 0.3微米的能力，與一般的 3M 防毒面具等效能相似，但考慮到有價格，3M 一般工業用的較便宜。另一方面，由於 3M 推出的濾芯款式眾多，當中包括隔絕異味的活性碳濾芯，如果有需要在異味較濃郁地方使用的話，選擇 3M 會較適合。

【武漢肺炎】防毒面具充當口罩，可行嗎？ 最緊要 P100

萬眾期待的 iPhone 12 終於推出，今代 iPhone 採用新設計，終於支援 5G，CPU 與拍攝規格都有升級，究竟好唔好用？值唔值得換機？睇下今次真心評測就會知。

iPhone 12 硬件規格

屏幕尺寸：6.1 吋 OLED，解像度 2532 x 1170 (60Hz)
機身體積：146.7 X 71.5 X 7.4mm
重量：162g
處理器：A14 Bionic CPU
儲存空間：4GB RAM + 64GB/ 128GB/ 256GB ROM
主相機：1200 萬像素 f/1.6 (26 mm) + 1200 萬像素 f/2.4 (14 mm)
前置相機：1200 萬像素
電池容量：2,815 mAh
防水：有 IP68
無線充電：有
5G：有
NFC：有
其他：Apple Pay 支援八達通、Face ID、18W 快速有線充電、15W MagSafe 磁吸式無線充電

又簿又輕又好握

無論係果粉，或者係一般換機客，見到 iPhone 12 大改款，都會更加挑起換機慾，起碼用機時都可以俾旁人知，正在用新一代 iPhone，有時換機原因就係禁膚淺。iPhone 12 機面採用 6.1 吋 2532 x 1170 解像度 OLED 「劉海」屏幕，雖然「劉海」設計無人會鍾意，但經過左幾年，用家應該都已經睇慣。

扁平的側框，設計像 iPhone 4，但不得不配服 Apple 是 iPhone 12 的機身還要比 iPhone 4 薄，加上機身只有 164g 重量，裸機用手感的確好好。玻璃機背用上實色，中間的 Apple 標誌帶反光效果，雙鏡主相機用方框包圍，設計都同上代相似。

iPhone 12 的額頭跟上代的 iPhone 11 沒有太大差別

iPhone 12 屏幕為 LG Display OLED

Apple iPhone 12 系列無論是 iPhone 12 Mini、12 Pro 還是 12 Pro Max 使用的 OLED 屏幕均使用來自 Samsung Display 的 OLED 屏幕。至於 iPhone 12 採用的則是 LG Display OLED 屏幕，與中國 BOE 京東方完全無關。在預計中的 8,000萬塊 OLED 屏幕中，Samsung Display 供應當中的 6,000萬，而 LG Display 則供應 2,000萬。

iPhone 12 的屏幕外還有一定厚度的邊框。

iPhone 12 的全直線設計，從機底看過去有像 iPhone 4 嗎？

iPhone 12 鏡頭沒有過去的突出。

iPhone 12 的背後硬度與 iPhone 11 相同

根據測試 iPhone 11 可承受 352 Newtons，而 iPhone 12 則可以承受 442 Newtons，上升約 25%。至於 iPhone 12 屏幕硬度則達到 8 級硬度，而 iPhone 11 則是 6 級硬度。不過，在手機的背面測試中，iPhone 11 與 iPhone 12 是一樣的。

iPhone 12 的藍色真機比想像中好看。

SIM Card 托仍然採用雙向設計。

跑分比 Snapdragon 865+ 仲要低

iPhone 12 採用 A14 Bionic CPU，是首粒 5nm 晶片，並配置 4GB RAM，相信不少人對它的 Antutu 跑分非常期待。不過用 Antutu 最新版本 (V8.3.5)，成績都係得 571,213 分，比應用 Snapdragon 865+ 的電競手機跑超過 600,000 分，的確是令人失望。

Antutu 跑分為 571,213

配置 4GB RAM)

雙咭支援 4G+4G，流動熱點功能支援 WiFi 6

對應 5G 是 iPhone 12 系列的重大賣點，在太古實試，下載速度都有 337 Mbps，速度飛快而且只有 9ms 時延。不過要用到 5G 網絡，就要放棄使用雙咭雙待功能，雙 nano SIM 咭都啟動時，暫只有 4G + 4G，當關閉一張 SIM 咭，網絡選擇的 5G 選項先會著燈。如果大家會用流動熱點功能，都建議大家升級，支援 WiFi 6，分享網絡速度超過 1Gbps，就算是支援 5G 的 Android 旗艦機，都唔係部部做到。

太古實試，下載速度都有 337 Mbps

5G 只支援單 SIM 咭啟動

流動熱點功能，支援 WiFi 6)

「劉海」屏幕是時間改變

iPhone 12 的 6.1 吋 OLED 屏幕，支援 HDR 顯示，用手機錄影的 4K 30fps Dolby Vision HDR 影片，都可以用這面屏幕觀看影片或編輯，Apple 在這方面想得還算周到。不過由於屏幕是「劉海」設計，Apps 或者用 YouTube 影片，唔能夠全屏幕顯示，YouTube 亦不支援 HDR 影片播放。睇黎 Apple 下一代 iPhone 都是時候改變。

支援 4K 30fps Dolby Vision HDR 影片

可用 6.1 吋 OLED 屏幕，直接觀看錄影的 HDR 影片

還可以進行編輯

玩遊戲有機會唔能夠全屏幕顯示

YouTube 亦不支援 HDR 影片播放

播放 YouTube 片亦不支援全屏幕顯示

雙鏡拍攝可靠穩定

iPhone 12 拍攝規格較同級手機簡單，只有 1200 萬像素 f/1.6 (26 mm) + 1200 萬像素 f/2.4 (14 mm) 雙鏡頭，今次兩支鏡頭，都用到夜間模式及 HDR 3 功能，兩鏡都有可靠而穩定的表現。26mm 鏡可拍到色彩真實，而非常清晰的相片，夜間拍攝大約 ISO 800 就會出現唔少雜訊，噪點控制仲係有不少提升空間。

14mm 超廣角配合 HDR 3 功能及影像修正功能，可拍出鏡影像扎實而動態範圍高的相片，拍攝效果令人有驚喜，低光用夜景模式，效果都有出色表現。

總結：除左跑分令人失望之外，會係一部好機

雖然 iPhone 12 跑分令人失望，但求學不是求分數，如果跑分高就係好機，那就不用評測手機吧。個人非常鍾意 iPhone 12 的輕巧手感，裸機用真係一流，而且 5G 網絡高速，亦支援 WiFi 6 流動熱點分享，可以將 5G 網絡全速分享。拍攝方面可靠穩定，質素一定在手機中的前列。

Google 自從推出 Pixel 系列以來，都是希望利用軟件的實力，從而令硬件性能發揮到極致。今次推出的 Google Pixel 5G，用上 Snapdragon 765G CPU，就當自己是旗艦手機，睇下今次真心評測，就知道 Google 係咪咁堅。

Google Pixel 5 硬件規格

螢幕尺寸：6.0″ 吋 OLED (2340×1080)
螢幕比例 19.5:9
機身體積：144.7 x 70.4 x 8.0 mm
重量：151g
處理器：Snapdragon 765G
儲存空間：8GB RAM (LPDDR4x RAM) + 128GB ROM
主相機：1220 萬像素 Dual-Pixel 技術 f/1.7 光圈鏡頭 + 1600 萬像素 f/2.2 光圈鏡頭 107 度超廣角鏡頭
前置相機：800 萬像素 f/2.0 光圈鏡頭
電池容量：4000 mAh
防水：有 IP68
無線充電：有
5G：有
NFC：有
其他：指紋解鎖、IP68 防水、nano SIM + eSIM、支援 5G、18W 快速充電功能、90Hz 螢幕刷新率

最靚的 Pixel 手機

Google Pixel 手機之中，Pixel 5 絕對是最靚的一部。6 吋 OLED 螢幕，螢佔比高，機身無好花巧的修飾，只是開關用左銀色去襯托，亦都方便用家辨別。帶磨沙質感的綠色鋁金屬機背，個人聯想到近年興起放在浴室放冼腳的硅藻土，其實拎起部機，質感都有點似，令到部機簡約之餘，都有番啲特色。

6 吋 OLED 螢幕，螢佔比高

設 800 萬像素前置相機

開關用左銀色去襯托

USB-C 充電

帶磨沙質感的綠色鋁金屬機背，質感有點像硅藻土

機背設指紋識別器

鏡頭接近無凸出機背

運行原生 Android 11

運行清水一樣原生 Android 11 的 Google Pixel 5，操作方面無乜特色功能，不少 Android 機有的應用雙開及遊戲模式等，都唔會在原生 Android 11 系統出現。不過可以省電的深色模式，將螢屏設定為 90Hz，或者全新在螢屏底部兩側啟動 Google Assistant 的操作方式，就可以在 Google Pixel 5 率先玩到。

運行 Android 11

省電的深色模式

將螢屏設定為 90Hz

螢屏底部兩側可啟動 Google Assistant

僅支援單 nano SIM 咭，跑分成績預期之內

雖然 Google Pixel 5 定位是旗艦機，但規格只係配備 Snapdragon 765G CPU、8GB LPDDR4x RAM 及 128GB ROM，單從 Antutu 跑分得 289,516 分，就見到它只有中階 Android 機的效能。而且機身只可以安裝一張 nano SIM 咭，香港能唔能夠用到配合到電訊商的 eSIM 功能，暫時都是未知之數。

Antutu 跑分得 289,516 分

只可安裝一張 nano SIM

支援 eSIM

AI 拍攝輔助及提示功能都算好用

Google Pixel 5 採用全新雙鏡頭主相機，由 1220 萬像素 Dual-Pixel 技術 f/1.7 光圈鏡頭 + 1600 萬像素 f/2.2 光圈鏡頭 107 度超廣角鏡頭組合而成，首先要讚下佢個 AI 拍攝輔助及提示功能，例如偵察到你拍風景，會啟動水平尺，如果太近拍攝，超過左最近對焦距離，又會提示你行番遠少少影。

點選對焦點時，對焦點會自動變成追焦功能，可以減低失焦的機會。不過，操作介面有一個地方做得唔好，就係唔可以好輕易咁切換鏡頭，而係用家要由 X0.6-X7 自行去調整。

例如偵察到你拍風景，會啟動水平尺

太近拍攝，超過左最近對焦距離，又會提示你行番遠少少影

超廣角鏡效果令人失望

作為一部旗艦機，超廣角鏡頭竟然無自動對焦，已經令人失望，而且只有前面清後面朦，拍攝效果認真唔合格，寧願用番一個鏡頭，賣平番幾百蚊會仲好。

廣角鏡雜訊對比其他旗艦機較多

廣角鏡日光拍攝都唔難影到靚相，用最遠 7 倍數碼變焦，影像都已經幾鬆散下。用手持夜景模式試拍，即使很暗已關門的店舖，亦都好似開了燈，衣服色彩得以重現，但 ISO 764 雜訊比較多，有機會是由於 Snapdragon 765G 內的圖像處理器，表現不及旗艦 CPU 引致。

總結：還有 Google Pixel 5 XL 嗎？

以 Google 的軟件技術，今次 Pixel 5 表現個人認為並不合格，部機除左靚同運行原行 Android 系統安全性比較高之外，就搵唔到其他賣點，特別係鏡頭部份曾經令人帶來期望，但最終只能夠失望而回。Pixel 手機始終還是以算法取勝，算法再強，但始終無法掩蓋硬體方面的弱點。

希望 Google 今年推出 Google Pixel 5 XL，能夠真正用旗艦機規格，做番出好戲俾用家睇。如果你買 Pixel 5 係想升級個鏡頭的話，或者可以慳番啲錢。

Google Pixel 5 水貨價 HK$6,480（感謝三禾電氣借出 Google Pixel 5 作測試之用）

一場新冠肺炎，改變了不少人的生活習慣，產品的 Mobilebility 尤其重要，可以應付到在家以及突然要出外出的需要。ZOHO 推出的 Z15KT 正正是一款流動性極高，方便連接不同產品的 15.6″ 4K HDR 觸控螢幕。

機身纖薄的 ZOHO Z15KT，機面兩側的邊框極窄，包裝入面已有作座枱架的機套，方便用家外帶使用。ZOHO Z15KT 機身設有 2 組 USB-C、HDMI 與 USB-A 插頭，主機支援 USB-C PD 及電源兩種供電方式，外帶一個支援 5V 3A 的外置電源，就可以為它外出供電使用。

機面兩側的邊框極窄

包裝入面已有作座枱架的機套

ZOHO Z15KT 機身設有 2 組 USB-C、HDMI

操作按鍵與 USB-A 設於另一側

支援 USB-C PD 及電源兩種供電方式

ZOHO Z15KT 盒內，還有 HDIM 線、USB-A to USB C 線及 USB-C to USB C 線，方便用家連接不同裝置，最重要是它支援遙控操作，會比同類產品，只可以用機側的操作鍵更加方便。

盒內有 HDIM 線、USB-A to USB C 線及 USB-C to USB C 線

支援遙控操作

進行螢幕設定會比同類產品方便

盒內還有可多角度調教的座檯架

連接電腦與手機都支援觸控操作

今次試玩，小編分別將 ZOHO Z15KT 以 HDMI 連接 PS4 遊戲機、以 USB-C 連接本身不是觸控螢幕的 Windows 10 Notebook 及 Samsung Galaxy Note 20 Ultra。

連接 PS4 時，由於 ZOHO Z15KT 支援 100% sRGB 色域與 HDR 顯示，玩支援的遊戲時，亦可以用 HDR 功能，提高顯示動態效圍，屏幕亦設有喇叭及 3.5mm 耳機插頭，都外放遊戲音樂，或者私人享受都可以。

玩 PS4 時，螢幕可作 HDR 顯示

屏幕亦設有喇叭及 3.5mm 耳機插頭

雖然小編部 Windows 10 Notebook 無觸控螢幕，但連接了 ZOHO Z15KT 之後，它的觸控螢幕功能都用到，試播 YouTube 的 4K 影片，畫質無疑比只有 FHD 的 Notebook 屏幕更加細緻。

播 YouTube 的 4K 影片，畫質無疑比只有 FHD 的 Notebook 屏幕更加細緻

最後連接 Samsung Galaxy Note 20 Ultra，即時用到 Samsung 手機的 DeX 電腦介面功能，配合觸控螢幕，有使用平板或 Notebook 的體驗。以一個便攜屏幕來講，支援 4K 及觸控，令使用上更似一部 Notebook，使用上較純屏幕更方便，特別適合連接手機或者電腦上使用。如果你係睇片打機外都有工作需要，咁要考慮購買有觸控嘅版本。

ZOHO Z15PT（觸控版 1080p） 定價：HK$1780
ZOHO Z15KT（觸控版 4K） 定價：HK$2580