Google 自從推出 Pixel 系列以來，都是希望利用軟件的實力，從而令硬件性能發揮到極致。今次推出的 Google Pixel 5G，用上 Snapdragon 765G CPU，就當自己是旗艦手機，睇下今次真心評測，就知道 Google 係咪咁堅。

Google Pixel 5 硬件規格

螢幕尺寸：6.0″ 吋 OLED (2340×1080)
螢幕比例 19.5:9
機身體積：144.7 x 70.4 x 8.0 mm
重量：151g
處理器：Snapdragon 765G
儲存空間：8GB RAM (LPDDR4x RAM) + 128GB ROM
主相機：1220 萬像素 Dual-Pixel 技術 f/1.7 光圈鏡頭 + 1600 萬像素 f/2.2 光圈鏡頭 107 度超廣角鏡頭
前置相機：800 萬像素 f/2.0 光圈鏡頭
電池容量：4000 mAh
防水：有 IP68
無線充電：有
5G：有
NFC：有
其他：指紋解鎖、IP68 防水、nano SIM + eSIM、支援 5G、18W 快速充電功能、90Hz 螢幕刷新率

最靚的 Pixel 手機

Google Pixel 手機之中，Pixel 5 絕對是最靚的一部。6 吋 OLED 螢幕，螢佔比高，機身無好花巧的修飾，只是開關用左銀色去襯托，亦都方便用家辨別。帶磨沙質感的綠色鋁金屬機背，個人聯想到近年興起放在浴室放冼腳的硅藻土，其實拎起部機，質感都有點似，令到部機簡約之餘，都有番啲特色。

6 吋 OLED 螢幕，螢佔比高

設 800 萬像素前置相機

開關用左銀色去襯托

USB-C 充電

帶磨沙質感的綠色鋁金屬機背，質感有點像硅藻土

機背設指紋識別器

鏡頭接近無凸出機背

運行原生 Android 11

運行清水一樣原生 Android 11 的 Google Pixel 5，操作方面無乜特色功能，不少 Android 機有的應用雙開及遊戲模式等，都唔會在原生 Android 11 系統出現。不過可以省電的深色模式，將螢屏設定為 90Hz，或者全新在螢屏底部兩側啟動 Google Assistant 的操作方式，就可以在 Google Pixel 5 率先玩到。

運行 Android 11

省電的深色模式

將螢屏設定為 90Hz

螢屏底部兩側可啟動 Google Assistant

僅支援單 nano SIM 咭，跑分成績預期之內

雖然 Google Pixel 5 定位是旗艦機，但規格只係配備 Snapdragon 765G CPU、8GB LPDDR4x RAM 及 128GB ROM，單從 Antutu 跑分得 289,516 分，就見到它只有中階 Android 機的效能。而且機身只可以安裝一張 nano SIM 咭，香港能唔能夠用到配合到電訊商的 eSIM 功能，暫時都是未知之數。

Antutu 跑分得 289,516 分

只可安裝一張 nano SIM

支援 eSIM

AI 拍攝輔助及提示功能都算好用

Google Pixel 5 採用全新雙鏡頭主相機，由 1220 萬像素 Dual-Pixel 技術 f/1.7 光圈鏡頭 + 1600 萬像素 f/2.2 光圈鏡頭 107 度超廣角鏡頭組合而成，首先要讚下佢個 AI 拍攝輔助及提示功能，例如偵察到你拍風景，會啟動水平尺，如果太近拍攝，超過左最近對焦距離，又會提示你行番遠少少影。

點選對焦點時，對焦點會自動變成追焦功能，可以減低失焦的機會。不過，操作介面有一個地方做得唔好，就係唔可以好輕易咁切換鏡頭，而係用家要由 X0.6-X7 自行去調整。

例如偵察到你拍風景，會啟動水平尺

太近拍攝，超過左最近對焦距離，又會提示你行番遠少少影

超廣角鏡效果令人失望

作為一部旗艦機，超廣角鏡頭竟然無自動對焦，已經令人失望，而且只有前面清後面朦，拍攝效果認真唔合格，寧願用番一個鏡頭，賣平番幾百蚊會仲好。

廣角鏡雜訊對比其他旗艦機較多

廣角鏡日光拍攝都唔難影到靚相，用最遠 7 倍數碼變焦，影像都已經幾鬆散下。用手持夜景模式試拍，即使很暗已關門的店舖，亦都好似開了燈，衣服色彩得以重現，但 ISO 764 雜訊比較多，有機會是由於 Snapdragon 765G 內的圖像處理器，表現不及旗艦 CPU 引致。

總結：還有 Google Pixel 5 XL 嗎？

以 Google 的軟件技術，今次 Pixel 5 表現個人認為並不合格，部機除左靚同運行原行 Android 系統安全性比較高之外，就搵唔到其他賣點，特別係鏡頭部份曾經令人帶來期望，但最終只能夠失望而回。Pixel 手機始終還是以算法取勝，算法再強，但始終無法掩蓋硬體方面的弱點。

希望 Google 今年推出 Google Pixel 5 XL，能夠真正用旗艦機規格，做番出好戲俾用家睇。如果你買 Pixel 5 係想升級個鏡頭的話，或者可以慳番啲錢。

Google Pixel 5 水貨價 HK$6,480（感謝三禾電氣借出 Google Pixel 5 作測試之用）

一場新冠肺炎，改變了不少人的生活習慣，產品的 Mobilebility 尤其重要，可以應付到在家以及突然要出外出的需要。ZOHO 推出的 Z15KT 正正是一款流動性極高，方便連接不同產品的 15.6″ 4K HDR 觸控螢幕。

機身纖薄的 ZOHO Z15KT，機面兩側的邊框極窄，包裝入面已有作座枱架的機套，方便用家外帶使用。ZOHO Z15KT 機身設有 2 組 USB-C、HDMI 與 USB-A 插頭，主機支援 USB-C PD 及電源兩種供電方式，外帶一個支援 5V 3A 的外置電源，就可以為它外出供電使用。

機面兩側的邊框極窄

包裝入面已有作座枱架的機套

ZOHO Z15KT 機身設有 2 組 USB-C、HDMI

操作按鍵與 USB-A 設於另一側

支援 USB-C PD 及電源兩種供電方式

ZOHO Z15KT 盒內，還有 HDIM 線、USB-A to USB C 線及 USB-C to USB C 線，方便用家連接不同裝置，最重要是它支援遙控操作，會比同類產品，只可以用機側的操作鍵更加方便。

盒內有 HDIM 線、USB-A to USB C 線及 USB-C to USB C 線

支援遙控操作

進行螢幕設定會比同類產品方便

盒內還有可多角度調教的座檯架

連接電腦與手機都支援觸控操作

今次試玩，小編分別將 ZOHO Z15KT 以 HDMI 連接 PS4 遊戲機、以 USB-C 連接本身不是觸控螢幕的 Windows 10 Notebook 及 Samsung Galaxy Note 20 Ultra。

連接 PS4 時，由於 ZOHO Z15KT 支援 100% sRGB 色域與 HDR 顯示，玩支援的遊戲時，亦可以用 HDR 功能，提高顯示動態效圍，屏幕亦設有喇叭及 3.5mm 耳機插頭，都外放遊戲音樂，或者私人享受都可以。

玩 PS4 時，螢幕可作 HDR 顯示

屏幕亦設有喇叭及 3.5mm 耳機插頭

雖然小編部 Windows 10 Notebook 無觸控螢幕，但連接了 ZOHO Z15KT 之後，它的觸控螢幕功能都用到，試播 YouTube 的 4K 影片，畫質無疑比只有 FHD 的 Notebook 屏幕更加細緻。

播 YouTube 的 4K 影片，畫質無疑比只有 FHD 的 Notebook 屏幕更加細緻

最後連接 Samsung Galaxy Note 20 Ultra，即時用到 Samsung 手機的 DeX 電腦介面功能，配合觸控螢幕，有使用平板或 Notebook 的體驗。以一個便攜屏幕來講，支援 4K 及觸控，令使用上更似一部 Notebook，使用上較純屏幕更方便，特別適合連接手機或者電腦上使用。如果你係睇片打機外都有工作需要，咁要考慮購買有觸控嘅版本。

ZOHO Z15PT（觸控版 1080p） 定價：HK$1780
ZOHO Z15KT（觸控版 4K） 定價：HK$2580

旗艦機愈賣愈貴，以前出名平嘅小米，今年旗艦機最低定價都要接近 HK$4,000。不過 Samsung 反其道而行，推出定價唔洗 HK$5,000 的 Samsung Galaxy S20 FE，名稱睇落同 S20 Ultra 及 S20 系列一樣，睇落好似誠意十足，但用落有無伏可以嚮今次真心評測知道。

Samsung Galaxy S20 FE 硬件規格

螢幕尺寸：6.5″ 吋 Infinity-O Super AMOLED (2400×1080)
螢幕比例 20:9
機身體積：159.8 x 74.5 x 8.4 mm
重量：190g
處理器：Qualcomm Snapdragon 865
儲存空間：8GB RAM (LPDDR5) + 128GB ROM (UFS 3.1)
主相機：1200 萬畫素 f/1.8 光圈主鏡頭、1200 萬 f/2.2 光圈超廣角鏡頭、1200 萬像素 f/2.4 光圈 3 倍遠攝鏡頭
前置相機：3200 萬像素 f/2.2 光圈鏡頭
電池容量：4500 mAh
防水：有 IP68
WiFi 6：無
無線充電：無
5G：有
NFC：有
其他：螢幕指紋解鎖、25W 有線快速充電、15W 快速無線充電、4.5W 反向無線充電

輕身霧面機背

Samsung Galaxy S20 FE 定位係入門旗艦機，而仲叫佢做旗艦原因係處理器仍然係 Qualcomm S865。另外 S20 FE 亦都有 IP68 防水機身，有比 Galaxy S20 更大的 6.5″ Infinity-O Super AMOLED 螢幕，規格唔失禮。

不過 S20 FE 螢幕邊框明顯較闊，睇得出造工係無咁細緻，比較似中階機的做法，這似乎是 FE 代號入門旗艦的特色之一。3200 萬像素前相機的開孔直徑，只有 3.34mm，是開孔部份最小的 Samsung 手機，呢方面又值得為佢添加分數。

有比 Galaxy S20 更大的 6.5″ Infinity-O Super AMOLED 螢幕

音量鍵與開關都在機身右邊

SIM 咭槽在機頂

USB-C 充電

有 5 個顏色選擇嘅 Samsung Galaxy S20 FE 都會用霧面機背，用色無論老中青都會鍾意。機身物料輕巧，令部機只有 190g，令到手感非常舒適，而且主相機部份亦無 S20 或 S20+ 咁凸出，整個設計會合乎大眾心水。

而且主相機部份亦無 S20 或 S20+ 咁凸出

Samsung Galaxy S20 FE 採用霧面機背

系統功能絕無偷工減料

Samsung Galaxy S20 FE 運行 Android 10 系統，在 One UI 介面功能絕對沒有偷工減料，可同時安裝兩個相同社交應用的 Dual Messenger、接近可以將手機當成兩部機用的安全資料夾功能、將手機變成電腦咁用嘅 DeX 模式、4.5W 反向無線充電 Power Share 功能，在這款入門旗艦機都可以用到。

Dual Messenger

安全資料夾

DeX 模式

Power Share 功能

螢幕支援 120Hz

Samsung Galaxy S20 FE 的 6.5″ Infinity-O Super AMOLED FHD+ 螢幕，支援螢幕指紋解鎖，用左光感識別技術，比以往所用的超聲波技術，識別時間更加快速。

而螢幕支援 120Hz 刷新率，未有像 Note 20 Ultra 加入因應使用情況調整刷新率的技術。個人目測發現，與 Galaxy S20 Ultra 同時用 120Hz 刷新率，上下滑動操作，Samsung Galaxy S20 FE 螢幕會有較明顯的殘影問題，舒適度未如 Galaxy S20 Ultra。

效能頂級，同樣支援快速有線及無線充電

Samsung Galaxy S20 FE 規格用左 Snapdragon 865 CPU 及 8GB LPDDR5 RAM，Antutu 跑分達到 578,999 分，效能與 S20、S20+ 及 S20 Ultra 沒有太大分別。

行貨今次巧妙咁入左 128GB ROM 版本，希望同其他 S20 系列手機有容量上有明顯的分隔，但 Galaxy S20 FE 的 SIM 咭槽都可以因應需要安裝 Micro SD 卡擴充，大家唔洗擔心唔夠位用。它的 4500 mAh 電量亦同樣支援 25W 有線快速充電及 15W 快速無線充電，功能都同 S20 系列手機睇齊。

Antutu 跑分達到 578,999 分

SIM 咭槽都可以因應需要安裝 Micro SD 卡擴充

拍攝規格同 S20 系列有少少分別

今次 Samsung Galaxy S20 FE 拍攝規格同 S20 系列其實係有少少分別，

• 1,200 萬像素 Dual Pixel 對焦 F1.8 OIS 主鏡
• 1,200 萬像超廣角鏡
• 具備 3x 光學、30x Space Zoom 變焦的 800 萬像素遠攝鏡構成

首先 1200 萬畫素 f/1.8 光圈主鏡頭，其支援 Dual Pixel 對焦同埋光學防手震，特性會跟 S20 與 S20+ 相同； f/2.2 光圈超廣角鏡係用左 1/3.0″ 1200 萬像素感光元件，感光元件比 S20 與 S20+ 超廣角鏡所應用的 1/2.55″ 1200 萬像素感光元件更細；遠攝鏡會採用真正的 3 倍遠攝鏡頭，與 S20 與 S20+ 利用 6400 萬像素感光元件 28mm 鏡頭，再利用數碼變焦作遠距離拍攝的規格完全不同。

主攝鏡效果出色

Samsung Galaxy S20 FE 主攝鏡所拍攝的效果出色，拍攝植物的清晰度、色彩飽和度與層次感，都會令人相當滿意，低光拍攝支援手持夜景模式，ISO 1250 亦有不錯的雜訊處理能力。

超廣角鏡還需調教

未知是超廣角鏡感光元件問題還是軟件未作最終調整，相片邊緣位置有明顯色線，高光差拍攝時，色線會更為明顯。

遠攝鏡支援 30 倍變焦，實用達 10倍

3 倍遠攝鏡亦有不錯的清晰度，最高支援 30 倍數碼變焦，個人認為 10 倍數碼變焦內，效果都可以接受。而在拍攝介面，可以選擇 X3、X4、X10、X20 及 X30 拍攝，當使用 X20 及 X30 時，拍攝介面左上角會出現小視窗，協助大家取景。

在拍攝介面，可以選擇 X3、X4、X10、X20 及 X30 拍攝

X20 及 X30 時，拍攝介面左上角會出現小視窗，協助大家取景

屏幕觸控問題未浮現

如果你有留意外國報導，部份地區的用戶表示 Samsung Galaxy S20 FE 的屏幕有觸控問題，在觸控時要不反應遲鈍，要不會錯誤地選擇，導導致畫面抖動，而關的觸決方法最差是需要重啟手機。這個問題暫時在我們真心評測期間未浮現，或許是我們運氣好，但到底這個問題會否大規模出現在香港用戶，則需要大家買了回家慢慢試才知道。

總結：Samsung 最高性價比手機

Samsung Galaxy S20 FE 雖然超廣角鏡表現唔算好好，但螢幕質素、硬件性能、系統功能都跟 S20 系列沒有太大分別。Samsung 巧妙地將一啲可以減省成本的外觀設計減省，例如窄邊框、彎曲屏幕、Dynamic 120Hz、50x Space Zoom 等華而不實的項目刪除，但卻保留番 S20 旗艦的主要硬體規格，令一啲鐘意追求純數字規格的用戶，能夠突破 $5,000 這個心理關口，直擊過去小米最強的「高性價比」位置。

作為傳統的 Samsung 用戶，習慣左要到最好，S20 FE 未必係你選擇，但接受唔到用貴嘅價錢買小米，或者其他中國製手機的話，Samsung S20 FE 絕對是今年 Samsung 最高性價比手機。或者咁講，如果佢唔用「S20」之名，把手機名改做「A」系，大家會易接受好多。

手機與相機牌子合作，都不是新鮮事，要數近年最成功例子，必然係華為與 Leica，不單只將華為形象翻身，更開拓了歐洲市場。Nokia 與老拍擋 Zeiss 去年重新合作，感覺是雷聲大雨點小，最近推出的 Nokia 8.3 5G，一方面是首部 Nokia 的 5G 手機，另一方面亦加入了 Zeiss 鏡頭，有無帶比用家驚喜呢？睇睇今次真心評測就會知道。

Nokia 8.3 5G 硬件規格

螢幕尺寸：6.81 吋 PureDisplay (2340×1080)
螢幕比例 20:9
機身體積：171.90 x 78.56 x 8.99 mm
重量：227g
處理器：Snapdragon 765G
儲存空間：8GB RAM (LPDDR4) + 128GB
主相機：採用 ZEISS Optics PureView 四鏡頭成像系統。6400 萬畫素 f/1.89 主鏡頭、1200 萬 f/2.2 超廣角鏡頭，200 萬畫素景深感光元件，以及 200 萬畫素感光元件加上微距鏡頭
前置相機：2400 萬像素
電池容量：4500 mAh
防水：無
WiFi 6：無
無線充電：無
5G：有
NFC：有
其他：18W 有線快速充電、FM 收音機、Google Assistant 鍵、OZO Audio

大部墜手，有 3.5mm 耳機插

Nokia 8.3 5G 有特大 6.81 吋 PureDisplay 開孔螢幕，由於螢幕的屏佔比不高，對比螢幕更大 6.9 吋，而相同 20:9 螢幕比例的 Samsung Galaxy S20 Ultra 仲要大部，而且重量達到 227g，亦都比 Galaxy S20 Ultra 更重，用落的確大部兼墜手。

Nokia 8.3 5G 有特大 6.81 吋 PureDisplay 螢幕

開孔螢幕內藏 2400 萬像素前置相機

配合玻璃機背，重量達到 227g

Nokia 8.3 5G 未有主流的螢幕指紋識別功能，將指紋識別器放到機側的開關鍵內，用落都算順手。同時保留 Google Assistant 鍵，保留 Nokia 手機的特色。機底設有 3.5mm 耳機插頭，連接後除左聲歌之外，仲可以用機入面嘅 FM 收音機功能。而 SIM 咭槽仲可以因應使用情況，加入 Micro SD 卡擴充。

指紋識別器放到機側的開關鍵內

機底設有 3.5mm 耳機插頭

設 FM 收音機功能

保留 Google Assistant 鍵，保留 Nokia 手機的特色

PureDisplay 可將 SDR 影像升級為 HDR 影像

運行原生 Android 系統的 Nokia 8.3 5G，相對其他 Android 機欠缺了特色。而由於它採用了 PureDisplay 螢幕，在螢幕設定內，可以將 PureDisplay 功能啟動，可將 SDR 內容升級為 HDR。在 YouTube 播放相同影片，使用了 PureDisplay 功能後，色彩層次更加豐富，而暗位亦可顯示更多細節部份。

螢幕設定內，可以將 PureDisplay 功能啟動

關閉 PureDisplay 功能

啟動 PureDisplay 功能，色彩層次更加豐富

關閉 PureDisplay 功能

啟動 PureDisplay 功能，暗位亦可顯示更多細節部份

效能僅屬中階機，支援 2 年 Android 系統升級

內建 Snapdragon 765G CPU 的 Nokia 8.3 5G，於 Antutu 跑分成績為 286114 分，對比當今 Android 機最高的 Snapdragon 865+ CPU，效能足足低一半，可見 Nokia 8.3 5G 僅為 Android 中階機的級數，雖然像標題中有復興感覺，但不要誤會是旗艦等級。

8GB RAM 及 128GB ROM 的規格，對一般用家黎講都叫夠用，5G 網絡方面，將來可透過軟件更新，獲得 5G+4G 雙咭雙待功能。而官方亦指會為 Nokia 8.3 5G 帶來兩年 Android 系統升級及 3 年安全性更新，買機後唔怕變做孤兒仔。

跑分成績為 286114 分

將來可透過軟件更新，獲得 5G+4G 雙咭雙待功能

主打 Zeiss 四鏡相機

Nokia 8.3 5G 是首部 Nokia 5G 手機之外，Zeiss 四鏡相機都是它的主力賣點，大家可以先看看它的拍攝規格

主相機：採用 ZEISS Optics PureView 四鏡頭成像系統。
6400 萬畫素 f/1.89 主鏡頭
1200 萬 f/2.2 超廣角鏡頭
200 萬畫素景深感光元件
200 萬畫素感光元件加上微距鏡頭

前置相機：2400 萬像素

主鏡頭色彩層次豐富

Nokia 8.3 5G 的 6400 萬像素主鏡頭，拍攝色彩層次豐富，相片亦有相當出色的清晰度，畫質有旗艦機水平。夜景模式下有晚上變成白天的能力，而且雜訊處理比自動模式拍攝更好，相片對比度與立體感亦有提升。

超廣角鏡放大有微粒

超廣角鏡色彩表現亦相當理想，可以歸功於 Zeiss 鏡頭的威力，不過就算在低 ISO，相片在暗位部份都有明顯微粒，有機會是 Snapdragon 765G 雜訊處理表現較差所致。

景深鏡可玩 Zeiss 散景效果，微距鏡像素太低

微距鏡與景深鏡都只有 200 萬像素，前者雖然最近對焦距離為 4CM，即使可以非常接近主體拍攝，但相片的清晰地不高，只能足夠 Facebook 分享。景深鏡就會連同主鏡頭同時拍攝，拍攝後可以在圖片編輯器，切換三種 Zeiss 景深效果，散景的虛化等級亦都可以自由選擇。

景深相片拍攝後，可以在圖片編輯器，切換三種 Zeiss 景深效果

前後鏡同時錄影，加入影院模式及 Zeiss 濾鏡

Nokia 8.3 5G 最高支援 4K 60fps 影片，除了支援前後鏡頭同時錄影以外，仲加入全新影院模式。影院模式就像旗艦手機的手動影片功能，可啟動 OZO Audio 360 度收音，並支援 H-Log 格式，方便用家後製影片。錄影後，亦可以在影片編輯器中，選擇多達 10 種 Zeiss 影片濾鏡，更有 Mood 的影片一按就可以產生。

前後鏡頭同時錄影

影片支援 H-Log 格式，方便用家後製影片

設有影片編輯器

選擇多達 10 種 Zeiss 影片濾鏡

總結：拍攝功能愈來愈齊，睇到復興之路

以現今手機來說，定價唔算貴的 Nokia 8.3 5G，效能雖然唔太出色，但有 Zeiss 鏡頭與軟件技術加持，拍攝質素與功能都愈見完美，相比過去幾乎原生的 Android 系統，可以見到多一點點定制。明年華為或會因美國禁令，漸漸退出手機市場，被迫讓出中階市場，令 Android 中階市場變成群雄割據局面。如果 Nokia 繼續踏實地做好手機拍攝功能，或者可以瓜分華為的市場，成功吸引一些不愛 Samsung 或 SONY 的用戶，或者係一條復興之路。

摺疊螢幕手機在去年面世，Samsung 首作 Galaxy Fold 令用家嘩然，不過其機身設計，存在不少缺點。今年摺疊螢幕設計已不再新鮮，新一代手機 Samsung Galaxy Z Fold 2 一旦用家唔滿意，分分鐘會影響到今後摺疊螢幕的產品計劃，產品使用上的進化，都值得大家留意。今次嘅真心評測，再同大家睇下 Galaxy Z Fold 2 仲有咩可以改進得更好。

Samsung Galaxy Z Fold 2 硬件規格

機面螢幕：6.2 吋 2260 X 816 解像度 25:9 Super AMOLED Infinity-O (60Hz)
機內螢幕：7.6 吋 2208 X 1768 解像度 22.5:18 Dynamic AMOLED 2X (120Hz)
機身體積：
(完全摺疊時) 159.2 （長）x 68.0 （闊）x 16.8 （鉸位）– 13.8mm
(打開時) 159.2（長）x 128.2（闊） x 6.9（屏幕連框） – 6.0（屏幕）mm
重量：282g
處理器：Snapdragon 865+ (八核 3.09GHz)
儲存空間：12GB RAM + 512GB ROM
主相機：1200 萬像素 f/1.8 (26 mm) + 1200 萬像素 f/2.2 (13mm) + 1200 萬像素 f/2.4 (52mm)
前置相機：
機面 1000 萬像素 f/2.2
機內 1000 萬像素 f/2.2
電池容量：4500 mAh
防水：無
WiFi 6：有
無線充電：25W 快速有線充電、11W 快速無線充電、Power Share 無線逆向充電
5G：有
NFC：有

外型不變，Detail 位大改造

Samsung Galaxy Z Fold 2 保留上代 Galaxy Fold 的外觀，但細節部份全改，令人耳目一新。機面換上了一塊 6.2 吋開孔螢幕，螢幕已佔據機面超過 80% 範圍，比上代只係 4.6 吋螢幕，觀感唔只提升左一個層次。試玩時，大部份時間，甚至係拍攝時，都淨係用機外螢幕，機入面的 7.6 吋摺疊螢幕，都是用來上網或者睇片為主。

機面換上了一塊 6.2 吋開孔螢幕

前相機為 1000 萬像素

Samsung Galaxy Z Fold 2 摺疊起來加上機背三鏡頭凸出部份，令到機身看起來比較厚，好彩單手都可以用機外的螢幕操作，但由於機身都幾重，單手用一陣就會覺得有點累。側框設有指紋識別器，並加入拉絲紋，用手指尖輕輕觸摸，可以感受到拉絲紋的凹凸感。

摺疊起來加上機背三鏡頭凸出部份，令到機身看起來比較厚

側框設有指紋識別器

手指尖輕輕觸摸，可以感受到拉絲紋的凹凸感

以 USB-C 充電

機背設三鏡頭相機

摺骹部份亦經過重新設計，打開與收合摺疊螢幕時，都變得更加順滑，而且可以多角度停止，摺疊螢幕的使用方式，亦由上代只有完全打開，變為可以半摺疊使用，令一塊 7.6 吋摺疊螢幕，變成上下兩塊螢幕使用。

Samsung 對第一代出問題的摺疊鉸鏈位置進行了大改造。Samsung 在鉸鏈內部使用的 CAM 結構可以提高剛度，從而使鉸鏈感覺非常堅固。剛性也是使 Flex 模式成為可能的原因。借助 Flex 模式，鉸鏈可以在完全打開和完全關閉之間的任意角度（80 至 160 度之間）自由停止，讓你在內部顯示屏上使用不同的呈現方式，與之配合也進行了一些軟件改進，可以更有效的使用 Flex 模式。

Fold 2 在機身和鉸鏈外殼之間留有纖維以防止灰塵和污垢進入，提高了鉸鏈的耐用性。這次的鉸鏈在折疊和展開動作沒有吱吱作響或擺動。Samsung 指出鉸鏈的折疊能力為 200,000 次。

摺骹背面設有 Samsung 標誌

打開與收合摺疊螢幕時，都變得更加順滑

打開機身，7.6 吋摺疊螢幕亦都換上了開孔設計，觀感亦都比上代好。摺痕比上代明顯，摸落摺痕位置係會凹陷，估計是由於摺疊螢幕機面加入了 Samsung 超薄玻璃所致。

7.6 吋摺疊螢幕亦都換上了開孔設計

內螢幕都設有 1000 萬像素前置相機

摺痕比上代明顯

摺疊螢幕更多玩法

由上代只可以單一地摺疊打開使用，將摺骹部份改良的 Samsung Galaxy Z Fold 2，使用方式有更多變化，例如可以好似 Notebook 咁橫向打開，將摺疊螢幕成 L 形。輸入文字時，摺疊螢幕下半部份的按鍵，中間份部特意留空，令到大家打字時，兩隻手不會做成碰撞，就像在電腦鍵盤上打字一樣。

摺疊螢幕輸入文字時，中間份部特意留空

以往 Android 機的屏幕分割功能，都是只能將屏幕上下一分為二，同時啟動兩個 Apps，Samsung 盡用了 Galaxy Z Fold 2 的特大屏幕，可以同時啟動 3 個 Apps，如啟動 Gmail 與相簿，可以將相片拖到 Gmail 內成為附件，令到操作更加直覺。而且當同時啟動三個 Apps 後，所選擇的 Apps 組合，會記錄在側屏幕快捷應用介面，要重新選用亦都非常方便。

摺疊螢幕同時啟動 3 個 Apps

同時啟動三個 Apps 後，所選擇的 Apps 組合，會記錄在側屏幕快捷應用介面

只能在摺疊螢幕啟動 120Hz 螢幕

Samsung Galaxy Z Fold 2 的內外螢幕，採用了不一樣的螢幕刷新率，外面為 60Hz，而摺疊螢幕為 120Hz。在顯示設定內，可以將摺疊螢幕自動化提高螢幕刷新率。的而且確，在特大螢幕，更能感覺高刷新率帶來的爽快感。

摺疊螢幕為 120Hz

古怪螢幕比例，令遊戲體驗成為災難

摺疊螢幕無疑上網或看文字時有相當出色的表現，不過機面內外，都採用一般手機不常用的螢幕比例 (外 25:9、內 22.5:18)，令到 Apps 要完美支援變得極為困難。用 YouTube 睇片內外螢幕都不可以全螢幕播放 (外螢幕可以強制全螢幕顯示)，浪費了機內的特大螢幕。

外螢幕 YouTube 睇片預設不可以全螢幕顯示

外螢幕睇 YouTube 片可強制全螢幕顯示

內螢幕睇 YouTube 片不可以全螢幕顯示

玩遊戲用 Samsung Galaxy Z Fold 2 更加災難，雖然運用 Snapdragon 865+ CPU，Antutu 跑分更接近 600,000 分效能頂級。試玩遊戲 Call of Duty，由於螢幕的古怪比例，令到畫面嚴重變形，大大影響遊戲的視野與體驗，即使遊戲表現極為流暢亦不能彌補。

Antutu 跑分更接近 600,000 分效能頂級

用外螢幕玩遊戲 Call of Duty，畫面像壓扁了

用內螢幕玩遊戲 Call of Duty，畫面嚴重變形

三鏡主相機規格有別同廠旗艦

Samsung Galaxy Z Fold 2 拍攝規格有別於同廠旗艦，遠攝鏡只有兩倍變焦 (52mm)，幫它解釋是不想鏡頭凸出機背又講唔通，原因的確不明。

主相機規格：1200 萬像素 f/1.8 (26 mm) + 1200 萬像素 f/2.2 (13mm) + 1200 萬像素 f/2.4 (52mm)

可用機外螢幕取景

有了可以打直及打橫摺疊螢幕的 Samsung Galaxy Z Fold 2，只需在拍攝介面啟動外螢幕，就可以打開機身時，用機外螢幕取景自拍。不過打開外螢幕時，內螢幕還是會繼續運作，手持機身拍攝時，有機會因手持的手指誤觸，而引致切換了拍攝模式或誤按快門。

在拍攝介面啟動外螢幕，就可以打開機身時，用機外螢幕取景自拍

手持機身拍攝時，有機會因手持的手指誤觸，而引致切換了拍攝模式或誤按快門

打橫平放多角度拍攝

平放 Samsung Galaxy Z Fold 2 機身再打開摺疊螢幕，拍攝介面會變成上屏幕為取景，下屏幕為操作部份，而且拍攝了的相片，可即時在介面上預覽，盡用了大螢幕的優勢。將 Samsung Galaxy Z Fold 2 打橫平放，透過機身摺疊多角度拍攝。亦可以唔用腳架，長曝光拍攝或縮時影片錄影，令到拍攝變得非常方便。

上屏幕為取景，下屏幕為操作部份，而且拍攝了的相片，可即時在介面上預覽

將 Samsung Galaxy Z Fold 2 打橫平放，透過機身摺疊多角度拍攝

廣角與超廣角都是高質素

Samsung Galaxy Z Fold 2 的廣角與超廣角鏡頭都有相當出色的表現，無論在低光與日光環境，都可以拍攝明亮而且色彩飽和度高的相片。長開 HDR 使動態範圍提高，逆光拍攝變得輕鬆。

52mm 鏡支援 10 倍數碼變焦

Samsung Galaxy Z Fold 2 拍攝的焦點，主要落在新鮮的 52mm 鏡頭，雖然拍得沒有 Galaxy Note 20 的 3 倍或 Galaxy Note 20 Ultra 的 5 倍潛望鏡頭那麼遠。但係細緻度與清晰度，都有相當出色的表現。而在拍攝介面，支援 10 倍數碼變焦拍攝，效果顯然有點鬆散，預設的 4 倍數碼變焦則還有不錯的成像效果。另外 52mm 鏡頭都跟 26mm 鏡頭同時支援實時景深拍攝功能。

總結：如果打算睇片或打機，都係用番傳統手機

科技產品好玩之處，就是有頂級的硬件，都要有相應的軟件配合，先可以發揮得最好。Samsung Galaxy Z Fold 2 無疑硬件規格與設計，都沒有令人挑剔之處，不過就是因為硬件不能配合，而引致使用體驗未夠完美。古怪的螢幕比例，令到睇片未能用盡大屏幕的優勢，打機亦都令畫面變形，就是軟件未能配合的結果。如針對這兩方便的用家，個人還是建議用回傳統手機。

而家大部份人買部手機，都會用黎影相，機身細細的手機方便攜帶之外，更可以瓹窿瓹罅，拍到一般相機較難拍到的角度。ASUS ZenFone 7 Pro 有齊手機拍攝的優點，仲加入三鏡翻轉相機。今次真心評測，會同大家睇睇真實使用體驗會係點。

ASUS ZenFone 7 Pro 硬件規格

屏幕尺寸：6.67 吋 AMOLED 2X 螢幕 (2400 x 1080)
機身體積：165.08 x 77.28 x 9.6mm
重量：230g
處理器：Snapdragon 865+ (八核處理器，最大速度：3.1GHz)
儲存空間：8GB RAM (LPDDR5)、 256GB ROM
拍攝鏡頭：6400 萬像素 78.3 度 4 軸 OIS 主攝鏡頭 (f/1.8) + 1,200 萬像素 14.3mm 超廣角 (f/2.2) + 800 萬像素 80mm (f/2.4) 遠攝鏡頭
電池容量：5000 mAh
防水：無
WiFi 6：有
無線充電：無
5G：有
NFC：有
其他：NFC、90Hz 螢幕刷新率、30W 有線快速充電、5G 網絡

全面螢幕，換來無防水兼較重的機身

論產品外型，Asus ZenFone 7 Pro 的確係無得輸，真正全面螢幕，而且邊框極窄，觀感賞心悅目，只此一家的三鏡翻轉相機，設計實用而獨特。機側加入快捷鍵、開關及指紋識別器三合一的 Smart Key，解鎖比起上代更加就手。

ASUS ZenFone 7 Pro 有真正全面螢幕

螢幕邊框極窄

觀感賞心悅目

只此一家的三鏡翻轉相機，設計實用而獨特

鏡頭凸出機背少少

機側加入 Smart Key

不過，翻轉相機先天性的弱點，例如不支援防水機身，今代都未有改善，而且翻轉相機組件比一般手機鏡頭較多，加上有特大 5,000mAh 電量，令到機身重量達到 230g，在同螢幕尺寸手機中比較笨重，用埋跟機機殼，重量更加達到約 260g。

採用玻璃機背

以 USB-C 充電

設真三卡槽設計

用埋跟機機殼，重量更加達到約 260g)

機殼有一大功能，就是將翻轉相機鎖上

90Hz 屏幕操作系統細緻

設有 90Hz 螢幕的 Asus ZenFone 7 Pro，系統操作都比一般手機流暢。運行全新 ZenUI 系統功能方面變得更細緻，主要加入 OptiFlex 功能，可加速 Apps 啟動時間，由於機內僅有 8GB RAM，這個功能只可以選擇 15 個 Apps。另外為左可以延長 電池的壽命，電池保養選項內，設有低速充電選擇，可用 10W 慢速充電。

螢幕支援 90Hz

加入 OptiFlex 功能，可加速 Apps 啟動時間

設應用雙開功能

Smart Key 設有多個方法操作

設有 10W 低速充電選擇，可以延長電池的壽命

效能打機體驗媲美電競手機

好多下半年推出嘅旗艦級手機，都用左 Snapdragon 865+ CPU，以前加強版的旗艦 CPU 都只會用落電競級手機，今年變得較為常見。Asus ZenFone 7 Pro 都是應用這粒升級版旗艦 CPU，而 Antutu 跑分，亦都達到 639948 分，效能絕對可以跟電競手機平起平坐。

ASUS ZenFone 7 Pro 玩 Game 時都支援電競機 ROG Phone 3 的 Game Genie 功能，可以啟動高效能模式以外，亦都支援直播、巨集、掛機等專業級遊戲功能。加上完全無遮全擋嘅真正全面屏幕，令 ASUS ZenFone 7 Pro 玩 Game 體驗可以媲美電競手機。

Antutu 跑分，亦都達到 639948 分，效能絕對可以跟電競手機平起平坐

玩 Game 時都支援電競機 ROG Phone 3 的 Game Genie 功能

可以透過翻轉鏡進行遊戲直播

多角度拍攝，但只限垂直相片

大家都知翻轉 3 鏡頭係 Asus ZenFone 7 Pro 最大殺著。用左全新摩打，以及 OIS 鏡頭的翻轉 3 鏡相機，鏡頭可以用快門旁邊個位上下移動、按音量鍵或者用手機已經預設的 3 個角度翻轉，無論翻轉角度的速度與安靜程度，都比上代有所改善。

翻轉 3 鏡頭係 Asus ZenFone 7 Pro 最大殺著

鏡頭可以用快門旁邊個位上下移動、按音量鍵或者用手機已經預設的 3 個角度翻轉)

由於翻轉鏡頭最高可達 180 度，大家可以將鏡頭平放，部機好似做掌上壓，唔洗帶腳架，都可以拍攝長曝光，甚至係影片。而翻轉鏡頭的好處，更加可以幫到大家發挖更多有趣的拍攝角度，如拍攝一排櫈，通常一般手機都完整地記錄各張櫈的顏色與設計，但翻轉鏡頭特別之處，就是可以讓大家在櫈底，再調整角度往上拍，可以拍到比一般手機不一樣的畫面。不過用翻轉鏡頭時，大部份相片都會是垂直，或者 ASUS 工程師要諗諗點樣可以在下一代既用到翻轉鏡頭，又可以自己設定相片的方向，始終此問題上代都有，但今代都係「未解決」。

可以將鏡頭平放，部機好似做掌上壓，唔洗帶腳架，都可以拍攝長曝光，甚至係影片

如拍攝一排櫈

翻轉鏡頭特別之處，就是可以讓大家在櫈底，再調整角度往上拍，可以拍到比一般手機不一樣的畫面

又移同影恐龍公仔

都可以試下用翻轉鏡低角度向上拍攝

就可以拍到呢個畫面

三鏡頭規格：

• 6400 萬像素 78.3 度 4 軸 OIS 主攝鏡頭 (f/1.8)
• 1,200 萬像素 14.3mm 超廣角 (f/2.2)
• 800 萬像素 80mm (f/2.4) 遠攝鏡頭

6400 萬像素拍攝質素基本合格

ASUS ZenFone 7 Pro 的主攝鏡頭為 6400 萬像素 f/1.8 光圈，影像質素雖然唔係驚為天人，但影像還算可靠，而且大部份拍攝場景都難不到它。

1200 萬像素超廣角鏡亦支援夜景模式

ASUS ZenFone 7 Pro 今次在超廣角鏡用上了與 Galaxy Note 20 相同的感光元件，都令人充滿期待，其拍攝效果比較真實而自然，與 Galaxy Note 20 超廣角鏡頭所拍出的超高動態範圍與極高清晰度的相片，各走了一個極端。超廣角鏡亦同時支援夜景模式，最長可以手動調節至 7 秒手持。

3 倍遠攝鏡最高支援 12 倍數碼變焦

新加入的 3 倍遠攝鏡頭，都支援 OIS，加上光圈都有 f/2.4，影像都叫做穩定。拍攝效果黎講，個人認為測光有時會比現場環境較為明亮，最高支援 12 倍數碼變焦，效果都叫過得去，起碼唔會爛到用唔到。

支援 8K 錄影，動態追蹤 2.0 及自動全景功能

華碩 ZenFone 7 Pro 都支援多個拍攝功能，如現在流行的 8K (30fps) 錄影，動態追蹤 2.0 及自動全景功能。

支援 8K 錄影

動態追蹤 2.0 可以在點選追蹤的主體後，透過翻轉鏡頭移動去追蹤主體，由於翻轉鏡頭在橫向拍攝時，只能夠單一方向移動，實用性打了一定折扣。

動態追蹤 2.0 可透過翻轉鏡頭移動去追蹤主體

自動全景功能則是個人比較鍾意的功能，拍攝時會用翻轉鏡頭自動拍攝六張相片並拼貼成一張超過 180 度的全景相片，主攝或者超廣角鏡頭都作支援。

自動全景功能主攝或者超廣角鏡頭都作支援

總結：沒改善上代缺點，下一代要大改造

加入左遠攝鏡頭的 Asus ZenFone 7 Pro，其實沒有將上一代既缺點改變，如橫向拍攝時，翻轉角度只可以局限單一方向，完善地用翻轉鏡頭時，相片同埋影片，都只可以打直輸出。所以個人認為 ZenFone 8 如果還要用翻轉鏡的概念，就必須要有一個大改造，如翻轉相機使用時主要輸出打直的影像，可以考慮特製一粒正方形的感光元件，令到用家拍攝時可以自己將輸出影像設定為打直或者是打橫。

香港人買機普遍都係買規格最強嘅型號，Samsung Galaxy Note 20 系列唔洗問大家，都係想買 Galaxy Note 20 Ultra，不過睇完今次真心評測，或者會令大家重新考慮 Galaxy Note 20。（三叔唔好打我～）

Samsung Galaxy Note 20 Ultra 硬件規格

屏幕尺寸：6.9 吋 AMOLED 2X 螢幕 (3088×1440)
機身體積：164.8 x 77.2 x 8.1mm
重量：208g
處理器：Snapdragon 865+ (八核處理器，最大速度：3.1GHz)
儲存空間：12GB RAM (LPDDR5)、 256GB /512GB ROM
主相機：1.08 億像素 79 度主攝鏡頭 (f/1.8) + 1,200 萬像素 120 度超廣角 (f/2.2) + 1,200 萬像素 20 度鏡頭 (f/3.0) + 雷射對焦感測器
前置相機：1,000 萬像素 (Dual Pixel AF)
電池容量：4500 mAh
防水：有 IP68
WiFi 6：有
無線充電：有
5G：有
NFC：有
其他：120Hz 螢幕刷新率、Ultra Wide Band 技術、25W 有線快速充電、15W 快速無線充電、逆向無線充電

巨 Mon 機中輕身，鏡頭激凸

Samsung Galaxy Note 20 Ultra 螢幕達到 6.9 吋，與 Galaxy S20 Ultra 相同，大家難免會將兩者設計作比較。Samsung Galaxy Note 20 Ultra 無論喺機身厚度同埋重量，都比 Galaxy S20 Ultra 優勝。唔好睇輕 Galaxy Note 20 Ultra 重量只係比 Galaxy S20 Ultra 輕 12g，當大家試過用單手玩兩部機幾十分鐘，就會覺得用 Galaxy Note 20 Ultra 手指明顯無咁疲倦。

Galaxy Note 20 Ultra 螢幕達到 6.9 吋

前置相機都係 1000 萬像素

屏佔比極高

雙曲面螢幕，並採用 Gorilla Glass Victus/7 的保護能力

採用純色的機背

雖然規格上 Samsung Galaxy Note 20 Ultra 機身厚度係比 Galaxy S20 Ultra 纖薄 (8.1mm vs 8.6mm)，但係其實 Galaxy Note 20 Ultra 係有啲偷雞，機背鏡頭明顯比 Galaxy S20 Ultra 激凸，正因為呢個原因，亦都影響左整部機個使用體驗。(下文會有更詳細解釋)

Galaxy Note 20 Ultra 機身只有 8.1mm 厚

其實 Galaxy Note 20 Ultra 有啲偷雞，機背鏡頭激凸

追上 iPhone 11 的 Dynamic 120Hz 螢幕

Samsung Galaxy Note 20 Ultra 有一塊全新 AMOLED 2X 120Hz 刷新率螢幕，雖然加入左自動調整刷新率功能（追上 iPhone 11），例如睇片時會降至 60Hz、玩支援 120Hz 的遊戲會以 120Hz 運行等，但螢幕解像度都係要用 FHD+ (2316 X 1080) 先用到。如果同長開 120Hz 刷新率嘅 Galaxy S20 Ultra 比較，日常系統操作同埋用 Chrome 上網都無咁流暢。

120Hz 螢幕加入自動調整刷新率功能

激凸鏡頭，令平放書寫不穩

Samsung Galaxy Note 20 Ultra 支 S-Pen 設計與 Galaxy Note 20 無唔同。S Pen 於左側，並提供更低的延遲，Galaxy Note 20 為26ms，Galaxy Note 20 Ultra 為 9ms，讓你在繪圖，筆記或 S Pen 界面時更流暢。

兩款功能都係加入左多個 Air Gestures 隔空操作，同埋支援多支 S-Pen 書寫。Samsung Note 亦都有錄音記事功能與 PDF 轉 Microsoft Word 或 PowerPoint 檔功能。Galaxy Note 20 Ultra 書寫感無疑比只有 60Hz 屏幕嘅 Galaxy Note 20 更加流暢。

不過，由於 Galaxy Note 20 Ultra 鏡頭實在太過凸出 (不是突出)，如果放部機係枱面書寫時，會出現唔平穩，好似搖搖板咁 (Up 下 Up 下)，經常要記事嘅朋友，或者要用機套機背厚度變番平均。

如果你係習慣用 Samsung Note 來開會記事，放部機係枱寫野的話，今次呢部 Note 20 Ulta 一定寫到你火到黎～

Galaxy Note 20 Ultra 支 S-Pen 設計與 Galaxy Note 20 無唔同

都係加入左多個 Air Gestures 隔空操作

支援多支 S-Pen 書寫

PDF 轉 Microsoft Word 或 Power Point 檔功能

Snapdragon 865+ CPU 效能頂級

Samsung 下半年嘅旗艦機都換曬 Snapdragon 865+ CPU，不過有 12GB RAM 與最高 512GB ROM 的 Galaxy Note 20 Ultra，跑分有成 592,311 分，是頂級 Android 機效能成績。

跑分有成 592,311 分，是頂級 Android 機效能成績

支援 MicroSD 卡擴充

拍攝規格比 Samsung Galaxy S20 Ultra 好唔同

如果大家以為 Samsung Galaxy Note 20 Ultra 拍攝規格比 Galaxy S20 Ultra，只係多左個雷射對焦感測器，大家就大錯特錯了。其實 Galaxy Note 20 Ultra，先係 Samsung 今年最完美嘅三鏡頭主相機，大家睇多次個拍攝規格先，下面再詳細同大家解釋。

除左影相外，另一個指向性收音是這次的一大改進，這個新功能允許用戶在拍攝影片時在 3 個收音咪之間切換，以捕捉其中一個方向的聲音，從而收音效果。Pro Video Mode 也同時提供 LG 早就有的收音指標圖示，讓你更直接得知收音效果。如果你有使用 Galaxy Buds 的話，開啟藍牙咪功能 Galaxy Buds 會讓其中一個耳機成為收音咪，收音更好更方便。

Samsung Galaxy Note 20 Ultra 拍攝規格

• 1.08 億像素 79 度主鏡頭 (f/1.8)
• 1,200 萬像素 120 度超廣角 (f/2.2)
• 1,200 萬像素 20 度潛望鏡頭 (f/3.0)
• 雷射對焦感測器

主攝鏡頭對焦速度提升

有唔少用戶反應，Galaxy S20 Ultra 的 1.08 億像素主鏡頭，對焦速度慢，而且亦都唔準。不過加入左雷射對焦感測器的 Galaxy Note 20 Ultra 對焦的速度與準繩度都有所提升，尤其是係比較暗既室內環境，對焦表現提升十分明顯。用主鏡頭拍攝，都支援 X1-X4 無損變焦，效果細緻色彩真實，同埋感光元件較大的原因，特寫拍攝輕易拍到景深效果，不過 ISO 640 噪點已經較多，雜訊處理能力有必要提升。

超廣角鏡還是手機中最好

超廣角鏡點先為止好？當然要夠 Wide，聞相果時清晰，動態範圍要夠高，同埋愈少紫邊愈好，Samsung Galaxy Note 20 Ultra 嘅超廣角鏡頭，以上的條件都可以俾到你，而且室內拍攝時，白平衡會有輕微調整，話佢係暫時最好嘅超廣角鏡頭都唔會過份。

不吹水，落番地嘅 50 倍變焦

如果你記得，上次 S20 Ultra Samsung 吹到自己有 100倍變焦，但結果出來效果只係「睇得到」，實用可接受程度只有 30倍（【開箱評測】Samsung Galaxy S20 Ultra：100 倍變焦只是 _ _，30 倍更實用！）令大家跌哂眼鏡。經過上次，Samsung 似乎學精左，叫番自己做 50倍變焦，直接 CUT 走左 100倍選項，效果即時提昇。

當然，實機影過先知，今次 Galaxy Note 20 Ultra 支 20 度潛望鏡，先係真正 5 倍變焦鏡頭。用 Galaxy S20 Ultra 4 倍變焦拍攝時，其實已經切換左去潛望鏡，Galaxy Note 20 Ultra 支鏡可以影得明顯較遠。因此兩部機都用 50 倍變焦拍攝 IFC 頂層，Galaxy Note 20 Ultra 相片明顯清晰得多。

Galaxy Note 20 Ultra

Galaxy S20 Ultra

最遠 50 倍變焦做法聰明

換左 f/3.0 光圈嘅潛望鏡，Galaxy Note 20 Ultra 遠攝表現，確實係比 Galaxy S20 Ultra 提升左唔少，日光用 20 倍以下變焦，畫質都好似完全無影響，而 50 倍變焦影出黎都唔會好爛，當然仲有改進空間。拍攝介面亦同之前一樣，當用超過 15 倍變焦時，就會出現一個小視窗方便取景。

總結：50倍變焦可用，但激凸害死左支 S Pen

Samsung Galaxy Note 20 Ultra 鏡頭比起主打影相嘅 Galaxy S20 Ultra 更標青，如果 Galaxy S20 Ultra 唔減價，你又以影相為主，真係諗唔到原因唔揀 Galaxy Note 20 Ultra。

不過，你若是鐘意 S Pen 嘅 Note 系列忠實用家，鏡頭激凸嘅 Note 20 Ultra 令你無法將手機平放檯面寫野確實好大影響。解決方法得兩個，一係用機套令成部機變厚，二係拎起部機用 S-Pen，你又會揀邊個呢？

Samsung Note 20 與 Note 20 Ultra 之別！細機大機買邊部好？

oppo 旗下的 realme，以一個平字橫掃東南亞同印度市場，機迷恨到啦，終於唔洗買水貨，realme 正式抵港。首作 realme X50 5G，賣 HK$2599，係一部平價 5G 機，市場上亦只有小米 10 Lite 5G，售價同埋規格可以相提並論。

oppo realme X50 5G 硬件規格

屏幕尺寸：6.57 吋 TFT，解像度 2400 x 1080
機身體積：163.8 x 75.8 x 8.9 mm
重量：202g
處理器：Snapdragon 765G (八核處理器，最大速度：2.4GHz)
儲存空間：6GB RAM + 128GB
主相機：48MP 標準鏡頭 (f/1.8) + 8MP 超廣角鏡頭 (f/2.3) + 2MP 黑白鏡頭 (f/3.0) + 2MP 微距鏡頭 (f/2.4)
前置相機：16MP (f/2.4) + 2MP 景深鏡頭 (f/2.4)
電池容量：4200 mAh
防水：無
WiFi 6：無
無線充電：無
5G：無
其他：30W 快速有線充電、支援雙咭雙待、120Hz 刷新率屏幕

設計起碼唔似公模機

平價機為左慳成本，通常都用公模設計，就無特色可言。不過 realme X50 5G 的設計，明顯睇到用左唔少心機，例如 6.57 吋屏幕用雙開孔設計，平價機絕無僅有。側框既音量同開關鍵，都移去側框中間部份，令到使用時更加容易按下使用。

機頂同機底都有加入凹面設計，另外機背仲有斜面的波浪紋。都令 realme X50 5G 擺脫了平價機設計無特色的弊病。

機面設 6.57 吋屏幕

屏幕設雙鏡頭前置相機

帶指紋識別功能的開關移去側框中間部份

音量鍵亦移去側框中間部份

機底設 USB-C 插頭及 SIM 卡槽

機頂同機底都有加入凹面設計

機背仲有斜面的波浪紋

操作似原生 Android 系統，120Hz 屏幕令流暢度大增

運行 realme UI 的 realme X50 5G，操作方式同原生系統相當接近，它的 120Hz 刷新率屏幕，令對操作變得好順暢，完全唔覺用緊一部二千幾蚊既機。系統功能方面，亦都支援如應用分身、遊戲模式、屏幕分割、智能側邊欄等，其實用落係同旗艦機無乜分別。

操作方式同原生系統相當接近

120Hz 刷新率屏幕，令對操作變得好順暢

支援如應用分身

遊戲模式

屏幕分割

智能側邊欄功能

Snapdragon 765G CPU，支援智能 5G 功能

由於支援 5G 網絡既晶片，都仲係只得中高階定位，所以 realme X50 5G 規格都唔會差得去邊。內建 Snapdragon 765G CPU 晶片，Antutu 跑分都有 320,651 分，都屬於中高階 Android 機成績，不過大家要留意，機內只有 128GB ROM，而且唔可以加 Micro SD 卡擴充，要大量裝 App 既用家就要慳住用啦。

跑分都有 320,651 分，都屬於中高階 Android 機成績

唔可以加 Micro SD 卡擴充

支援 5G 網絡的 realme X50 5G，採用 4200 mAh 電量，30W 快電充電功能，比 iPhone 11 Pro Max 充電仲要快。而係網絡設定入面，可以選用智能 5G 功能，達至手機更加慳電。個人估計是當待機時，網絡會自動切換至 4G 待機，減少 5G 網絡連接的時間，達至省電目的。

網絡設定加入智能 5G 功能

前後相機加埋有 6 個鏡頭

論鏡頭數論，前後相機加埋有 6 個鏡頭既 realme X50 5G，鏡頭數目可以話係平價機之冠，不過好多鏡頭其實都有用來填數，令到規格更加好睇而已。

主相機：
48MP 標準鏡頭 (f/1.8)
8MP 超廣角鏡頭 (f/2.3)
2MP 黑白鏡頭 (f/3.0)2MP 微距鏡頭 (f/2.4)

前置相機：
16MP (f/2.4)
2MP 景深鏡頭 (f/2.4)

4800 萬像素主相機表現有驚喜

雖然 realme X50 5G 無遠攝鏡頭，但用 4800 萬像素主相機，都支援到 X1、X2 及 X5 拍攝，勉勉強強叫做可以影遠少少。不過單單用 X1 影像扎實，色彩層次豐富，ISO 1600 都可以保留到唔少細節，表現相當可靠。

超廣角鏡都係有紫邊

只有 800 萬像素的超廣角鏡頭，細節度可以預計唔會好高，但放上去 Facebook 都夠用有餘。超廣鏡雖然視角效果震撼，但亦有唔少紫邊問題，未能打破平價機超廣角鏡畫質都比較一般的事實。

前後鏡都用到人像模式，自動拍攝加入超級煥彩效果
有關拍攝功能，realme X50 5G 前後鏡頭都支援人像模式，如果用後置鏡頭，更可以用加入濾鏡，如下圖的黑白效果，正正是利用黑白鏡頭同時拍攝，令到黑白效果更加真實。用自動模式影相，可以試下用超級煥彩效果，令到張相色彩更加鮮艷。

前鏡頭都支援人像模式

主相機同樣支援人像模式

後置鏡頭用人像模式，更可以用加入濾鏡

自動模式影相，可以試下用超級煥彩效果

令到張相色彩更加鮮艷

總結：120Hz 屏幕令部機爽左好多，影相表現都唔錯

作為第一部打入香港市場既 realme 手機，realme X50 5G 表現無令大家失望，部機平價得黎又有唔少殺手級功能，如120Hz 屏幕令部機爽左好多，而且標準鏡質素相當唔錯。如果大家硬係要問 小米 10 Lite 5G 定係 realme X50 5G 好啲，我會答大家有新當然買新。

影相同拍片的質素，會係唔少人買機主要考慮的地方。Vivo X50 Pro 全新的微雲台相機，聲稱防震效果比一般 OIS 鏡頭手機提升 300%，真正的使用體驗會在今次真心評測，無保留地講比大家知。

Vivo X50 Pro 硬件規格

屏幕尺寸：6.5 吋 AMOLED，解像度 2376×1080 (144Hz)
機身體積：158.46 x 72.80 x 8.04mm
重量：181.5g
處理器：Snapdragon 765G (八核 2.4GHz)
儲存空間：8GB RAM + 256GB ROM
主相機：4800 萬像素 f/1.6 (25 mm) + 1300 萬像素 f/2.46 (50mm) + 800 萬像素 f/3.4 (5 倍潛望鏡頭) + 800 萬像素廣角微距鏡頭
前置相機：3200 萬像素
電池容量：4315 mAh
防水：無
WiFi 6：無
無線充電：無
5G：有
其他：屏下指紋、33W 快速有線充電

磨沙機身，輕身好揸方便拍攝

如果要成日拎起部機影相，最好搵部好揸而又輕身的手機，令大家長時間拍攝時，可以輕減負擔。Vivo X50 Pro 機身設計絕對做到呢一點，它的 6.5 吋雙曲面開孔屏幕，有效提升手感。

Vivo X50 Pro 採用 6.5 吋 AMOLED 屏幕

前 3200 萬像素前置鏡頭

屏帶曲面，令手感更好

邊框極窄，屏幕佔高

機身設計出色，唯難脱三叔影子

論整個機身設計，Vivo X50 Pro 絕對是中國手機中最出色的一款，機身厚度只有 8.04mm，放於褲袋都沒有壓力。帶磨沙質感的玻璃機背，不易沾上指模，亦都可以令機身不會像番梘咁冼手。

不過與 Samsung S20 / Note 20 系列嘅旗艦機設計一樣，鏡頭位置在機背突出程度偏高，觀感不算最好之餘，也容易刮花相機外框。裸機一族要有可能刮花的心理準備。（如果不標 Logo，說是 Samsung 的中低機或華強北的山塞三叔機都可能有人信）

機身厚度只有 8.04mm，放於褲袋都沒有壓力

以 USB-C 插頭充電

機頂採用扁平設計

設磨沙質感的玻璃機背

主相機凸出機背

支援雙 nano SIM 咭槽

流暢 90Hz 屏幕，系統功能齊全

運行 FusOS 介面的 Vivo X50 Pro，由於屏幕支援 90Hz 刷新率，操作滑動或者切換頁面的過場動畫顯示都非常流暢。App Drawer 頁面有英文字母目錄，搵 Apps 更方便。系統功能都好齊全，應用雙開、屏幕分割及遊戲魔盒，都可以用到。系統上比較特別的功能，就有視像通話美顏，仲有 Jovi 智能場景，場景入面最特別是有一個飲水提示功能，可以制定一個飲水計劃，系統會為用家，制定一個每手飲水目標促進健康。

屏幕支援 90Hz 刷新率

App Drawer 頁面有英文字母目錄，搵 Apps 更方便

應用雙開

屏幕分割

遊戲魔盒

比較特別的功能，就有視像通話美顏

Jovi 智能場景

場景入面最特別是有一個飲水提示功能（見字飲水）

準旗艦機規格，支援 5G 網絡

Vivo X50 Pro 雖然賣價接近 HK$6000，但規格只係配備 Snapdragon 765G CPU（這個決定令人難以理解）、8GB RAM 及 256GB ROM，僅為準旗艦機規格。Antutu 跑分達到 332,569 分，與採用 Snapdragon 865 的旗艦機，約有 200,000 分的差距。好彩部機都支援 5G 網絡，上網速度都與旗艦機接近。

Antutu 跑分達到 332,569 分

支援 5G 網絡，上網速度都與旗艦機接近

四鏡主相機，拍片穩定性高

外型叫做精緻的 Vivo X50 Pro，拍攝方面先係重點。微雲台主相機，就連同系列定位最高的 Vivo X50 Pro+ 都無加入，小編認為更值得大家去玩玩。

Vivo X50 Pro 拍攝規格：

• 4800 萬像素 f/1.6 (25 mm)
• 1300 萬像素 f/2.46 (50mm)
• 800 萬像素 f/3.4 (5 倍潛望鏡頭)
• 800 萬像素廣角微距鏡頭

主攝拍攝：效果唯一滿意

Vivo X50 Pro 的 4800 萬像素 f/1.6 25 mm 主攝鏡頭，採用 Sony IMX589 1/2″ 感光元件，支持像素四合一功能。配合逆光 HDR 功能，拍攝色彩飽和度高，動態範圍可達 12.3 級 EV 極為廣闊，ISO 1695 雜訊處理表現亦都不錯，大部份光線環境，都可以拍攝出色相片。

手機賣點，全靠微雲台相機 30fps 影片

Vivo 在 X50 Pro 主攝鏡頭加入微雲台，在設定入面，可以先進行校準。在拍攝介面，會出現一個白色波波，用來測量拍攝的穩定度，當白色波波沒有移出外圈，影像都會十分穩定。

拍片前，可將微雲台校準

拍攝介面，會出現一個白色波波，用來測量拍攝的穩定度

無論拍攝什麼規格的影片 (最高 4K 60fps)，都可以用微雲台增強穩定性，但係實試發現，拍 30fps 的影片，會比 60fps 影片穩定得多。小編估計是 60fps 影片流暢度太高，令到微雲台跟唔切用家手部的移動，微雲台防震效果因而失去效用。（加左微雲台功能都拍唔到 60fps，咁真係值俾成六千？）

拍 30fps 的影片，會比 60fps 影片穩定得多

後製影片一按攪掂

錄影容易後製花時間，應該是唔少人抗拒拍片的原因。不過 Vivo X50 Pro 新加入的 AI 後製影片功能。一按就加入特效，唔想影片太悶，大家都可以試用 AI 後製影片功能。

加入 AI 後製影片功能

50mm 與 105mm 都支援人像模式

Vivo X50 Pro 的 50mm 與 105mm 潛望鏡頭，都支援人像模式拍攝，可以虛擬鏡頭光圈、虛化的方式及加入不同的風格。用 105mm 潛望鏡頭的虛化效果非常出色，鍾意拍攝特寫或者人像都可以常用。

50mm 細緻度高

拍攝層次感豐富

50mm 與 105mm 潛望鏡頭，都支援人像模式拍攝

可以虛擬鏡頭光圈、虛化的方式及加入不同的風格

50mm 鏡人像模式拍攝

105mm 潛望鏡頭的虛化效果非常出色

105mm 鏡最高拍攝 60倍，可用得 20倍

105mm 的潛望鏡頭，最高支援拍攝 X60 相片。就算在日光下以 105mm 焦距拍攝，清晰度都唔算高，不放大的話個人只可以接受到大約 20倍 的數碼變焦，60倍變焦的功能都只是為左增加產品賣點，實用性非常有限。

X5 拍攝

X20 拍攝

X60 拍攝

日光下拍攝，清晰度都唔算高

超廣角鏡質素都係一般

與潛望鏡頭同樣是 800 萬像素超廣角鏡頭，拍攝清晰度都十分有限，不過色彩層次豐富，都有一定可用性。

800 萬像素超廣角鏡頭，拍攝清晰度都十分有限

色彩層次豐富，都有一定可用性

低光拍攝都有一定可用性

總結：微雲台賣點不足以賣咁貴

試用 Vivo X50 Pro 幾日，微雲台鏡頭，拍影效果穩定（如果係 30fps 的話）。不過就影相方面只有主鏡頭達到高水準，其它鏡頭表現都是在剛剛合格或者是水準以下。

做完成個評測，發現呢部 X50 Pro 可以講只係有微雲台呢個主力賣點，相機質素未達頂級，未能做到鏡鏡滿意，遠攝可用得 20倍實在太可惜，加上處理器只係中階，但都賣成接近 HK$6,000，個人認為有不少下調空間。（同樣價位不如去買三叔嘅 2019 年頂級或者再等下入手 2020 上半年旗艦，或者更加實用）

老老實實，千其唔好將電競手機當為遊戲機，兩者的用途與性質都好唔同，大家看看今次 Asus ROG Phone 3 的真心評測就會明白。

Asus ROG Phone 3 硬件規格

屏幕尺寸：6.5 吋 AMOLED，解像度 2340 x 1080 (144Hz)
機身體積：171 x 78 x 9.85 mm
重量：240g
處理器：Snapdragon 865 Plus (嚴選 3.1 GHz 64 位元)
儲存空間：12GB RAM + 512GB ROM
主相機：6400 萬像素 f/1.8 (26.6 mm) + 1300 萬像素 f/2.4 (11mm) + 500 萬像素 f/2 (微距鏡頭)
前置相機：2400 萬像素
電池容量：6000 mAh
防水：無
WiFi 6：無
無線充電：無
5G：無
NFC：有
其他：屏下指紋、30W 快速有線充電、支援 5G

全面屏配前置雙喇叭

作為一款專門玩遊戲的手機，產品設計既要方便日常使用，亦都要適合玩遊戲時用。首先 Asus ROG Phone 3 的 6.5″ 屏幕為全面設計，打機果陣無「劉海」或者「開孔」的部份，可以完整顯示遊戲畫面，對遊戲驗體十分重要。機面仲有一對立體聲前置喇叭，今次聲音輸出好特別，一般手機打橫用，手掌會檔住出聲位置，令到聲音變弱，但係 ROG Phone 3 一樣是打橫部機玩 Game，反而可以令聲音輸出更集中同震撼。

Asus ROG Phone 用 6.5″ 全面屏幕

設 2400 萬像素前置相機

機面有前置立體聲喇叭

機身分別在底部與左邊，都加入左 USBC 頭，令到充電時打橫部機玩 Game，都唔會阻礙手部操作。而在機身右邊兩端就加左 AirTrigger 3 感應鍵，連埋新加入的體感操控，令到打機時最多可以加多 5 個 Shortcut，出招就快過對手啦。nano 咭槽仲加入左 GLHF！(Good luck have fun)，祝大家玩得好運開心添。

機身左邊加入左 USB-C 頭

機底又有一個 USB-C 頭

機身右邊兩端就加左 AirTrigger 3 感應鍵

雙 nano SIM 咭槽加入 GLHF！

機背設計大同小異

機背就用左電競機慣常的高科技感設計，中間部份都有 ROG Logo RGB 燈，重點設計反而落左旁邊的 Heat Sink 散熱器，反光帶彩虹效果，又有三條紅色線，令部機個設計型上加型。

機背中間部份都有 ROG Logo RGB 燈

重點設計反而落左旁邊的 Heat Sink 散熱器

設三鏡主相機

打機散熱靠外置散熱風扇

出色的散熱系統，可以令到部機長時間運算時，都可以保持 CPU 時頻唔會大跌。大家打機時都建議用番跟機的AeroActive Cooler 3 散熱風扇，它可以將部機散熱效能提高，仲可以連接 3.5mm 耳機打機，背面仲有個座檯架，駁手掣時打機就記得用佢啦。

AeroActive Cooler 3 散熱風扇

可以連接 3.5mm 耳機打機

前面會有 RGB 燈

背面都會有 RGB 燈

仲有個座檯架，駁手掣時打機就記得用佢啦

AirTrigger 3 極個人化，設定最花時間

AirTrigger 3 係 Asus ROG Phone 3 對於遊戲操作的重點功能，今次觸發 AirTrigger 3 的範圍變大左，令到 AirTrigger 3 操作變得多樣化，點擊觸法，可以在一邊的 AirTrigger 3 鍵設定一個或兩個掣；用捽的方式，亦都可以觸法到，睇大家習慣用邊一個方式。而在設定入面，觸法的力度，點擊兩鍵的位置，捽掣左右距離，撥滑的手感，都可以作非常細緻的設定，令到 AirTrigger 3 完全可以個人化。AirTrigger 3 唔單只打機果時用，日常手機操作時都幫到手，系統內可以設定長握或者短握，即時用機內特定功能或開 Apps。

觸法的力度可以設定

設定點擊兩鍵的位置

捽掣左右距離

撥滑的手感

設定長握或者短握，用機內特定功能或開 Apps

手握觸發力度都可以調教

電競打機靠曬 Armouy Crate

為左方便大家打機，Asus ROG Phone 3 系統操作支援垂直或打橫使用，主頁面應用的中間位置，就是這款電競手機核心的 Armouy Crate 應用。這個介面完全為遊戲而生，大家正常唔知有什麼 Game，支援到 ROG Phone 3 的 144Hz 刷生率屏幕，或許對應它的專用配件，在推薦內的選項入面就一目了然，然後就可以一按到 Google Play Store 下載遊戲，完全一條龍服務。

系統操作支援垂直或打橫使用

推薦內可以一目了然地睇到有什麼遊戲支援 ROG Phone 3 的 144Hz 刷新率屏幕

遊戲大廳功能多

Armouy Crate 仲有控制台與遊戲大廳兩個頁面，控制台主要可以啟動 Asus ROG Phone 3 效能最高的 X 模式，而 X 模式好似海賊王路飛咁有三檔，用最高的 Level 3 時，用電量會較多，而且發熱亦會比較嚴重，最好配合 AeroActive Cooler 3 一齊使用。機背的 RGB 燈的色彩與燈效，都可以在控制台調教。

控制台主要可以啟動效能最高的 X 模式

機背的 RGB 燈的色彩與燈效

都可以在控制台調教

遊戲大廳可以完完全全為每一隻遊戲進行細節的設定，包括遊戲運行時屏幕的刷新率，CPU 效能模式，觸控敏感度，防止自動切換 WiFi 及關閉背景同步的網絡設定，滑鼠與鍵盤設定等，設定後仲可以將設定檔案分享。而且在遊戲大廳，仲可以到訪遊戲的官方網頁，睇下隻 Game 有什麼新 Update。

遊戲大廳

屏幕刷新率

CPU 效能模式

觸控敏感度

網絡設定

滑鼠與鍵盤設定

設定後仲可以將設定檔案分享

仲可以到訪遊戲的官方網頁，睇下隻 Game 有什麼新 Update

玩 144 Hz 遊戲超爽快，但耗電

電競手機當然買來玩 Game，不是單純用來覆 WhatsApp，試玩支援 144Hz 刷生率的遊戲《GrimValor》，沒有外接手掣玩，已經俾到我非常爽快的體驗。首先呢隻 Game 係一款橫向動作 RPG 遊戲，對於操作即時性係有好高要求，屏幕觸控的靈敏度與精確度都很好，完全無誤觸的情況。而且玩家仲可以啟動 Game Genie 頁面，鎖上 144 刷生率，令遊戲體驗，可以媲美家用遊戲機。

試玩《GrimValor》已經俾到我非常爽快的體驗

屏幕觸控的靈敏度與精確度都很好，完全無誤觸的情況

仲可以啟動 Game Genie 頁面，鎖上 144 刷新率

再試玩一個操作複雜的 3D 射擊遊戲《Bullet Force》，就可以試試 AirTrigger 3 與體感操控的精確度，如果玩家最初係有去設定入面，手動去設定觸法力度與按鍵距離等，其實係會事半功倍。至於體感操控使用方式直覺，都係非常實用。

操作複雜的 3D 射擊遊戲《Bullet Force》

可以試試 AirTrigger 3 與體感操控的精確度

AirTrigger 3 可以設計一邊以單擊，一邊用其他方式觸發

體感操控使用方式直覺

跑分當今最高，144Hz Game 大約可以玩 4 個鍾

Asus ROG Phone 3 香港版採用 Snapdragon 865+ SoC、12GB RAM 及 512GB ROM，雖然仲未有最高規格的 16GB + 512GB ROM 版本，但係 Antutu 跑分，已經係當今最高成績。Snapdragon 865+ SoC 最高時頻可以去到 3.1GHz，比起 2.84 GHz 的 Snapdragon 865 快大約 10%，所以跑分成績最高亦係可以預計之內。

Antutu 跑分為 648394 分

已經係當今最高成績

Asus ROG Phone 3 效果最高之外，6000 mAh 電量都係當今最大，試用 X 模式 Level 3，鎖上 144Hz 屏幕刷新率連續玩《GrimValor》半小時，大約用 12% 電量，可以推算用最高效能玩 Game，最長可以玩 4 小時，續航力雖然比 Swicth 遊戲機更長，但除非你買部 ROG Phone 3 只係當遊戲機，有一部主機作主要通訊，否則 4 個小時後，你就會變左做失蹤人口。玩手提機無電，最多都係無得玩，但如果大家用 ROG Phone 3 係主機，一係就唔好用到最高效能，一係就帶定個 20000 mAh 支援 PD 充電的尿袋隨身。

13:41 開始計時，電量是 76%

14:12 暫停，電量是 64%

Asus ROG Phone 3 拍攝規格

前置相機：2400 萬像素
主相機：
6400 萬像素 f/1.8 (26.6 mm)
1300 萬像素 f/2.4 (11mm)
500 萬像素 f/2 (微距鏡頭)

6400 萬像三鏡相機不要有太大期望

作為一款手機，拍攝表現都幾重要，有時圍埋打機影下隊友，或者做直播時都用到。Asus ROG Phone 3 的拍攝規格，都可以叫做追上今年中高階的手機。

加入 500 萬像素微距鏡頭的 ROG Phone 3，好似只係為左令拍攝規格變得好聽，試拍後覺得色彩真實影像細緻。6400 萬像素的 26.6mm 主鏡頭，日光下表現都非常唔錯，但室內拍攝，對比超廣角鏡同樣拍攝相同物件，一個輸出橙色，一個輸出紅色 (紅色是正確)，睇到主相機室內白平衡唔算好準，因此出色偏色問題。而超廣角鏡雖然可以影到好廣闊的畫面，但係拍攝高光位置時，有頗為嚴重的紫邊情況。拍攝表現日常拍攝都夠用，但唔見有驚喜。

總結：打機正，性能強，但使用時間就

用左 ASUS ROG Phone 3 的 144 Hz 刷新率屏幕打機，爽快度可以媲美甚至超越遊戲機，如果遊戲同樣出現在 Switch 遊戲機，個人覺得可以超越 Switch 的表現。

不過手機還手機，硬件再強，沒有遊戲機的遊戲生態，始終無辦法達到遊戲機的高度，呢個也都唔係手機製造商可以處理嘅問題。好似 ASUS 呢種硬件廠商唯一可以做嘅都只係將硬件推高啲，然後等… 等下遊戲開發商會否係手機遊戲方面落重本。

ROG Phone 3 的 144 Hz 屏幕打機好靚，好爽，但頻率愈高愈耗電，即使 ASUS 採用 6000mAh 電也都只係使用時間不致過短，想長時間都有最好的遊戲表現，又唔想失聯，大家都係要帶個支援 PD 30W 快速充電的尿袋出街幫手。否則你要買多部後備電話以便聯絡。

總括來講，係硬件層面 ASUS 能做的，在 ROG Phone 3 幾乎都盡做，但電競手機始終不是遊戲機，係好多非硬件嘅層面仍然都係要等運到。呢個也都係電競手機至今仍然達不到如同 PSP 或 Switch 高度的問題癥結所在。因為電競手機與遊戲機，在遊戲開發商心中仍然沒有劃上一個「=」。

小米手環 5 早前就喺香港推出咗，喺香港推出嘅係冇 NFC 嘅普通版，小米香港就賣 $239，比上一代發佈時貴咗廿蚊。價錢就加咗價，咁但係功能又有冇多到呢？

小米手環 5 配備咗一個 1.1 吋 AMOLED 螢幕，顯示面積比上一代多咗 20%，內建咗 65 款手錶錶盤。主體可以同手帶分拆，並支援更換 6 種唔同顏色嘅手帶。

今次最大嘅創新就係終於轉用磁吸幫手環充電，唔洗再每次由手帶拆個主體出黎幫佢充電，起碼個手帶會冇咁容易拉鬆。

小米手環 5 嘅大小同小米手環 4 差唔多，螢幕主要係上下兩邊長咗。

小米手環 5 功能　

今代手環除咗有步數記錄、睡眠模式同心率監測外，仲加入咗 PAI 模式、壓力監測等等嘅模式，其他運動上也都有跳繩、瑜伽（認真？真係用得著？計得準？）至於睡眠方面仲加入埋快速眼動睡眠，又係一個聽落好奇妙嘅功能。至於以下呢個「女性生理期排卵期記錄」就聽落更加有趣，但一切都係靠算法，用唔用得著相對比較看個人感覺。

小米手環５ vs 小米手環 4 vs 華為 Talkband B5

咁究竟小米手環 5 抵唔抵買呢？我哋再同小米手環 4 仲有 HUAWEI Talkband B5 對比吓。

你可以睇到係續航上，小米手環 5 較小米手環 4 差，少左 6 天，但到底少 6 大係咪好重要呢？因為本身都支援 14天，所以呢個續航上未必係最大嘅影響，反而支援磁吸充電會係一個更加吸引嘅要點。

至於功能上，雖然小米手環 5 多左好多，但睇真啲其實你用到新功能嘅機率比較低，對於大眾來講其實上代功能都好齊，唔係驚天地泣鬼神之作。

總結：小米手環 5 貴 $50 多功能少續航

總結黎講，小米手環 5 小米手環 5 比上一代係多咗功能嘅，比多 50 蚊呢啲功能都無妨。但如果你用緊小米手環 4，係咪值得因為呢啲功能買小米手環 5 呢？答案好明顯就因人而異，而係大部份嘅情況之下都唔係好個原因。

相反，如果係小米手環 5 VS HONOR BAND 5 嘅話，咁小米手環 5 就真係「值」過對手喇，起碼功能上完整好多。

小米 Redmi 手機，都是以平價為賣點，可能大家習慣了性價比高這個形容詞，不過平價還平價，使用的體驗先係最重要，不好用的話，送俾你都當係垃圾。新機 Redmi Note 9 HK$1,299 就玩到，亦是款十分平價的手機，究竟能否用慣性創造成功？

小米 Redmi Note 9 硬件規格

屏幕尺寸：6.53 吋 LCD，解像度 2340 x 1080
機身體積：162.3 X 77.2 X 8.9 mm
重量：199g
處理器：MTK Helio G85 (八核處理器，最大速度：2.0GHz)
儲存空間：4GB RAM + 64GB ROM 或 4GB RAM + 128GB ROM
主相機：4800 萬像素 f/1.79 (標準鏡) + 800 萬像素 f/2.2 (超廣角鏡) + 200 萬像素 f/2.4 微距鏡頭 + 200 萬像素景深鏡頭
前置相機：1300 萬像素
電池容量：5020 mAh
防水：無
WiFi 6：無
無線充電：無
5G：沒有
NFC：有
其他：紅外線、18W 快速有線充電、雙咭雙待 4G + 4G

仿玻璃機身，設第五代大猩猩玻璃屏幕

或者是成本所限，Redmi Note 9 未能用上玻璃機背，不過在塑膠的機身，使用了 IMT （Inner Molding Translate label）上色工藝，機背看起來十分通透，像是玻璃一樣。機面的 6.53″ 屏幕面板用上了第五代大猩猩玻璃，以平價機黎講都叫做落重本，機面應該有唔錯耐用度。Redmi Note 9 機身設有 3.5mm 耳機孔、紅外線發射器及真三卡槽設計，連接及擴充都非常方便。

機面的 6.53″ 屏幕面板用上了第五代大猩猩玻璃

前置相機為 1300 萬像素

支援紅外線發聲器

設 3.5mm 耳機孔

SIM 卡槽設於機側

機側設音量及開關鍵

指紋識別器在機背

設真三卡槽設計

運行 MIUI 11 系統

與今年大部份小米手機，Redmi Note 9 都是運行 Android 10 定制的 MIUI 11 系統，護眼模式、手勢操作、遊戲加速、應用雙開及手機分身等，都可以用到。不介意比中高階手機等待時間較長，Redmi Note 9 是個系統功能非常齊全的選擇。

運行 Android 10 定制的 MIUI 11 系統

支援家電遙控功能

可用護眼模式

手勢操作

應用雙開

遊戲加速

MTK Helio G85 SoC 玩小品遊戲無問題

以低價為賣點的 Redmi Note 9，選擇了 MTK Helio G85 SoC，設有 4GB RAM + 64GB ROM 或 4GB RAM + 128GB ROM 版本選擇。採用 big Little 架構，主要以 2GHz ARM Cortex-A75 大核以 + 六個1.8GHz ARM Cortex-A55 小核 CPU 及 1GHz ARM Mali-G52 GPU 的它，在 Antutu 跑分成績約為 208,386 分，比不少同價為如 Nokia 5.3 應用的 Snapdragon 665 效能約高出 10%。試玩新遊戲《口袋森友會》這類效能要求不高的遊戲可以勝任。

內建 MTK Helio G85 SoC

Antutu 跑分成績約為 208,386 分

試玩新遊戲《口袋森友會》這類效能要求不高的遊戲可以勝任

都有四鏡主相機

Redmi Note 9 在拍攝規格賣大包，採用與小米 10 Lite 5G （【開箱評測】小米 10 Lite 5G：唯一賣點係 5G 的中階將價就貨手機）規格接近的 4800 萬像四鏡主相機，主相機規格如下：

• 4800 萬像素 f/1.79 (標準鏡)
• 800 萬像素 f/2.2 (超廣角鏡)
• 200 萬像素 f/2.4 微距鏡頭
• 200 萬像素景深鏡頭

表現較小米 10 Lite 5G 遜色

Redmi Note 9 依然支援夜景模式、人像模式、AI 場量拍攝、拍攝建議及魔法換天功能，論拍攝質素，雖然它與小米 10 Lite 5G 採用接近一致的拍攝規格，而且標準鏡都支援 X2 無損變焦拍攝，但可能後者配備的 Snapdragon 765G SoC 內的 ISP 圖像處理晶片效能較強，個人認為 Redmi Note 9 的雜訊處理表現較為遜色，就算 ISO 100 都出現唔少雜訊，但拍攝色彩及白平衡都有不錯表現。

支援 AI 場景拍攝

人像模式

人像模式拍攝效果

支援魔法換天功能

標準鏡都支援 X2 無損變焦拍攝

800 萬像素超廣角鏡效果不算細緻

超廣角鏡還是可以拍出震撼的畫面

自動模式拍攝

夜景模式色彩表現被削弱

ISO 100 都出現唔少雜訊

微距鏡都支援專業模式

Redmi Note 9 的專業模式可切換鏡頭使用，用微距鏡拍攝，可啟用補光燈，試用專業模式作手動對焦，調整補光補償及白平衡，會有更佳的表現。

專業模式可切換鏡頭使用

有效提升微距拍攝表現

總結：橋唔怕舊最緊要受

一般用家對售價會比較敏感，以低價上市，而且比同級手機性能略略半個等級的 Redmi Note 9，個人較喜愛它系統功能齊全，總算可以複製小米手機高性價比的成功之路，用慣性創造成功。

香港的空間質素不佳，想在家中可以呼吸新鮮空間，可以考慮購買空氣清新機。最近美國品牌 Carrier 開利推出設有六重淨化旗艦級空氣清新機 AP-3001，小編立即同大家進行開箱，看看有什麼過人之處。到底笨笨的外表，勁唔勁得過 Dyson 或者成日吹到自己好勁嘅小米？

空氣污染看 AQI

香港環保署公佈的空氣污染指數名為：AQHI，與世界各地，特別是美國使用的空氣質素指數（AQI）略有不同。特別是我們在手機（Android）（iOS）上可以下載參考的資料大多以 AQI 為準，所以我們必須先了解何謂 AQI 及其影響範圍。

拆除清洗更換濾網極方便

開利 Carrier AP-3001 大約會佔用家中 2 呎 X 1 呎的範圍，以一部旗艦級空氣清新機都唔算阻埞（細過 Dyson 及小米旗艦級款式），機面面蓋用磁力連接，打開清洗隔塵網及更換濾網都非常方便。除了可清洗的前置過濾網外，用家還可以逐層逐層地拆下

• HEPA H11 過濾網
• 活性碳過濾網
• 光觸媒過濾網

這些過濾網 (不洗清洗)分別可用一年、一年及三年，更換濾網不需任何技術。

家用空氣清新機「濾網」定勝負

既然空氣差，那麼可以用空氣清新機過濾污染嗎？無論你係用咩空氣清新機，香港販售的家用版例如 Dyson 及小米都是以吸附塵埃的 HEPA 濾網為主，能過濾，但無法消除異味或殺菌，除非使用的是特別版同時配備活性碳濾芯的版本，但也不是每一款都能過濾病毒。

Carrier AP-3001 大約會佔用 2 呎 X 1 呎的範圍

機面面蓋用磁力連接

可清洗的前置過濾網

HEPA H11 過濾網可用一年

活性碳過濾網可用一年

光觸媒過濾網可用三年

拆開過濾網可看到抽氣扇

機身頂部為潔淨空氣輸出部份

不同濾網有不同作用

HEPA 濾網：最為常見的空氣清新機濾網，是由纖維所製成，可以過濾 99.7% 的 PM0.3，最常見具可靠，但無法重用，也不能消除異味。

活性碳濾網：通過活性碳消除異味和揮發性有機化合物，但無法過濾灰塵等污染物。當使用約 3-12 個月左右（視面積而定），其本身物質便會飽和，失去功效，需進行更換。

光觸媒：利用紫外光進行有機物分解。不過分解速度慢，空氣通過需要較長，否則無法分解空氣中的細菌。

開利 Carrier AP-3001 背面亦設有一個蓋掩，內設空氣質素測量器，可用棉花棒輕輕為它清潔，令測量結果更準確。包裝內還設有遙控器，方便用家遠距離操作。

背面有手挽位

背面另有一個蓋掩

內設空氣質素測量器

用家可用棉花棒輕輕為它清潔

包裝內還設有遙控器

CADP 達 380立方米

Carrier AP-3001 潔淨空氣輸送率達到 380 立方米，適用於 250-400 平方呎空間。四層過濾網設計，當中 HEPA H11 濾網，有 96.6% 過濾效能，活性碳過濾網可吸附有機揮發物及異味，光觸媒過濾網則可吸附汙染消毒滅菌達 99.9% 以上，配合 253.7nm 紫外線燈，可消毒滅菌達 97%。

機身亦有不同風力、靜音模式、時間模式、UV (紫外光) 及 Anion 負離子淨化模式可以選擇。當 Carrier AP-3001 啟動後，會以藍、綠、紫及紅色顯示測量室內的空氣質素，並會有數值顯示。

HEPA H11 濾網，有 96.6% 過濾效能

活性碳過濾網可吸附有機揮發物及異味

光觸媒過濾網則可吸附汙染消毒滅菌達 99.9% 以上

設有不同的模式選擇

Carrier AP-3001 啟動後，會以藍色顯示

綠色

紫色

紅色顯示測量室內的空氣質素

空氣質素亦會有數值顯示

唔算靚仔，但勝在夠風夠濾網

開箱睇完各項功能，開利 Carrier AP-3001 嘅外觀好明顯唔算特別吸引，同我們平常在家上看到商用冷氣等機種相同，是一款平實唔驚人的款式。不過講規格，其 CADR 達到 380平方尺，可以覆蓋 250-400呎空間，以香港人迷你居或者睡房的尺寸來計算，夠用有餘。

除左 CADR 風力夠外，五層濾網可以講係賣點，有常見嘅 HEPA、有去味嘅活性碳、殺細菌嘅光觸媒，再配合理紫外燈及負離子，可以講係應有盡有。如果唔知咩濾網啱用，想咩濾網都要的話，呢部開利 Carrier AP-3001 或者係你嘅選擇，始終 $2,999 呢個價錢算合理。

旗艦機售價離地，大眾化定價的手機更受用家注目。Samsung 面向一般用家市場的 Galaxy A 系列，剛推出的 Galaxy A21S 以不到 $2,000 賣街，究竟 Samsung 推出的平機有冇伏呢？

Samsung Galaxy A21S 硬件規格

屏幕尺寸：6.5 吋 TFT，解像度 1600 × 720
機身體積：163.7 x 75.3 x 8.9 mm
重量：192g
處理器：Exynos 850 (8 X 2GHz)
儲存空間：6GB RAM + 64GB ROM
主相機：4800 萬像素、800 萬像素、200 萬像素 (微距)、200 萬像素 (景深)
前置相機：1300 萬像素
電池容量：5000mAh
防水：無
WiFi 6：無
無線充電：無
5G：無
NFC：有

塑膠機身，設 3.5mm 插頭

Samsung 大部分手機的用上雙面玻璃設計，不過定位所限，Galaxy A21S 只是用上帶幻彩效果的塑膠機身。機身按鍵明顯較為實淨不算好按，還可找到 3.5mm 插頭及真三卡槽。機面的 6.5 吋 HD+ 開孔屏幕，佔屏比比同級手機高，預設的 Wallpaper 更巧妙地把甜甜圈中空部份變成前置鏡頭。

機面設 6.5 吋開孔屏幕

佔屏比比同級手機高

預設的 Wallpaper 更巧妙地把甜甜圈中空部份變成前置鏡頭

設 3.5mm 插頭

機身按鍵明顯較為實淨不算好按

設真.三卡槽

用上帶幻彩效果的塑膠機身

設四鏡主相機

指紋識別器設於機背

屏幕夠大，但解像度不足

6.5 吋屏幕在當今智能手機亦算是一面大屏幕，播 4K Youtube 片，最高只能選擇 720P 解像度，雖然色彩表現亮麗，但近一點會看到不少微粒，顯然是屏幕細緻度不足所致。

4K Youtube 片，最高只能選擇 720P 解像度

色彩表現亮麗

近一點會看到不少微粒，細緻度有點不足

運行 One UI 2.1 介面，因效能删減功能

儘管 Samsung Galaxy A21S 是款入門機，配備 Exynos 850 8nm SoC，6GB RAM 及 64GB ROM，Antutu 跑分只有 124213 分。對比同價位的手機如 Nokia 5.3，效能還低 40%，日常操作速度都比一般手機遲緩。

Antutu 跑分只有 124213 分

運行旗艦機相同 One UI 2.1 介面的 Galaxy A21S (基於 Android 10) ，系統功能設 Dual Messenger、手勢操作、黑暗背景模式、WiFi 傳送多媒體內容的快速分享等，但基於效能的考量，卻删減了私人資料夾功能。筆者反而不明白，為什麼 Galaxy A21S 支援 NFC，可用 Google Pay，但不能用 Samsung Pay。（如果 A21s 可以用 Samsung Pay，即 Smart Octopus 應該係成部機最大賣點，但依家用唔到… 相關 Chips 真係咁貴？）

四鏡頭填數為主

主要以平價為賣點的 Samsung Galaxy A21S，都有四鏡頭主相機，跟隨市場手機設有多鏡頭的潮流，不過由鏡頭規格來看，不少鏡頭主要用來填數從而增加賣點。

• 4800 萬像素 f/2.0 25mm 鏡頭
• 800 萬像素 f/2.2 13mm 超廣角鏡頭
• 200 萬像素 f/2.4 25mm 微距鏡頭
• 200 萬像素 f/2.4 景深鏡頭
  

25mm 鏡低光雜訊較多

作為平價的入門機，對 Samsung Galaxy A21S 的拍攝表現，不能用旗艦機哪把尺去量度。日光以 4800 萬像素 25mm 鏡頭拍攝，影像扎實動態範圍廣闊，但低光拍攝時 (約 ISO 640) 雜訊就無所遁形，ISO 1000 在暗位更會出現一層白色的雜訊。連同景深鏡頭，用即時景深預覽，可拍攝散景相片，計算散景速度唔算快，不過效果都算自然。

超廣角鏡只講意境(笑)

13mm 超廣角鏡，比不少手機的同類鏡頭更廣闊，試拍發現用這鏡頭拍攝只講意境不求高質。在隧道口試影，即使 ISO 40 暗位亦有大量雜訊，但鏡頭變形的情況就不太明顯。

微距鏡頭夠分享呃 Like

200 萬像素的微距鏡頭，最近對焦距離為 3CM，試拍扶手、植物、羽毛甚至食物，都有很細緻的表現。即使只有 200 萬像素，但用作分享呃 Like 亦都夠做。

總論：平價機不能太苛刻

對於平價手機，不能太過苛刻，Samsung Galaxy A21S 是款功能齊全的入門手機，既有真.三卡槽設計，屏幕與拍攝表現都叫見得下人，而且以內建 5000 mAh 的手機來說亦算輕巧，HK$1,898 玩到都幾划算。

唯一可惜係 A21s 有 NFC，支援 Google Pay，但不支援 Samsung Pay，即沒有 Smart Octopus，缺少左一個好有吸引力嘅賣點。相比起支唔支援 5G，TechRitual 覺得呢點更重要，希望 Samsung 未來可以加番 Smart Octopus 支援係平價機身上。

今年要換機，無咁快過時的 5G 機一定係首選，不過市場上大部份 5G 機定價都由 $5000 起跳，對大部份人黎講都會覺得 Over Budget。今次做真心評測的小米 10 Lite 5G，售價相當大眾化，二千中就玩到。

小米 10 Lite 5G 硬件規格

屏幕尺寸：6.57 吋 AMOLED，解像度 2400 x 1080
機身體積：163.71 x 74.77 x 7.88 mm
重量：192g
處理器：Snapdragon 765G (八核處理器，最大速度：2.4GHz)
儲存空間：6GB RAM + 128GB 或 8GB + 256GB ROM
主相機：4800 萬像素 f/1.79 (標準鏡) + 800 萬像素 f/2.2 (超廣角鏡) + 200 萬像素 f/2.4 微距鏡頭 + 200 萬像素景深鏡頭
前置相機：1600 萬像素
電池容量：4160 mAh
防水：無
WiFi 6：無
無線充電：無
5G：有（未來）
其他：NFC、屏下指紋、20W 快速有線充電、支援單咭 5G 或雙咭雙待 4G + 4G

機身輕巧，設屏下指紋功能

二千機蚊嘅機，大家對小米 10 Lite 5G 的設計應該都唔會有好大期望，6.57 吋水滴屏幕，配合帶曲面的玻璃機背，設計比較大路，機身低於 200g，以大 Mon 機黎算是輕巧。不過用 AMOLED 屏幕，支援極速光感指紋解鎖功能，機身有齊紅外線同埋 3.5mm 耳機孔，可以將手機當係遙控使用之餘，亦方便用家連接有線耳機聽歌。

SIM 卡槽更加比旗艦機小米 10 與小米 10 Pro，支援單咭 5G 或雙咭雙待 (4G + 4G) 功能，官網指會在今後透過 OTA 軟件升級，實現雙咭雙待 (5G + 4G) 功能。

機面採用 6.57 吋水滴屏幕

前相機為 1600 萬像素

支援極速光感指紋解鎖功能

機身有齊紅外線同埋 3.5mm 耳機孔

USB-C 充電位置與雙咭槽在機底

現支援單咭 5G 或雙咭雙待 (4G + 4G) 功能

玻璃機背帶曲面

設四鏡主相機

操作系統就是齊全

小米手機的特點，就是無論你買最平或者係最貴嘅型號，MIUI 操作功能都是相當齊全，唔會偷工減料。無論將水滴屏幕顯示部份隱藏、護眼模式、深色模式、微光屏幕 (屏幕常亮)、手勢操作、遊戲加速、應用雙開及手機分身等，都完全難唔到小米 10 Lite 5G，可以正常使用。唯獨是啟動數個 Apps 後，在設定內操作會有明顯拖慢。

效能比同價機高

小米 10 Lite 5G 最大的賣點，主要落在 Snapdragon 765G 處理器身上，還有 6GB + 128GB 及 8GB + 256GB 版本選擇。由於它並不支援 Micro SD 卡擴充，所以都是建議大家俾多 HK$500，直上 256GB 版本，起碼沒有容量不足的煩惱。

Snapdragon 765G 處理器與旗艦定位的 Snapdragon 865 處理器，同樣是 7nm 工藝，安兔兔跑分成績有 323014 分，效能比同價的手機如 Sony Xperia 10 II 都快唔少。下載 Fifa Mobile 試玩，流暢度與旗艦機無太大分別，不過係冷氣房玩左大約 20 分鐘，都有發熱問題。

安兔兔跑分成績有 323014 分

下載 Fifa Mobile 試玩，流暢度與旗艦機無太大分別

四鏡相機主要用雙鏡

有唔少手機牌子，為求使產品增加賣點，鍾意加多幾個實用性不高的拍攝鏡頭，令規格變得好看。對於拍攝方面唔算主打的小米 10 Lite 5G，4800 萬像四鏡主相機，常用的只有 4800 萬標準鏡以及 800 萬像素的超廣角鏡頭，主相機規格如下：

• 4800 萬像素 f/1.79 (標準鏡)
• 800 萬像素 f/2.2 (超廣角鏡)
• 200 萬像素 f/2.4 微距鏡頭
• 200 萬像素景深鏡頭

影 4800 萬像素相片清晰度 Downgrade

雖然拍攝唔係小米 10 Lite 5G 主打，但是用它支援像點 4 合 1 技術的 4800 萬像標準鏡，無論用其 X1 或者 X2 無損變焦拍攝，1200 萬像素相片表現在日光或低光的表現都相當唔錯。

在低光拍攝時，試過用自動模式或夜景模式比較，拍攝低光的磚牆更加明亮，而且牆身更為細緻，對比自動模式磚牆部份既黑又變成了油畫看不到細節，兩者的表現相距甚遠。

至於影 4800 萬像素相片效果又點呢？我們嘗試在天星碼頭用 ISO 50 影維港，放大到 100% 已經出現唔少雜訊，清晰度亦不高，大家都係影 1200 萬像素相片吧。

超廣角鏡銳利度高

800 萬像素的超廣角鏡頭，反而效果有點令人意外，相片的銳利度很高，看看在清真寺門口的圍欄，睇到圍欄頂部非常鋒利。正因相片銳利度明顯地推高，因此雜訊變得比較多，唔放大睇不需要後製，就可以直接分享。

微距鏡像素太低

微距鏡最近對焦距離大約是 4CM，由於相片只有 200 萬像素，張相未放大已經係爛，不過色彩表現都有一定水準。

總結：就算唔用 5G 都唔會伏

小米 10 Lite 5G 最大賣點得一個，就係支援 5G，效能對比同價手機更勝一籌，而且 MIUI 操作系統功能亦十分齊全，就算唔係用 5G 網絡，用 HK$2,499 (6GB+128GB) 或 HK$2,999 (8GB +256GB) 入手都唔會中伏。

始終將價就貨，你付出呢個價買部小米機，相應得到係中階手機質素，只要你保持番呢個合理期望，唔好諗左俾小小錢就有旗艦機效能，咁你唔會覺得伏。不過，你仍幻想俾中階錢得到旗艦機感覺，就只能說你太天真了。

Huawei 嘅旗艦機，都係主攻拍攝質素，由於近年 Huawei 機都無左 GMS (Google 架構服務)，似是買相機功能多過手機。繼上火年的華為 P40 Pro 後，今次 Huawei P40 Pro+ 就加入左支援 100X 遠攝功能的 10 倍潛望鏡頭，對手見到尾燈都當佢贏，值得值得入手，可以看看今次真心評測。

Huawei P40 Pro+ 硬件規格

屏幕尺寸：6.58 吋 OLED，解像度 2640 x 1200 (90Hz)
機身體積：158.2 x 72.6 x 9 mm
重量：226g
處理器：Huawei Kirin 990 5G (2 x Cortex-A76 Based 2.86 GHz + 2 x Cortex-A76 Based 2.36 GHz + 4 x Cortex-A55 1.95 GHz)
儲存空間：8GB RAM + 512GB ROM
主相機：5000 萬像素 f/1.9 OIS+ (27 mm) + 4000 萬像素 f/1.8 (17mm) + 800 萬像素 f/2.4 OIS+ (81mm 鏡頭) + 800 萬像素 f/4.4 OIS +(270mm 鏡頭) + 3D 景深鏡頭
前置相機：3200 萬像素 f/2.2 + 景深鏡頭
電池容量：4200mAh
其他：IP68 防水、NFC、屏下指紋、40W 快速有線及無線充電、支援 5G
華為 P40 Pro+ 香港的售價是 $9,888，只有 8GB + 512GB 版本

延伸閱讀：【詳解】什麼是 IP68 等級？手機防水防塵標準一次說明

精緻陶瓷機背，機身墜手

用精緻兩個字，是對 Huawei P40 Pro+ 陶瓷機背的最佳描述，純白的陶瓷機背平滑地融合在 Leica 五鏡相機，機身亦支援 IP68 防水、紅外線及 NM 卡擴充，配合金屬側框與 6.58 吋雙開孔 OLED 曲面屏幕，如機身不是比較墜手 (重量達到 226g)，會是今年設計最出色的手機。屏幕同時對應指紋及人臉識別功能，兩者都可極速識別，但載上口罩時，人臉就不能正常識別。

Huawei P40 Pro+ 設 6.58 吋雙開孔 OLED 曲面屏幕

設 3200 萬像素雙鏡頭前置鏡頭

採用金屬側框

機頂設紅外線發射器

以 USB-C 頭充電

支援雙實體 SIM + eSIM 功能，也支援 NM 咭擴充

精緻陶瓷機背

機背平滑地融合在 Leica 五鏡相機

90Hz 屏幕被超車

高於 60Hz 刷新率，已是今年旗艦機的標準屏幕配置，Huawei P40 Pro+ 的 6.58 吋屏幕，達到 90Hz 刷新率，令系統操作都變得更加流暢。不過眼見最大對手 Samsung Galaxy S20 Ultra 都已換上 120Hz 刷新率屏幕，屏幕無疑被 Samsung 超越。

官方早前亦有解釋，屏幕本身支援 120Hz，但耗電量比較嚴重，因此將屏幕改為 90Hz。有得揀先係老闆，用家可在屏幕設定內選擇用 60Hz 或是 90Hz，如 Huawei 再提供 120Hz 刷新率選擇，會是個皆大歡喜的方案。不過無論 Huawei 定 Samsung，手機屏幕都暫時沒有自動調節模式，開啟 90Hz 或 120Hz 都會較耗電。

HMS 系統唔打機可正常用

無左 GMS 究竟是咪等於廢左武功？這個問題應該是考慮入手的最大障礙。

Huawei P40 Pro+ 運行基於 Android 10 定制而成的 EMUI 10.1 系統，由於應用 HMS，用家在 Huawei 應用市場下載的 Apps，可以完美支援 HMS Core，在 Apps 內使用如 Tomtom 地圖及 Huawei Pay 支付功能等。而現時 Huawei 應用市場已經有香港多間網上銀行 Apps，亦有 Open Rice 及 Food Panda 等外賣 Apps，香港本土電視台 及 UA 戲院訂飛 Apps 等應有盡有，可能解決用家日常的需要。不過 Huawei 應用市場相對 Google Play Store 的遊戲數量還是較少，手遊達人或許並不適合。

HMS 還有雲端服務，用家登入 Huawei 帳戶後，會送 5GB 永遠儲存空間，現在 Huawei P40 系列的用家，都會送一年額外 50GB 空間，相片、聯絡人、日曆都可以儲存。甚至遺失手機，都可以使用定位功能搜尋。

Huawei 手機無 Google 大唔大問題呢？

咁無 Google 大唔大問題呢？每次寫華為手機呢個 point 都要討論，所以直接抄番上一篇華為機評測同大家分享，反正結論無分別。筆者於過去幾年，主力機都是有完整 GMS 的 Android 手機，即使是出廠後沒有 GMS、的 Mate 30 Pro，也是用「特別方法」安裝 GMS 後才使用的，對於我而言，GMS 的用途主要有幾個：

• 聯絡人同步
• YouTube、Gmail 等 Google Apps
• Google Photos 相片備份
• Whatsapp 聊天紀錄備份

而來到 P40 Pro+，過往的「方法」已不管用，強行安裝 GMS 的效果亦不太好，結果就是硬著頭皮試用了只有 Huawei Mobile Service（HMS）的 P40 Pro+ 兩個星期。比較可以無痛處理的，是聯絡人同步的問題，只需要在舊手機也安裝 HMS 再登入 Huawei ID 即可；至於 Gmail、YouTube，則可以用瀏覽器版本勉強應付。

比較麻煩的還是與 Google Drive「備份」相關的操作，如 Google Photos、Whatsapp 紀錄等等就未有很好的替代方法，只能由零開始再進行備份。

Huawei Kirin 990 5G 處理器跑分慢 Snapdragon 865 少少

今年興 5G，旗艦機都支援了 5G 網絡，Huawei P40 Pro+ 就內建 Kirin 990 5G 處理器，香港大部份營運商都使用 Huawei 的 5G 基站，會不會因此有所加成呢？這粒去年 9 月發表的頂級晶片，從安兔兔的跑分成績為 490,950 分，對比今年 Qualcomm Snapdragon 865 處理器的效能，約有一成的差距。實際啟動 Apps 的速度，系統操作流暢度，其實沒有很大分別。8GB RAM 及 512GB ROM 的規格，足夠大家正常儲相儲片。

來到今次測試的重點，Huawei P40 Pro+ 的 Leica 超感知 Leica 五鏡頭的實拍。今次 Huawei 的五鏡頭透過混合及數碼變焦，將攝距離覆蓋 18mm 至 2400mm，這超乎用家想像的拍攝距離，可以讓大家一手掌握。

Huawei P40 Pro+ 後置 Leica 五鏡頭：

1. 5,000 萬像素超感知廣角 OIS 鏡頭 (f/1.9)
2. 4,000 萬像素超廣角電影鏡頭 (f/1.8)
3. 800 萬像素長焦 OIS 鏡頭 3x 光學變焦 (f/2.4)
4. 800 萬像素超變焦 OIS 鏡頭 10x 光學變焦 (f/4.4)
5. 3D 景深鏡頭

廣角鏡全場景拍攝

內建 5,000 萬像素 1/1.28 吋 RYYB 感光元件的廣角鏡頭，加入八重相位偵測自動對焦功能，對焦速度快而準 Snapshot 最啱用，由於這鏡頭最高支援 ISO 409600，無何環境都可以拍攝明亮相片，是一個全場景的拍攝利器。其日光拍攝色彩表現相當自然，而且有很高的細緻度與層次感，單單只是個鏡頭，已經跟其他手機處於不同層次。

當大家身處光線不足的環境，如用 3 倍拍攝，系統會自動選擇使用廣角鏡頭或是 3 倍變焦鏡頭，如下圖的 Mr.Bean figure 就是在室內以廣角鏡頭作 3 數碼變焦拍攝，衣服及領帶的紋理都可以細緻地拍出。

電影鏡唔夠 Wide 勝在高質

相比其他手機的超廣角鏡都在 12mm 或 16mm，叫電影鏡的超廣角鏡只有 18mm，對比之下明顯不夠廣角。不過電影鏡勝在應用 1/1.54 吋感光元件，影相高質之餘亦不會變形，而且電影鏡主要用途就是拍片。當切換至錄影模式時，焦距就會變成 24mm，對拍片來說是一個相當容易控制的焦段。

3 倍遠攝表現討好，10 倍遠攝鏡對焦較慢

遠距離拍攝，可以交比 3 倍及 10 倍遠攝鏡頭，個人認為 3 倍鏡頭拍攝上較易掌握，無論對焦速度及拍攝成功率，都較 10 倍鏡頭好得多，後者拍攝時本身已較難對焦，而且手部一動就會有很大偏離，幸好成像及拍攝色彩亦都不錯，10 倍鏡頭拍攝 ISO 640 已有明顯油畫化，效果有用傻瓜機的味道。

3 倍變焦鏡拍攝效果

10 倍光學變焦五次折射

P40 Pro+ 的 10倍潛望式長焦鏡頭最特別是採用了五次折射角度達到在短距離內提供 10倍光學的能力，並同時支援 20倍的光學加數碼混合變焦，與 100倍的數碼變焦（與 S20 Ultra 的 100倍相同）。

華為表示它是世界第一個全像素八 PD 自動對焦系統，低光環境對焦更準確，ISO 範圍最高達 409600。P40 Pro+ 同時擁有 1/1.54吋 CMOS，支援 16合1 像素融合技術，可以拍攝 4K 超級變焦延時攝影、7680fps 超高速攝影。

50 倍變焦以下可用

使用 10 倍光學遠攝鏡時，當使用 15 倍或以上的數碼變焦拍攝，屏幕的左上角就會出現一個白色框，可以看到整個拍攝範圍，不會 Zoom 得太遠而因此迷失。在日光下拍攝高樓，50 倍變焦已可拍到屋頂的發射站，而 100 倍變焦更可將屋頂的水塔拉近，不過質素的確已經變得十分鬆散，個人只能接受 50 倍以下焦距的拍攝質素。

100 倍變焦鏡拍攝效果

所有鏡都用到手持夜景模式

低光拍攝一直都係 Huawei 手機的絕招，而 Huawei P40 Pro+ 4 支鏡頭，都可以用到手持夜景模式，就連 100 倍數碼變焦都可以用到，效果比自動模式拍攝，層次感會豐富不少。用 3 倍鏡手持拍攝，當然沒有問題，但用 10 倍鏡本身已經唔算穩定，還要用手持夜景模式，可以話係難上加難，試左大約十次，都係得一兩次係成功。

手持夜景模式拍攝效果

總結：好用但有點難用

玩完 Huawei P40 Pro+ 後其實個人覺得有點似玩 Mario Kart，最勁其實係庫巴或華利奧等肌肉型角色，只要花點時間適應，掌推他們的轉彎等操控技巧，就會比輕易掌握的角色利害得多。至於 HK$9,888 的身價是否值得入手，反而要問問大家對拍攝的熱愛程度有多高了。

用了 Sony 旗下首部 5G 手機 Xperia 1 II (Mark Two) 好一陣子，筆者入手的是白色，比起紫色和黑色機身的，更能突顯日系簡約味道，從此機的日常體驗中，發現其三長兩短，值得和大家分享。

Xperia 1 II 為 Xperia 1 的升級版，該機搭載 6.5寸21:9 比例 4K HDR OLED 屏幕，並加入 90 Hz 屏幕刷新率技術，性能方面就配備Snapdragon 865 處理器，內建8GB RAM + 256GB ROM 及 4000 mAh 電池。SONY Xperia 1 II 將支援 SUB 6 5G 網絡，具備 IP68防水防塵規格，並保留雙前置喇叭及3.5mm 耳機插槽。

相機最大賣點分別是 1200萬像三鏡頭+ TOF 鏡頭。主鏡頭為24mm 廣角鏡，CMOS 尺寸達 1/1.7″，支援 PDAF 及 OIS，另再配備上 Zessis T* 鏡頭鍍膜技術，主鏡頭拍攝表現絕對值得期待。第二顆 1200 萬像鏡頭，支援雙 PDAF，最後一顆 1200萬像鏡頭為 70mm 長焦鏡。另外 Sony 今次就為 Xperia 1 II 加入3D iTOF 景深鏡頭，將加強對焦速度及改善人像拍攝的質素。

SONY Xperia 1 II 硬件規格

屏幕尺寸：6.5 吋 HDR OLED ，解像度 3840×1644
機身體積：166 x 72 x 7.9 mm
重量：181g
處理器：Qualcomm Snapdragon 865
儲存空間：8GB RAM + 256GB ROM
主相機：1,200 萬畫素（F1.7 光圈）+ 1,200 萬畫素（F2.2 光圈）+ 1,200 萬畫素 124° 超廣角鏡頭（F2.4 光圈）
彈出式前置相機：800 萬畫素鏡頭（F2.0 光圈）
電池容量：4000mAh
防水：有
WiFi 6：有
無線充電：有
5G：無
其他：支援 NFC、指紋、WiFi6、IP65 / IP68 防塵防水等級

延伸閱讀：【詳解】什麼是 IP68 等級？手機防水防塵標準一次說明

SONY DNA：修長機身比對手輕巧

個人一向很欣賞 Sony 手機的 21:9 的尺吋比例，十分便於單手操作，睇片打機也是一流享受，最重要是這種差異化設計，成為 Sony 手機獨有的 DNA，特別能吸引我這種愛與眾不同的用家。Xperia 1 II 用的是 6.5 吋 21:9 4K HDR OLED (3,840×1,644) 屏幕，配合雙擊喚醒功能，單手操作十分便利，而瀏覽Facebook按Like亦尤其方便，撥打電話以至Whatsapp輸入文字也一樣，一只拇指便可操作；而此機的輕巧程度，其他類同尺吋的 5G 手機實在望塵莫及。

SONY Xperia 1 II

• 屏幕 6.5吋
• 尺寸 166 × 72 × 7.9 毫米
• 重量 181 克
• 記憶體 8+256

小米10 Pro 5G

• 屏幕 6.67吋
• 尺寸 162.6 x 74.8 x 9.35 mm
• 重量 208g
• 記憶體 8+256

Samsung S20+5G

• 屏幕 6.7吋
• 尺寸 161.9 x 73.7 x 7.8 mm
• 重量 186g
• 記憶體 12+128

SONY DNA：即開的 SIM 卡槽

另一 Sony DNA 是一拉即開的 SIM 卡槽，以前每即開一次，手機就重啟一次，很是浪費人生，近代手機已有所進化，抽插卡槽時，手機都會繼續在操作模式當中。卡槽屬 3 選 2，支援記憶卡，唯 4G 和 5G 卡同時插入時，需把 4G 的關上才能用到 5G，這是現時晶片先天性限制，其他機也如是，而2張4G卡一起用是沒問題的，但應該沒人會這樣做。所以現階段最理想做法，是一張 5G 卡和一張記憶卡。

5G 速度表現方面，在 Xperia 1 II 搭配 CSL 5G 服務，在彌敦道制上錄得約 400Mbps 的下載速度，比一般 300Mbps 此理想數字為高。

回歸 3.5mm 大自然

記得上一代的 Xperia 1 只有 USB Type C 供連接有線耳機之用，今次 Xperia 1 II 就追加了 3.5mm界面，隨機也附贈了自家的 MH750 耳機，雖只是百多元的入門貨色，但總好過無 (小米10 Pro 5G沒有送耳機)，又由於手機本身音訊處理經特別調校，左右聲道干擾值已降至 20dB，不論是用 3.5mm 耳機、前置立體聲揚聲器、抑或以藍牙耳機聽歌，干擾度都比用 USB-C 耳機低 90%以上。

追焦連拍竟然 百分百

Xperia 1 II 三主鏡提供 16mm / 24mm / 70mm 焦距，廣角和三倍光學變焦都有，並號稱擁有Sony Alpha相機技術，支援高達 20 fps AF/AE（自動對焦 / 自動曝光）的追蹤連拍功能，此言非虛，但需用內置的官方 App Photography Pro 來發揮，實時眼睛自動對焦功能也一樣。

試用發現，它追著主體眼球對焦的成功率幾乎是百分百，所以尤其適拍攝合兒童或寵物，按著手機的實體快門鍵不放，聽到有如機關鎗一樣的連拍聲音，感覺療癒。實體快門鍵是 Sony 手機另一 DNA，方便按半下對焦，全按拍攝，待機時長按會觸發拍攝功能，十分方便，相信會一直沿用。

84度的自拍前鏡有800萬像素，雖數字不高，但卻竟然支援HDR相片、5 軸防手震及手動模式，當然也有基本的微笑快門和屏幕閃燈。實測發現，美肌功能設定眾多，此方面罕有地追上國產品牌手機水平。

預載系統相機 App 效果更差…

然而，用預載的系統相機App拍攝，體驗一般，下文稍後會訓斥一下。錄像方面，可攝錄 24fps、25fps、30fps 和 60fps 的 4K HDR 影片、OIS、EIS 影片 5 軸防手震功能、智能阻隔風聲功能、慢動作功能 (120fps)等應有盡有。

影食物要退後啲？

拍攝食物呃 Like 已成網民日常，然而 Xperia 1 II在這方面的拍攝體驗有改善空間。用 24mm 1x 拍攝不可跟主體有太近距離，自動啟用的超近距離拍攝功能也幫不上忙，要離遠一點拍才可以，但就影響了構圖。離遠用Zoom的話也需一定技巧，手機不時提示要再離目標遠一點，唯一方法是於1x焦距下拉大畫面作數碼變焦拍攝。

另外，無論在攝影介面觸控快門，抑或以實體快門鍵拍攝， Xperia 1 II 不時都出現 Delay 情況，感覺是需要時間儲存相片，也好像是 AI 在後期處理，這一點難以印證，反正所拍的不是 RAW 格式，，上一代的 Xperia 1 也沒有此問題。Xperia 1 II 的藝術家性格實在令人又愛又恨，它蔡司 T 鏡所拍相片有質素，對焦快而準，但就要用家遷就拍攝角度，和接受它慢工出細貨，期望日後透過 Firmware 更新可改善。 至於整體拍攝質素，用上是的Xperia 1 II，質素還是有保證的。

Sony 相簿不再

Sony 手機一向內置自家相簿App，很受用家歡迎，可是在 Xperia 1 II 身上已被Google Photo所取代，試過到 PlayStore 下載官方相簿 App，能成功安裝卻無法使用，可惜。

總結：

其實作為近 $8,000 的旗艦，Xperia 1 II是用足料的，包括具備 IP65 / IP68 防水和防塵評級標準，機身前後均採用 Corning Gorilla Glass 6 強化玻璃；4,000mAh 電池支援快充及 Qi 快速無線充電技術。

一般操作和上網，Xperia 1 II 是出色的，尤其Sony 一向能優先取得Google的系統更新，更為此機增加吸引力，只是拍攝方面未盡完善，感覺廠方是專注強化手機的對焦和連拍功能，而忽略了基本層面的體驗，可惜。